الاخت / مشيخها فعل ابوها ابشري ولايهمك هذه قصيدة الشاعر/ محمد سرور
كما القى الشاعر القديرمحمد عوض السرور ..
قصيدة رائعه ومجاره لقصيدة للشيخ الراحل عقوب بن فاضل الحميداني
سدرة الغرمول
[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="solid,4,gray" type=0 line=0 align=center use=ex num="0,black""]
السيل ياديرة ابو ذعار يسقيك=من مزنة هلت الماء عقربيه
بيت طرالي بعد ماجيت ناصيك=في ليلة جيت ساري سرمديه
للي وطى الداب وأنيابه مشاويك=ووقاه ربي من أسباب المنيه
راعيه راعيك الأول جد راعيك=عقوب وعقوب هذا عقوب زيه
الله يبيحه و يبقينا و يحميك=ويحفظك من كل شر وسو نيه
وإن كنت مزعلك والله دين لرضيك=ومثلك لو أخطيت مايزعل عليه
حيث إني أغليك ثم أغليك وأغليك=ياديرة اولاد علي الثامريه
وتستاهلين الغلا من طيب اهاليك=بالوقت هذا ووقت الجاهليه
حاضرك صوره حقيقيه لماضيك=و تاريخك يعيد نفسه يالأبيه
انجبتي اللي يحلون الشرابيك=أللي على أهل القبور ابهم حميه
من فعلهم بالنفود اللي حواليك=سالفة مبينه ماهي خفيه
جضع الرياجيل من ضرب المشاويك=وجضع المواتر من النار اللضيه
ذكرني أهل العشر فالمعركه ذيك=وفعل العبيات يوم العاذريه
هذا السبب في نظر عيني معليك=من بد الأوطان في نجد العذيه
والثانيه يالعصيه فعل راعيك=عقوب يوم أرتكى لحل القضيه
وانا ياشيخ الدويله جيت أهنيك=بالليله اللي كتبها الله هنيه
اعياد وأمطار وأفراح وتباريك=وجمعة رفاقه وعود وشاذليه
في حفلة إعيالك وحضرة بنيخيك=تقبل اسمى التهاني والتحيه[/poem]
.
ضوابط المشاركة
رد مع اقتباس
