افتح شبابيك الغلا جيتك اليوم
بحساس من زود الغلا وده يطير..
جيتك مثل طفل له ايام محروم
عن حضن امه ابعته المقادير..
وجيتك وانا شخص له ايام مهموم
وده يلاقي باخر العمر تقدير...
متى تعرف ان المحبه شي مقسوم
من قسمة الخالق على خلقه يصير..
متى تحس اني لك اطيح واقوم
واتعب على شانك واقدرك واغير..
لي في غلاك احلام وامال وعلوم
واحزاب واصحاب وقصيد وجماهير..
وهموم وافكار وهواجيس وعلوم
ودروب واخطار وعذاب ومشاوير..
وحب وغلا واخلاص ومعاند ولوم
واحساس والهام وشعور وتفاكير..
وصحبة سهر وماقطع لذت النوم
واشواق جياشه وصدق وتعابير..
(في ذمتك مابان لك شي مكتوم)
من بعد ما صورة الاوضاع تصوير..
لا تحسب انك شي عبر معدوم
وتاريخ حبك فاق كل الاصاطير..
كني لقيتك باغنيه لم كثوم
وكني قريتك في رواية شكسبير..
في كل شي اتخيلك واسمعك دوم
واتاملك في الوقت الاول والاخير..
من ماضي الايام لايومك اليوم
وغلاك عندي ما حصل فيه تغير..
وانا والله فيك مااقبل البيع والسوم
ولا ارضى علي ولا عليك المخاسير..
رد مع اقتباس
