في صالة الاجتماع بدأ بهذه المحاوره بين بلير وبوش
وقام بوش بالرد عليه فورا
البادي بلــــــير :
الله لايجزاك بالخير يابوش "=" ورطتنا في حرب صدام ورطه
عزمتني وتقول بترول وقروش "=" بس الحقيقه روحتي معك غلطه
قال بوش : خلــــوها :
يابلير رد العلم عن بوش بن بوش "=" الله خلقنا للمقاريد سلطه
وابوي عنده للرياجيل دنبوش "=" كم واحد ٍ شلنا فلوسه ونفطه
بلـــــــــــــــــير :
ابوك والنعمين مير أنت مربوش "=" تموت بالبترول وتحب شفطه
صحيح عندك مال وسلاح وجيوش "=" مير اتوقع لك تدهور وسقطه
بــــــــــــوش :
يابلير كانك خفت يوم احتمى الهوش "=" حرام ماتأخذ من النفط نقطه
قبلك ترى شيراك قد راح مكروش "=" شوفه يصرح كل يوم بمحطه
بلــــــــير :
وراك ماتعطي لشيراك عرموش "=" تراه مشغلنا بشيله وحطه
وليا انتهى موضوعنا نرسل طروش "=" ونجمّـع المبلغ من الربع قطه
بــــــــــوش :
شيراك هذا عنده الفكر مغشوش "=" فرط علي في مجلس الأمن فرطه
يدزه الألمان والصين ويطوش "=" ويجهز الفيتو لتحقيق شرطه
بلــــير :
يابوش أنا مرهق وخايف ومدهوش "=" وانته تقول الحرب خدعه وخطه
اسراي واسراك امتلا منهم الحوش "=" عز الله أنه صابني منك جلطه
بــــــــوش :
ماقلت لك كم فيه اذاعات ودشوش "=" لاتكشف المعنى وأنا اقول غلطه
وان قالوا أنا علوج واصاحبنا جحوش "=" ماهمنا الصحّـاف واللي يخطه
( وبعد انتهاء هذه المحاوره اتفق الطرفان على ان نفط العراق من حق بوش ووعد بلير بنفط نصف ايران ..!! )*
نسال الله ان يرد كيدهم في نحورهم وينصر الاسلآآآآم والمسلمين
منقول
رد مع اقتباس
تسلمون ع المرور الطيب والعذب
