محد تجي دنياه دايم على الكيف

[غـلاوي]

محد تجي دنياه دايم على الكيف
..............................يوم محل واليوم الاخر مريفه



لا تلتفت تكثر عليك التحاسيف
.............................مافات منها...مات...خله بكيفه




ترقى بصيتك فوق روس المشاريف
............................وتمشي معك مثل الهبوب اللطيفه



اليا اقبلت لمت شتات الموالـــــيف
..............................واليا ابعدت ينسى وليف وليفه



مادام انا وياك دايم مـــــــلاهيف
..............................ومتقاسمين حبنا بالنصيــــــفه



انا خوي للسهر والسهر ضـــيف
..............................ومن عادتي لا حل ضيف استضيفه



حبك نزل بين الضلوع المهــاديف
..............................الصــــدق بين والنوايا شــــريفه



مع غيرك انتي ماتطيب السواليف
..............................ياللي على قلبي .. مزوحك خفيفه



قصه غلاك تشرف العشق تشريف
...............................سيرة غلا .. بين القلوب النظيفه



انتي اليا وصفت فوق التواصيف
..............................ياللي لزينك كل زينه وصـــــيفه



مـــــامرني زينك ولا بالنظر شيف
..............................الزين في غيرك مغطيه زيـــفه



وان قيل به للزين والحسن تعريف
..............................انتي عن اجمل مــايوصف منيفه



الناس تفــرح بالمرابع وبالريــف
..............................وقربك لقلبي هو ربيعه و ريفه

مما راق لـــــي

[برق الوسم]

حرة بغلاي
روووعه
يسلمو ايدياتك وذوقك الراقي
الف شكر ووودي برقووووووووه

[عشقي لذابحي]

ايوالله صدق محدن تجي دنياه على الكيف
ابيات جميله يعطيك العافيه