البيت بيتك واطلب اللي تريده

[دحيم السلاهبي]

يالي تغيب ودايم القلب يطريك
بفتح معك يازين صفحه جديده
سكنت في وسطه وهو ساكن فيك
مابين شريانه ونبضه وريده
تغيب وليا جيت ربي يحييك
خلك معي واقول فرصه سعيده
طيفك يباريني وطيفي يباريك
واذاكره في كل ساعه تعيده
بيت القصيده ياريش العين يعنيك
يعينك المجمول بيت القصيده
استلهم اشعاري بشوفتك واهديك
المفردات النادرات المفيده
اطلب واقول افداك لعيون مغليك
اقرب وفك عقال خلك وقيده
ليا بغيت اوصفك كيف احليك
وصف يضم مواصفاتهن عديده
سبحان خلاقك وسبحان معطيك
مالك شبيه ولك وصوفآ فريده
آمر تدلل واطلب العمر ويجيك
العمر يفنا والليالي مديده
البحر بحرك والمواني موانيك
البيت بيتك واطلب اللي تريده




الشاعر عبد الله العاطفي

[العنيده]

الله عليك وعا القصيده الرائعه
صح لســـ’آن شاعرها
وتسلم يمــــــــآن طرحها
لاهنت

[سيف ابو حدين]

لاهنت صح لسانك ولسان قايلها قصيده رائعه


خيك


سيف

[دحيم السلاهبي]

العنيده

سيف ابو حدين


مشكورين على مروركم العطر

[برق الوسم]

جندي خفارهــــــ

مطيق لاتسلم هههههههههههه

تسلمي يالغالي نقل ولااروع منه وصح
لسان الشاعر عبدالله العاطفي الف شكر
وودي برق الوسم

[دحيم السلاهبي]

برقووووووووووووووه

مطبق ولا مطيق هههههههههههههههههه

فديت ضحتك وكشرتك هههههههههههههههه
مشكور على مرورك العطر

[غـلاوي]

صح لسآآآآآآآآآآن شآآعرهآآآآآآآ

وتسلم يمينكــــ على ايرآآآدهآآآآآآآ

كل آآآآلود,,,--

[دحيم السلاهبي]

مشكوره على مرورك العطر
ودمتي بود