جا يطيّب خاطـري فـي كلمتيـن
يحسب ان رضاي مضمون وسهـل
عذره اللي رجّعـه شـوق وحنيـن
يحسب ان رضـاي بشويـة غـزل
مادري اني حالف وحالـف يميـن
مـاأرد بكلمتـي مهمـا عـمـل
ما يليـن القلـب والله مـــا يليـــن
وان زعل يزعل، ويعني لو زعل ؟!
@@@@@@@@@@@@@@@@@@@@@@
على ذاك الجدار اللي على حد البيوت الطين
وقفت وهاجس الذكرى نفض عن قلبي غبــاره
وفي ذاك المكان أثبت بان الادمي من طين
تخـيل يوم لامـسته تــنهد من شقا ناره
سألني و قال: انا اذكر تجـوني من زمان اثنين
بكيت وقلت صدقني رحل وانقطعت اخباره
@@@@@@@@@@@@@@@@@@@@@
خــــــــــــطاي
إني سألت وجيت أدور للغياب أسباب..
خطـــــاي
إني تعلمت الوفا والناس كذابه
حسايف يازمن ماعاد باقي بذا الزمن أحباب
على حسب المصالح كل واحد يحسب حسابه
@@@@@@@@@@@@@@@@@@@@@
تعبت اقول لضيقتي سهـود ومهـود
اليا متـى هالعـذر بيكـون عـذري
البارحة يـوم اكثـر العالـم رقـود
عادت علي اللي تجي منيـن مـدري
الضيقة اللـي كـل ماراحـت تعـود
مكانهـا مابيـن قلبـي وصــدري
ناسٍ تنام مدهنة فـي دهـن عـود
وناسٍ تنام مدهنـة بزيـت مقـري
@@@@@@@@@@@@@@@@@@@@@@
غريب الدَّار ومنـاي التسلِّـي
أسلَّي خاطري عن حب خلِّـي
سمعت الشَّور من قاصر معرفـه
يحسب البعد عن داره يسلَّـي
أسافر عنه مـن ديـره لديـره
عساي أسلاه لكن ماحصل لي
وأهوجس فيه وأنسى إنَّي نسيته
وأفكَّر في ليالٍ قد مضـىً لـي
أنا لاجيت أبنساه التـوى بـي
خياله وانهمر دمعـي يهلَّلـي
وأشوفه واقفٍ من دون دمعـي
حبيب القلب في عيني يهلَّـي
دعاني ياغريـب الـدَّار عـوَّد
ترى مالـك محـل إلاَّ محلَّـي
مكانك في عيونـي ياعيونـي
وصدري من عناقـك مايملِّـي
رد مع اقتباس
