>> مــدري لــيـه ؟؟ <<
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="solid,7,black" type=1 line=1 align=center use=ex num="0,black"]
ياهيه اللتفت لي واسمع ادعاي لـك ياهيـه=ترا عـادك بتشبـع مـن البعـد و تواجـه
دعيتك بصـوت ٍ ياصلـك ليـه ماتوحيـه=وانا اسمع ضلوعك من صدى الصوت لجّاجه
عليك الفـؤاد اخلاجـه مصمّـخ ٍ راعيـه=خف الله فـي راعيـه ماتسمـع اخلاجـه
ترا العفو قد جـاك اولـه واغتنـم تاليـه=وترا الحلم بحر ٍ غيـر لا تامـن امواجـه
وترا الود ليل ٍ مظلم ٍ جيـت لـك ساريـه=سراجه وصـاك والجفـى ينفـخ اسراجـه
وترا قصرنا اللي كم سنـه نجمـع و نبنيـه=هوى الهذل طيّـح بابـه العـود و سياجـه
لي أيام مـدري ويـن دارك ولا ادري ليـه=وانا خابـر انـي بـاب شفـك ومزلاجـه
غيـاب ٍ بـلا سبّـه هجـاد ٍ بـلا تنبيـه=وجفا أغلا العرب نار ٍ على الكبـد و هّاجـه
نضج قلبي من البعد وش حاجتـك تكويـه=جفاك الجمر والصبر فـي بعـدك الصاجـه
طبـع حبـك بقلبـي والايـام مـا تمحيـه=هـذا هجـرك يحـاول يموجـه ولا ماجـه
يموت الأمل لكـن ضنـون الغـلا تحييـه=وعروق الوفـا فالـروح والقلـب وجّاجـه
خبرتوا حد ٍ يبكـي علـى واحـد ٍ يبكيـه=وخبرتوا حد ٍ مسجـون مايبغـي أفراجـه
احبه ولا ابغضتـه علـى شيّـن إيسويـه=ولا زالـت ارقـاب الرجـا فيـه منعاجـه
عسى منزل ٍ ضمه حقوق الوسـم تسقيـه=وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه مسلّيـه=وغدت روحي من النـاس والليـل هجّاجـه
اروح لمكـان ٍ خابـره ..خابـره ياتـيـه=اسوق القدم صوبـه وهـي مالهـا حاجـه
مكـان ٍ نزيـه وأول مواجهـي لـه فيـه=وانـا خابـر ٍ مارجـل مثـلـه بـدواجـه
لعل وعسى مـا حدنـي للمجـي..يدعيـه=واشوفـه وانـا مـاودي اسبـب احراجـه
يحب الجريح آخـر دروب اللقـاء و يجيـه=وتحـب القـدم جيّـة مكـان اول مواجـه[/poem]
[glow=CC0000][glow1=FF0000][align=center]
مــحــمــد حـــمــد أبــن فــطــيــس الــمــري [/align][/glow1][/glow]
رد مع اقتباس
رد: >> مــدري لــيـه ؟؟ <<
المشاركة الأصلية كتبت بواسطة ديحاني
