مـــرحبـــآ00 هـــذي قـصيده للشـاعـر :
ثـامـر شبـيب الدقــباسـي اتـمنى انها تــعـجـبـكـم ,,
ياكثر شرهاتي عليـك انـت بالـذات ....
والا علـى غيـرك تراهـا قليـلـه
تعبت اجي بسكـات واروح بسكـات ...
ساكـت وانـا متنـي حمولـه ثقيلـه
مرات احس انـي لحالـي ومـرات ...
احـس مسنـود ٍ بجـيـش وقبيـلـه
عشت بمتاهـه غيـر كـل المتاهـات ...
كانـت مفيـده بـس ماهـي جميلـه
عرفت منها كيـف طعـم الخيانـات …
وشلون ترخصـك النفـوس الذليلـه
خسرت .. لاوالله فدتـك الخسـارات ...
ياأغـلى مـن الدانـه بعينـن بخيـلـه
ماقلت لـك قصـة بعيـد المسافـات ...
اللـي معـه بشتـه وسيفـه وخيلـه
ضحى بهم من شـان سـود ٍ وسيعـات ...
الله يعيـن اللـي مـفـارق خليـلـه
جيتك اشيل من التعـب كثـر مافـات ...
طرقي وهـدت سـود الايـام حيلـه
خذني من ايديـن الحـزن للمسـرات ...
ليله معـك عـن الـف ليلـه وليلـه
صوتك لحاله غير عن كل الأصوات ...
وش غير ؟ حتى الغير ماهـو مثيلـه
غير انت وصوتك غير والشوق مامات ...
وتلومنـي لاجيـت قلـبـي اشيـلـه
دايم ترى اهـل القلـوب الحزينـات ...
تنشد عن الغالي وتجـي تشتكـي لـه
علاقتـي ويـاك غيـر العـلاقـات ...
لـو كـان ماهـي ياحبيبـي طويلـه
اشره على الغالي عليك انت بالـذات ..
والا الرخيص رخيص ماني بجي لـه
اتمنى أن تنال اعجابكم00دمتم بعافيه
رد مع اقتباس
