[poem=font="simplified arabic,6,black,normal,normal" bkcolor="transparent" bkimage="" border="ridge,4,gray" type=2 line=0 align=center use=ex num="0,black""]
ياسعد قلبي مع اللي مشى يم الرقاش= واحدن يلعب بقلبي وتعشقه العيون
شايبه توه خذا الشيك من بنك المعاش= قال عقب العصر نمشي وسرعه تجهزون
مرني دمعه على الخد ديم من الرشاش= ماقدر كلمة وداعه عساهم يسلمون
المشاعروالاحاسيس والقلب الهشاش= خاوته يوم السفر وانت مثلك تفهمون
اعذروني مااقبل الهرج مع كثر النقاش=لاتجادلني تراني مع الغيض محزون
ولاتهاوشني ترى ماتحمل للهواش= الهموم اللي على القلب تكفي وش تبون
والله اني بعض الاحيان في العقل ماش= بس اسولف بالخلا واتخيلهم يجون
يحترق قلب المولع ومردوده بلاش=والتوجد يجرح القلب بااسباب الفتون
ليت ابوها ردها ماخذاها للرقاش= ديرتن مدهال بدون عليها ينزلون
سامحوني بسهر الليل واوقات الغباش= واعذروني ياسعد لونزل دمع العيون
[/poem]
برق الوسم
رد مع اقتباس
المشاركة الأصلية كتبت بواسطة برق الوسم
