كل ليلهـ في غيابك ( ألف عام )
............... وشاعرك من غبت ، ماعنده نظر
صار فيني شي مو قادر أنام !!
............... هذا هو [ الحُب ] أو هذا [ سحر ] !!
بين حيرة وشك وأشواق وملام
............... تنقطع بسكات ! ـ لا حس وخبر !!
ماحطبتك .. لين شفت الإهتمام ،
............... ليش تتركني وحيد ... بْلا شجر !؟
جيت مثل الحلم لحظات المنام
............... ورحت مثل " الموت " للّي يحتضر
أفقدك : مثل الطفل وقت الفطام
............... وأعشقك : عشق بدويٍ للـ مطر
أذكرك : وأذكر تفاصيل الكلام
............... وأسهرك : يمكن تمر / وما تمر
ليش تسرق قلب في عز الظلام ؟
............... ليش تقتل شخص لك عنده قدر ؟
جيّتك .. مسك ( البدايهـ و الختام )
............... جيّتك .. عندي مثل : فكره بِكِر
راضي لو مرهـ تجي في كل عام
............... كنّي طفل وشوفتك [ عيد الفطر ]
لأني من شفتك أحس إنّي : تمام
............... كنت صاحي وقلبي في حالة سكر
كانت أجمل ليلـهـ كانت ( يااا سلااام )
............... ليلهـ وحدهـ بـ العمر تسوى العمر ،
للشَآعِر [ أحمَد الصَّآنِع ْ---
..
رد مع اقتباس
