منقول
قصيده للرائد/ سلمان محمد بن حزيم الصعنوني المطيري. في النقيب/ محمد بن خالد الحميداني المطيري بمناسبة سلامته من حادث إنقلاب السياره الذي حصل له بحرس الحدود بالرقعي أثناء تأديته لواجبه في حماية أرض الوطن وذلك يوم الجمعه 15/1/1431هـ
الحمــــــد ثم الحمــــد لله يـا الذيــب
على السلامه من صواديف الاقدار
لابـاس ابو تركي ويا ماكــر الطيـب
تكفيــر من ربك وتطهيـــر ما صــار
الله يجنبــك الخطـــر عالــم الغيـــب
ويجعـلك باذنـه من طويلين الاعمار
حيثـك من خيار العرب ما بهـا ريب
أشهــد شهــادة حق ما نيـب ثرثـــار
حلو النبـــا راع الهــلا والتراحيــب
سمح القبـال ليـا لفــا البيت خطــّـار
طلـق الحجــاج وقايــم ٍ بالمواجيـب
ومشــرّع البيبــان للظيـف والجــار
دمث الجنــاب مدلـّه بعـيد وصحيـب
ومع الخوي ماقال لك قلت له صار
أجيـك لو من فوق شيب المحـاقيب
والا على الاقــدام من قـو الاصرار
صدق المـشاعر والغلا جابني جيب
ما اشعرت لين اني توازنـت للقــار
تكفـنّ شومن يــا البنـي الرعــابيب
لامثــال ابو تركي طـويلين الاشـبار
وصيــة ابن حزيــم للي تبــا الطيب
وصلى الله وسلم على سيد الاخيار
منقول لـ
سلمـان محمد بن حزيـم الصعنوني المطيري ( ابو سلطان )
18/1/1431هـ
رد مع اقتباس
