بسم الله الرحمن الرحيم
السلام عليكم ورحمة الله وبركاته
كيف حالكم آلغوآآلي؟
جايبة معي وجبة خفيفة ممكن ناكلها مع كوب شاي على كيييف كيفكم !
أو نفطر فيها الصبح وهَمْ لازم الشاي معآآآنا..
بس شنو عليها طعم !
تطيحين في حُبّه من أول نظرة ، من أول قضمة ، من أول شمّة << متأثرة بإعلانات رمضان..
طبعاً الأكلة إختراعي عشان جذيه أسوي عليها إعلانات فوازير
وسهلة أتوقع أي أحد توصل للنتيجة الفتّاكة والطعم العجيب قبلي << صدقت حالها البنت..
ما أطول عليك ..
ولو أني من اللي يحبون يحطون الصور بلا مقادير !
بس مافيني شدة أتهاوش
المـقادير .،
(حسب الكمية والذوق)
خبز عربي - مسحة جبن سايل - مسحة ما يونيز {على حسب ذوقك-- - جبن مالح مقطع صغار {سر الطعمممممم المميز-- - رشة زعتر - فليفلة بارد مقطّع صغار - طماط مقطَع صغار {المرة هذي سويتها بلا طماط لكن معه أحلى وأحلى-- - زيتون أسود {حسب الذوق-- أنا ما استخدمت ؛ تكسلت أفتح العلبة
الطريقة .،
1. خذي خبزة عربي ، ادهني نصها جبن ونصها مايونيز وحطي الجبنة المالحة {حبذا تكون اللي تُباع بالكيلو ، صراحة ما استسيغ حقت البقالات-- .
2. رشي الزعتر .
3. حطي الفليفلة والطماط .
4. حطي الزيتون (في حال ما تكسلتي تفتحي العلبة مثلي)
5. حطيها في صنية فرن ، ودخليها الفرن ، وشغلي النار من فوق بسسس .
6. لما تسيح الجبنة وتحسين أن نسبة {سعبولاتك/ آلروآويين-- زادت عن المعدل الطبيعي ، وشمشمتي ريحة الجبن يرفل في الدفء
7. طلعيها من الفرن ، وطبّقيها - اسفطيها - اثنيها << بكل اللهجات اللي أعرفها.
8. جهزي الشاي ، وكلي وعليك بالعافية وألف هناء .
ملاحظة .،
حطي في بالك أمر ! ، ترى احتمال كبير تنقّط عليك الخبزة سوائل جبنية ومايونيزية وطماطية ، جهزي مناديل أو مزمزي الخبزة من تحت
اعجبني شكلها بس لسا ما ذقتها
منقووول
رد مع اقتباس
