وقال فيهم الشاعر دعسان ابن حطاب الدويش في مدح عبدالله المهيبيل ..
ياسابقي هاذي بيوت المهيبيل = ساس الكرم ومعطرين السناني
حلف عليها ماترد المخاليل = ياكود ترجع من هواها ثواني
وقال فيهم >> الشاعر عبيد الكميخ
والله يلو لابتي حاضرين كلهم = أليضحى الضحى ماطبها السبيب
مابين حامد والحميدي سـبعه = ومسلط يقلب خيلهم تقليب
وقال الشيخ والشاعر عقاب ابن جفران الحميداني
أنا قبل حمدي تاركن قلبي الهنداب = عن الشعر معرض من جميع الهناديبي
ولد طيبينن بالفوايه مع الأجناب = أليا جاء نهارن فيه كثر التناديبي
من أخوان هبسا مايقولون ربعه خاب = مصاويط بقعاء معطبين المضاريبي
وقال الشاعر فلاح ابن مبرد الحميداني في عبدالله ابن دليل المهيبيل ..
ابوفهد راع الوفاء والجزامه = حرن يجيه الطيب من ساس مجناه
ولد دليل اللي يفك الجهامه = زبن الذليل اليا نشب فوق وجناه
واليا حصل يومن يثوع عسامه = دايم وشجعان الرياجيل تنخاه
وليا نزل قال ابشروا بسلامه = ياويل ربعه في هاك اليوم لولاه
وقال الشاعر سلطان ابن مريبض الرويس العتيبي بمدح الفارس بداح المهيبيل....
البارحة ما نمت عيني سهيره=كل رقد وانا عيوني سواهير
اونس بقلبي مثل حمو السعيره=ودموع عيني فوق خدي شخاتير
على قصير صان رفقة قصيره=يدرك احقوقه بالليالي المعاسير
ابو الحميدي بالليال العسيرة=وقف بجنبي حفظ جيره وتقدير
أرخص حلاله دون حالي بريره=يوم إنها ضاقت علي المعابير
وقال شاعر المليون خالد ابن محيسن الحميداني ..
حنا الدويله فعلنا نستمــــده = تاريخنا بسيوف والشلف مكتوب
حامد جدع سبعه على أول مهـده = وبداح في خضر النمش وام عرقوب
وقال الشاعر مسعد العضيله في مدح المهابله...
تبشري بالمعزه يام دبابي = وعلى الحمادين زهور ورود رميها
حتى أنه قال ..>
بين الحميدي وحامد سبعة شنابي = في ريس شمر تعشتهم حناديها
ومن الملحمه التاريخيه قال الشاعر ...
يـوم دارت معركتنـا وانتخيـنـا = انتصرنا رغـم حضرتنـا قليلـه
طاح سبعه بين حامد والحميــدي = ومسلط الحبشان وش سوى بخيله
وقال الشيخ سالم ابن دحيم ابن بصيص ...
يادليل الهوا تركوا طرياه = لا أطري علي الهوا كله
مقفين عنه ماعاد أنا وياه = مثل ماقفى عن البيض أخو شله
يادليل أنتم أهل الفخر والجاه = سعد من انتم على الضد عونله
وهذا ماحصلت عليه من تاريخ المهابله
أوضح للجميع أن القصائد طويله لكن أختصرتها لكثرتها
وحتى لايمل القارء منها ....
أخوكم / أبو محمد
رد مع اقتباس
