[poem=font="ms sans serif,6,white,normal,normal" bkcolor="transparent" bkimage="backgrounds/21.gif" border="none,7,skyblue" type=1 line=1 align=center use=ex num="0,black""]
لي لابة عز الخوي والمناعير=منهو نصانا بحزة الضيق جينا
عزوة ولاجيت اعتزي صحت يامطير=ياهل الكرم ياللي كسبتو الثمينا
تاريخنا ناصع ولافيه تزوير = وتبت يدين اللي يكذب علينا
حنا الرحال اللي تضد الصعاطير=وانشد عن اللي صار باللي يبينا
الحرمليه وبالحريقه وبالكير=واهل العشر قدامهم صاملينا
واللي حدث فالعاذرية مهو كبير= اردى فعايلنا الامن اعتزينا
وراس عباس جابوه الصعير=وغيرهم روس كثيره طاحنينا
وياهل الجدعا ترى فعلكم غير=من يسقط الطايره يالسلاطينا
وبنجد والصمان النا مذاكير=وقايعن تثبت لنا طيب اليمينا
بريه الايمن صار بالوضع تازير=الها طوابير تدط المعادينا
وعلوى هل الردات طيب التباشير=كسابة الجزلات حين بعد حينا
ويالعبادل يالوجيه المسافير=ياللي في اعداكم مرثعينا
حمر النواظر والمعالي مشاوير=هذا وانا من قروم الحمادينا
والطيب حنا نصدر الطيب تصدير=وكل القبايل قدرهم عارفينا
الله يجمل لابتي بالعز والخير=والله يجملنا مع الطيبينا
وختامها ادري انا فالهرج تقصير=ماوفي فعايلكم بوسط الميادينا
وصلوا عدد ماصفق جناحه الطير=على الرسول الهاشمي والامينا[/poem]
رد مع اقتباس
