بسم الله الرحمن الرحيم
هذه القصيده في حفل زواج غزاي عطا الله العليم الحميداني
وحبيت ان اشارك بها واتمنى ان تنال عجاب المشاهد
أول الاقوال ياالله ياكريم وياعظيم = ياإلهٍ من تعزوابك يفوز ولايخسر
دلني درب الهدايه والطريق المستقيم =واكفني شر
المعاصي مابطن وماظهر
بعده أثني سلامٍ يشمل الجمع الكريم = والتحيه شامله للباديه وإلاحضر
ياسلام الله عليكم عد ذعذاع النسيم = عد ذعذاع النسيم وعد همال المطر
عند حمران النواظر جيت في حفل العليم =في رضا غزاي جيت وجيت اشارك من حضر
جيت يوم انه دعاني صاحبٍ عندي حشيم = واجب أحضر في لزومه مامعي دونه عذر
لي معه خوه وجيره والخوي مثله عديم = مثل ابو عادل عزيز وله مواجيب وقدر
من رجال العرف والمعروف رجالٍ حليم = والكرم من عادته في عسر وإلافي يسر
من مطير اهل الشجاعه والكرامه من قديم = يوم حزات الشدايد والمشاكل والعسر
فعلهم مشهور ضد اخصامهم حتى الزعيم = حاكمٍ صدوه عشره فوق ضمارٍ عشر
والقبايل مثلهم مافيه نقص ولاهضيم = والذي فعله مدون قد تبين واشتهر
والقبايل مايقلل شانهم رجلٍ فهيــــم = قد حكى التاريخ عنهم بالقصايد والنشر
قاله اللي حسب عرفه يبدع المعنى السليم=ينتقي جزل المعاني حسب وجهات النظر
غامدي من غامد اللي بالقى ضد الخصيم = خصمهم عند المعاند مايذوق إلا الكدر
وألف صلى الله على المختار سيدنا اليتيم = عد من صلى وصام وحج حجه واعتمر
الشاعر / جمعان عالي الغامدي
رد مع اقتباس
