ابو صياح
قال ابو صياح كلمات نظيفه*من هوج بالضماير حرقتها
هاض مابالجاش واسمع ياخليفه * جاب كلمات توحش تاليتها
اشتكى الصمان لمطير الشريفه* جاه ناس جوج مايعرف لغتها
ودهوربه عقب ماداره مريفه*من قشرهم قطعوا عرق اشجرتها
وصلا الجيان واطراف الحتيفه*هكرتن تطرد حميره ونعجتها
الجحش في وطيته ماهي خفيفه*لعنو شوف الحمير اللى وطتها
كيف راعي الحر يلقا فيه كيفه*دوخ جنيح حميره بنهقتها
عقب ماهو جوهره خلوه جيفه*ريحه الفيضة تروع بزيفتها
وعقب ماهو مرتع الوضحى المنيفه*هكرت المشهد متشبه وعرفتها
يوم دور فات وكل سل سيفه*دونه الدوشان بالسيف احتمتها
لاغزا فيصل رفض طريا النكيفه*لين تبرى الكبد من سودا غشتها
ولين شيخان العدا تنكس معيفه*وتعترف عقب المزاعم بضعفتها
ضربه الدوشان لعداهم مخيفه*العدا تأخذ سنين مانستها
لويجي وقت مضى لتشوف شيفه*مايجي الصمان ناس خربتها
كان شفت الكلب يعذر في وليفه*والكلاب السود تنصى مجحرتها
لعنبوها مالها عندي وظيفه*وسط جو الثور تمشي بشهوتها
الظليمة تنكتب وسط الصحيفه*والخطيه تنكتب في مكتبتها
تقبلوا خالص ودي
رد مع اقتباس
