قصيده مهداه لزميلنا العزيز / فيحان بطيحان الشتيلي وكذلك زميلنا العزيز / عجمي بن هزاع الحميداني بناسبة قيامهم باعداد حفل لزملائهم المتقاعدين0 ولعموم الزملاء الاخرين المشاركين بهذه المناسبة
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يوم الخميس اللي مضاء عند فيحان = فيحان ابو ابو حاتم كريم السبالي
جينا لدعوّة من دعانا على شان = دعوّة شتيلياً حباله طوالي
في مجلس عنده من الناس مليان = ومن بيننا قامت تسوق الدلالي
وقدّم صحوناً كلها روس خرفان = فضلاً ومقدار وكمال وجمالي
وقمنا ودعانا للمعزّب بالاحسان = وجهاً من اهل الخير واهل العدالي
والخير وسمه بيّن بوجه الانسان = والطيب حكمه من عزيز الجلالي
وقابلت انا خوياي بدواًّ وحضران = وربعي مطار وكل طيّب وغالي
ولقيت خويانا هاك الحين شيبان = وانا خابرهم كلبوهم عيالي
وبديت انشّد عن فلان وعن فلان = اللي من الاقصين ومن الموالي
وقالوا هذا عنه اختفى الذكر مابان = مدري جنوب الدار والا شمالي
وهذاك مرحوم وهذا طاح مرضان = وهذا شراء ذود وتنحّاء وحالي
وقالو هذا عود ودخل فيه نسيان = اخذ عصاه وكب لبس العقالي
والعود لو يشراء شبابه بالاثمان = انا شريته من حلالي ومالي
وقمت اتذكّرهم وافكّر بالازمان = وذكرت لي معهم زماناً مضالي
وطرى على قلبي هواجيس واحزان = ودمعي على خدي تبيّن وسالي
وامسيت ممسى الذئب واصبحت سهران = وامشي مع العربان كنّي لحالي
وقتاً مضى مانساه في كل الاحيان = لو طالت الايام هي والليالي
خوّة رياجيلاً على قلب واللسان = مافيهم اللي قال دوبي بحالي
خويّهم معهم سعيداً وفرحان = وضلالهم ظافي وتوّه مازالي
وفعولهم ماهي سواليف ورعان = طيب وكرم ومكمّلينه كمالي
وسلماّ على شيوخ وقبائل وعربان = وهذي فعائلهم قديماً وتالي
واليوم عند معزّباً يذبح الضان = عند عجمي هزاع زين القبالي
مكمّل الواجب ومخلص بالايمان = فزاع ومحامي حموله ثقالي
وهذا الحصان اللي طلع له من حصان = ومن روس قوم ومن فحول الرجالي
والبيت مايثبت على غير عمدان = والحمل ماتشيله ياكود الجمالي
وبيت الحميداني مقرّاً ومزبان = ومن العجب يطلق عليه المثالي
تمّت وصلى الله على نسل عدنان = على محمد عد وبل الخيالي[/poem]الشاعر: حمد مطر الحريص
رد مع اقتباس
