[poem=font="Simplified Arabic,5,blue,bold,normal" bkcolor="transparent" bkimage="" border="none,4,blue" type=0 line=0 align=center use=ex num="0,black"]
انا عديـت بـك يالاشعلـي هلابـي الضيريـن =تهيـض نايـف المشلـوف وجنيـح وخدانـه
بكا وابكـى وبكالـه عريقـن جاوبـه عرقيـن =ولا مدري غلا مستبشرن فـي شـوف عقبانـه
واظن ماجابني جابـه تسـاوى عنـده الاثنيـن = طراله ماطرالـي يـوم اعـدي روس ضلعانـه
ابيح مابسـدري عـن مقابـر ناسـه الحييـن =واجددبه رسومـن ماحيـه فـي حيـد جيلانـه
اجددهـا واجددلـي هواجيسـن لهـا عامـيـن =تزاحـم بيـن ورد وصـدر والافكـار مليـانـه
على جال الرهـاوي فيصليـن قاطـع الحديـن =مواريدة مديمـه مـن بنـات الفكـر والحانـه
تجاوب مع لحون الورق من العودة اليا ام القرين =تجاوبله وجاوبنـي هجـوس الشعـر واشجانـه
يسمعني صدى صوتي ندى ناسن مـن الفانيـن =فنت اجسادها وارواحهـا فـي يديـن سبحانـه
سمعت اللي يناديني سقا الله شوفـت الغالييـن =تسائل عن بقى قومن عمـود المجـد واركانـه
نخاني باسم شرابه هوى والجفـن دون العيـن =نسورن مع مهب الريـح راحـت مالهـا عانـه
غدى جو الصفي عزبه لمربيت المعز والضيـن =شكى ساقان والصلب الحمـر يشكـي وجيانـه
صياحه من ورى مارق على سمعن من السبقين =لاشك الامـر لاعنـدي ولاهـو عنـد دوشانـه
الامر عند اخو نورة ابو متعـب نصيـر الديـن =ملكنا خـادم البيتيـن تحـت امـرة وسلطانـه
ملكنـا ماملكنـا والله الهـادي لنـا النجدييـن =بفضله ثم فضل اللي رفـع بيـن الملـى شانـه
انا مالـي بيهـا يالاشعلـي ناقـه ولا عنزييـن =سوى طيرن كفـخ حتـى تثلـم روس جنحانـه
غدالي ماغـدى يالاشعلـي جعـل فالـك زيـن =وتلحقبه هوى نوقـن هواهـا شـوف صمانـه
ليا منه غدى خدة شبيـه لمـاء ورى النهريـن =تسـاوى نبـت ضلعانـه وبطنانـه وريضانـه
مداهلها العوج من جو ابو سدرة ليـا خرجيـن =على جويـات عليـا وابازيـد وجـو عرفانـه
طرالي ماطـرى يالاشعلـي عصريـه الاثنيـن =بغيت انـدب بنـات ام الفحـل ريمـه ورمانـه [/poem]
الاشعلي000 هو ضلع في الصمان
رد مع اقتباس
المشاركة الأصلية كتبت بواسطة برق الوسم
