قصيدة جديدة للشاعر / محمد ضيف الله بن رويل
أهداء لمنتدى الحمادين
أتمنى تحوز على أعجابكم جميعا
[poem=font="Simplified Arabic,5,darkblue,bold,normal" bkcolor="crimson" bkimage="backgrounds/1.gif" border="double,4,gray" type=2 line=0 align=center use=ex num="0,black"]
قالوا تدل وقلت لو كنت أدلي=محدن يدل وماش عنده دليله
قالوا تجامل قلت ماهو بحلي=ماحلل الله كود راع الجميله
قالوا تسل وقلت ويش المسلي=ماشوف وقتن يستحق تعليله
راع السنام مخالفة ومتدلي=وراعي الردوف مشرهن بتحويله
قالوا تعل وقلت مامن تعلي=أخاف أطيح وتقتفيني فشيله
أطيح لي في زلة ثم أولي=وأصير من ضمن القلوب الهبيله
أبي وسط لا صار وقتي محلي=وأقدر على مشوار وقتي وأشيله
لاصرت ناوي والنوى ما حصلي=مالي على مجهود غيري وسيله
أقف وأقدر ماقفي في محلي=قدام لا تنصاك عوجا طويله
وتصير للشمات عرضة وللي=يفرح عليك ليا لقاله هزيله
ياللي تبا تصعد على الكل يا اللي=قدام تصعد حط درب تحويله
أن عودت للطيبه جيت كلي=ولعت من خشم الزناد الفتيله
ورثن ورثته من مقادم هللي=ماهو كلام مايحصل ذبيله
يوم الحذايا والمهار يحذلي=تلقى لنا بين النشاما نفيله
واليوم نسمع بالأذاني وخلي=يمجمع الهزلات وين الجزيله
يا الله ياللي منك عزي وذلي=ياواحد كل الملا ترتجيله
تظلنا في ضلك اللي مضلي=يومن مامن غير ظلك ظليله
أقف وأقدر ماقفي في محلي=وأختار من ماطاب لي والتجيله[/poem]
رد مع اقتباس
المشاركة الأصلية كتبت بواسطة بنت الحوااامد
