هاي حمادين
السلام عليكم ورحمة الله وبركاته وبعد
هذه اول مجاراه مع اخوي الكبير وتاج ر اسي ابو خالد البجادي
وهاك الحين الله يسلمكم تــــو اني اقورض بالشعر وشاري لي
جهاز لاسلكي اسمه ايكوووم ((يعني مثل الكنوود)) وفرحان فــيه
مررره المهم ركبت الجهاز وقمت اهابد مع هاالعالم ومعرف الاسلووب
ومدري وين الله حاطني فيه هههههههههههه دخلت مرره على مجموعه يتراسلون وحاطين لهم كنترول والحجي بالدور وقصيد وعلوم سفره واناسكت
شوي لهم عاقلين الرياجيل ومحترمين مرره دخلت وسلمت ورحبو في وقالو شسمك قلت اسمي فلان من الناس اخذو معلوماتي وش هوايات قلت الشعر
جلسنا فتره والى البجادي الله يطول عمره شاعر المكتب الرومانسي ويعجبني شعررره المهم ماني مطول <<طيب اخلص هههههههههه
رحت لماماتي ازورهاا جلست كم يووم رجعت وشغلت الكنود والى البجادي منزل قصيده واعجبتني القصيده وسويت مجاراه له والحمدلله قصيدتي احسن من قصيدة البجااادي << نصااب ههههههههه بس قامو يشجعوني
وانت احسن يا0000000 البجادي يعرف ههههههههههههههههه وطرة من الفرحه وشجعني البجاادي الله يخليه لي ودعمني لين صرت اهول القلب مامثلي ماشاءالله علي اذكروا الله دفشـــــــــــــــــــي راح ابو خالد الى مكان بعيد وضيعت جواله وانقطعت عنه لمدة خمس سنوات واخيرا جابته القصيده
وامجاره جابه طير شلوى القوقل هههههههه والحمدلله على وجود بو خالد منور الغلااااااااااااااااااااااااااااااااا
والحين بعلمكم بالمجاراه لانها اول مجاراه لي مع شاعر كبير بحجم البجااادي
قصيدة البجااادي تفضلووو والله تستاهلووون
[poem=font="Simplified Arabic,6,black,normal,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black"]
يا قلبي اللي شــكا من نظــرة عيونه=مهــيب عـــادة يخــــاف القلب نظـــرتها
هـــــزّت كياني بلحظة شــوق مجنونة=مقياس ريخــتر عجـــز عن رصــد هزّتها
تــبارك الله شفـت الـــــزين وشــــلونه=مـــا تــشيه الاّ عــنـــود الــــريم فـزّتها
كــن الجــــــدايل علــيه اتلاعـب متونه=ترقص على خصرها من زيـن مشيتها
صـغـيرة السّـن فـــيها الحـب وافـنونه=عغت العــذارى عشان اكسب مودتها
نظــم القصــايد عـلّي اليـوم يـا هـونه=ليـصــار قـلبي صـدوق ٍ فـي محــبـتها
تـكــفون لامــن بــغـانـــي لا تـــردونه=كــلمة شــرف لـين اسمّـعها قصـيدتها
يــا اللي تـلــوم البــجادي لا تلـومـونه=لــو يفرش الــورد والكـــادي بسكّـتها[/poem]
البجادي
------------------------
[poem=font="Simplified Arabic,6,black,normal,normal" bkcolor="transparent" bkimage="backgrounds/12.gif" border="none,4,gray" type=2 line=0 align=center use=ex num="0,black"]
صحـيح ماني سـوات اللي يلومونـه=ناس تبا الحـب ماتكـــتـب بدايــــتهـا
اعجــبني المبدع الرســـــام بفنونـه=بأوصاف من تـذبح العاشق بمشيتها
لاقت لعــينه وتــــزهـا رايــــع لحونـه=يوم البــجادي خـــذاه الشـوق يمتهـا
ذكرني اللي مضى بالحــب وفنونـه=ايام وقت الغـــلا مع زيـــن عشرتهـا
مع قايد الريم لي ساعات مشطونه=كتـبت عن وصـــفها بكسب محبــتهـا
معــنق الريـــم من وصفه ومن لونـه=والطـــــوق ياهل الهوى تزهاه لبتهـا
والخد بـرق سرى في عالي مزونه=ليا كشف تستـنير الارض ســـاعتهـا
والعــين سـودا وفيها ارماح مسنونه=نظرة عطب للمـــهاوي وقت لحظتها
وإلا جــــديله على الردفين يزهونـه=شــقر تمايــــل علـى الارداف لفـتهـا
حمر الشــفايف لــها رونق ومزيونه=وبــين الشـــفايف ثمانه حلو صفتهـا
اقــفى وانا اقـفـيت كل تذرف عيونـه=ولمحــتها تمـسـح الدمــعـه بخـدتهـا
اقــفى مع البدو حال البعد من دونه=لاهــي قريــبه ولانـي مـن قبـيلـتهـا
تسابقــتها بــيوت الشــعـر يــهوونـه=وسجــلت بأوصــافها بــدق وصفتهـا
عشــاقة الــزين بالــزينـات مفتونـه=ماهــو بأنا كــم قبلي مـن ضحـيتهـا
كتبت قصــه غـــرام فــيـه مجـــنونـه=من دم قلبــي ومــن عيني وعبرتهـا [/poem]
تقبلووو كل الووود حبايبي
وسلامتكم محبكم برق الوســـــم
رد مع اقتباس
