[poem=font="Simplified Arabic,4,black,bold,normal" bkcolor="black" bkimage="backgrounds/41.gif" border="double,4,gray" type=0 line=0 align=center use=ex num="0,black"]
قال ماتفهم وعنده زاد فخر وزاد عزه= لفظ من عظمة لسانه يوم ينطق من كلامه
عنده إعقول ألبشر في كل وقت وكل حزه= ناقصه ماهي علا فكره ولا هي من مقامه
هكذا ينظر لحاله عند خلق الله رزه=من خياله يحسبنه صار واقع من حلامه
من يشوف الناس لاشيٍ يرونه حب رزه =والله إنه في نظرهم لا عقال ولا عمامه
والكبر والغطرسه ووصوفها اللي مشمئزه=والله إنه من قربها معدمن روحه عدامه
ومثل هاذا في طبيعتنا لزوم إنا نحزه =ألتواضع ميزة المسلم ولاوهو فوق هامه
والجدي وسهيل مع ذيك ألنجوم ألمبرههزه =ما عليها لو تثور ألارض بغبار وعسامه
ولا علا ألقرناس من ربد ألنعام وكل وزه =منزله فوق الرفاع بعيد عن عش ألحمامه
والهوى ماحرك ألنايف ولا يقدر يهزه=ولا حفر صم ألجبال ألنايفه نقر ألنعامه
حي والله يا عيونٍ بالنظر شوفه تقزه =تنظر ألشوفه بعيد بعرف راين وإستقامه
ماهي أللي نظرته في كل ميهافٍ تدزه = القدم من نظرته تمسي وتصبح في عدامه
وألعقول أللي علا عرف وعلا عز ومعزه =من رزانتها كما نورٍ يشعشع من ظلامه
ما تحسب حساب من فكره علا ألتهميش كزه =لو يطول ألوقت والدنيا تزيده من عوامه
لكن ألأيام تجري والبنادم وش يوزه = له قرينن مايكيف لين يصبح في ندامه [/poem]
رد مع اقتباس
المشاركة الأصلية كتبت بواسطة بنت الحوااامد
