[poem=font="Simplified Arabic,5,black,bold,normal" bkcolor="transparent" bkimage="backgrounds/20.gif" border="none,4,gray" type=0 line=0 align=center use=ex num="0,black"]
ياربعـنا يااللي لـنا سـامـعينا=تــعوذوا من كـل مــارد وشيطان
عيال عـم ودوم مــتزاعلـينا=والمشكله حتى الزعل عم الاخوان
راح الـــعمر والـــربع متباغضــينا=صار الـــزعل عادي ورآثه لــشيبان
أسنين راحت للـوصل قاطعــينا=يقول مـا أسير على فــلان زعلان
نصيحةًٍ جــتكـم مــن النـاصحــينا=لاتسمعــون لهرج حـرمه وورعان
والله لو نســمع كلامٍ يــجينا=ليـصير بين الــربع حربٍ ونيران
والرجــل له كـلـمه وفـعلٍ يبــينا=دايــم وسـيع الصـدر لـو بان مابـان
مـــا ياخـذ الكــلمه من الـجاهـلينا=واليـا هـــرج هـرجه عــدلها بميزان
والى متـى يــا نـاس والـنوم فــينا=نـومٍ يجي عـقبه على الربع نقصان
والى متى العربـان تــضحك علينا=راحـت مـصالحنا مع فــلان وفــلان
وأن مـاتـكاتـفـنا وشـبكــنا يـديــنا=لنروح مضحاكه عـلى لـسان عدوان
وأن ماأجــتمــعنا بــعز متكاتفينا=راحـت مـراجلـنا بنقصٍ وخـسران
وأن مـــا تــعوذنــا لـطرد الـلـعـينا=لنعـيش في هـم وغـرابيـل وأحـزان
ويـالله عسى قـلوب الجماعه تــلينا=ونبقـى عـلى عــز ومـعـزه وخلان
ويـالله عــلى درب الصلاح أتهديـنا=يــالواحـد المعـبود يـارافـع الـشان
وخــتامها صـلوا مـع المسـلمـينا=عـلى محمـد خـير مـرسل بـقران[/poem]..
رد مع اقتباس
المشاركة الأصلية كتبت بواسطة بنت الحوااامد
