من نكاير الزمان ... قصيدة للشاعر الكبير سحلي العواي المطيري

[أبن رويل]

[align=center]من نكاير الزمان

قصيدة للشاعر الكبير سحلي العواي المطيري[/align]


[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهيه يا اللي تا تسافر لملحان=ود الرساله يم راع الرسايل
أنا على شوفه شفاوي وشفقان=لو أن مالي حاجةٍ يم حايل
ودي بشوفه مير عاجز وتعبان=وعليه من درب المراجل دلايل
يابو مشاري ياسلايل كحيلان=صابر وأنا أشوف النكّر والهوايل
حنا وقت اليوم يا أمير عميان=الحق غادي والشداد أمتمايل
أمر الحفر بيدين عوده وعثمان=عقب الرجال اللي تقود الأصايل
اللي يقودون السبايا بالأكوان=فرسان يزون العدو الغلايل
كم واحدٍ داسوه مع فجر الأذان=كونٍ على الأجناب والسبر صايل
اللي مخابطهم وراء حزم حوران=يوم الحضير يجمعون الجوايل
اليوم حضر سدير سوت لها شان=شاخت وأورتنا أنجوم القوايل
وحنا غدينا بينهم مثل عدوان=متفرقينٍ عقب هكا القبايل
حطننٍ أدوج وين قضاب الأرسان=أن كان غرّت منك مامن عقايل
سوت بنا حضران ورقه شمعدان=أصبر ليال وياخذون العوايل
ماعاد به واصل ولا فيه صعران=أقفت علينا ما بها قول قايل
والضابط المسؤل عنا سليمان=لو أنت راعي حق سواك عايل
هاذي علوم أبريه من غير نقصان=خذ الصحيح أن كان عنا أتسايل
ببيوتنا بس أنتراعا بالأعيان=الذيب رابض والسلوقي يفايل
البيت مايبنى على غير عمدان=وين العمود اللي يشيل الثقايل[/poem]

[ابو سارة]

سلمت يداك
و صح لسان شاعرنا

ويعطيك العافيه يا ابن رويل

[&طير حوران&]

السلام عليكم ورحمة الله وبركاته

أشكرك كل الشكر على النقل أخي أبن رويل

وصح لسان الشاعر الكبير سحلي العواي

والسلام عليكم ورحمة الله وبركاته

[تاج الفخر]

[align=center]???????????
ماعاد به واصل ولا فيه صعـران
أقفت علينا ما بهـا قـول قايـل


أين موقعنا من الأعراب

ومن هو ملحان علشان يشكي اليه احوال بريه



شكرا لك على النقل

تاج الفخر[/align]

[محمد ابن عقوب]

[align=center]مشكور أخوي أبن رويل على جهودك

بس المفروض تحطها بمنتدى مطير أفضل

وأخوي تاج الفخر حبيت أقول لك تسلم على ردك

عندي سؤال لأبن رويل

إذا كانت القصيدة موجهه إلى ملحان ويقول ماعاد به واصل ولافيه صعران يعني الحمادين


وين تروح ((( تنقل قصايد ـــــــــــ مثلاً ـــــــــــ )))

أخي أبن رويل ماقصرت بس أعرف وش معنا القصيدة أولاً .... بعدين أنقلها

قصيدة شطبت الحمادين عن بكرت أبيهم وش رايك فيها

هل تأيدها أم ماذا ؟؟؟؟

أرجوا الرد على هذا اتعليق

والــــــــــــــســــــــــــــلام [/align]

[النقل الجماعي]

العواي ارسل القصيدة لملحان بن بصيص امير الفوج

الله هو يشتغل فيه الله يرحمه ولايروح التفكير انه امير بريه

والا يقول عليهم لكن الشعار تعرفونهم يمدحون ويجاملون

لمصالحهم الشخصية وهذا ليس عيباً .

اما اين موقع الحمادين من الاعراب ؟؟

فالحمادين يكفيهم انهم يسمون الدويلة وافعالهم ماحد ينكرها

الا اللي ظلم حظه لكن ياجماعة المتعارف عندنا اذا قلنا صعران

تشمل الحمادين وغيرهم فلا تحملون الرجل تهمة هو بريء منها

وبعدين القصيدة قيلت قبل ازمة الكويت 90 م ولاقت استحسان

الجميع ولم يعترض عليها احد حسب علمي لكن بعد القصيدة

بخمسة عشر سنه ظهر للمتأخرين مالم يكشفه المتقدمين .

[صافي النوايا]

صح لسان الشاعر ..........سحلي العواي المطيري


ولا عندي اي تعليق والمعنى رااح مع الشاعر واللى يبي يحاسب يحاسب الموضوع في وقته ماهو لا فات الفوت ما ينفع الصوت فعل الحمادين فوووووووووووووق كل صوت ومن بغى الحمادين في الطيب شافه ................

ومنتدى الحمادين منتدى مطير كله والقصيده لسحلي العواي المطيري والشعر هذا في الشعر العام ماهو في قسم شعراء الحمادين ومالك حق سحلي العواي شاعر ونفتخر فيه ونتتظر المزيد من شعره ويا هلاا في مطير كلهم يا بعد رااسي وتاج راسي كل مطيري لربعه له طيب وفزعات ........................


ويا هلاا فييك يا ابن الرويل وعطنى المزيد المزيد من قصائد الشاعر الكبير سحلي العواي المطيري ونقل جدا ممتاز

وبارك الله فيك ومن فيه بطنه شك يلقى له يقين

وعلى ما اضن كفى وفى الشاعر المتالق دائمن خالد الحميداني على رده لفلاح العراك ويا هلا فيكم ومرحبا

من بغى سيرة الحمادين وفعالها يدخل عند شعرائها ويقرالهم ومن بغلى قصائد مطير يلقاهم عندنا والى الامام ا ابن ارويل والله ما قصرت وبارك الله فيه

[غريب الدار]

ابن رويل
سلمت على النقل الجميل والاختيار الاجمل


سالفة وين موقع الحمادين من الاعراب
جوابها


عند السائل نفسه لانه لايجهل الاجابه والشاعر المرحوم باذن الله لايقصد التقليل من شان الاخرين
ولاكن ارسل لشخص معين يرد ان يجابه من سماهم بحضر سدير حسب ابيات القصيده
بموجب النظام (ماهو بالمشعاب)
لتمتعه بمنصب مرموق وله مكانه عند المسؤلين امل ان اكون اصبت ولوبالشي اليسير حسب المعومات
رحم الله الشاعر سحلى العواى رحمة واسعه وجميع موتى السلمين



اكرر الشكر لابن رويل وننتظر المزيد من قصائد شعراء مطير وغيرهم فهذا موقع لجميع القصائد الجيده امل التعاون من الجميع


وفقك الله لما يحبه ويرضاه
عذرا على الاطاله

[محمد ابن عقوب]

[align=center]السلام عليكم جميعاً

أخي النقل الجماعي أسمح لي برد عليك .. بدون مجامله ولا زعل

أولاً يا أخي //

من قال لك أن الحمادين صعران ؟

وكيف يستوعبها العقل !! أخ ينتسب لأخيه !! متى حدثت ؟؟ هل هي من علامات الساعة ؟؟

يا عزيزي .... حميدان وصعير أخوه !

إذا كان هذا عرّف تعترف به ... هذا شيء راجع لك ...

لاكن هل تتوقع إنتشرت القبائل إذا كان الأخ ينتسب لأخيه ؟؟ طبعاً لا ..

سوف تصبح قبيله أو قبيلتين بمطير !!!!!

النقل الجماعي أنت تقول أنها قيلت قبل خمسة عشر سنة ولاتق أستحسان الجميع .... أوكيه ..

لاكن تجي القصيدة بمنتدى الحمادين على أي أساس هل هي قصيدة عامة على حد قولهم .. لا

إذا كان للبصايصه موقع فيستحسن أن تقال وتكتب في منتداهم ...

لان الحمادين وضعوا منتدى يحمل أسم قبيلتهم ومجدها ..

وليس لحمل مدائح من القبائل الأخرى حتى ولو كانت من أمطير

وياليتها مدائح فقط بل على قولت القائل // أمدحني وسب غيري //

أنا ماأعترض على القصيدة بعد 15 سنة من قولها بل لماذا هي هنا ؟؟؟؟؟؟؟؟؟؟؟؟؟؟؟؟

إذا كان ودكم تزيدون من المشاركات بشعر العام على حساب قبيلة الحمادين وكرامتها فلا ..وألف لا

وأشكر على سعت صدرك ... والزعل مرفوع ...

والــــــــــــــــــــســــــــــــــــــــلام [/align]

[محمد ابن عقوب]

[align=center]أخي صافي النوايا

يسعد لي مسائك .. عندي كلمتين ودي بقولها قبل أربع أيام لاكن كنت مسافر

وأتابع ردودكم عبر الجوال ..

أخي إذا كنت تقراء وأنت مو مركز الله يعينك أو تقراء بدون فهم المعنا الله يعينك أيضاً

القصيدة راحت مع من قالها هذا صحيح وما جبت شيء جديد

لا كن القصيدة تكون في منتدى الحمادين .. لا

لانها لا تعني للحمادين شيء ولو كانت بشعر العام !!

أما أن يكون الشعر العام مدخل لتجاهل الحمادين من شعراء من مطير أو غيرهم لا وألف لا

الشاعر ذكر أفعول أبريه إذا كان يذكر فعولها ولا يذكر فعول الحمادين لماذا نجلبها للمنتدى ؟؟

ولو ذكر فعول الحمادين في قصيدته لما قلت شيء ......

لاكن القصيدة لغيرنا ومدحها لغيرنا ونحن نجلبها في منتدانا شيء مضحك ......

بعدين إذا كتبت شيء لا تناقظ نفسك بنفسك في نفس الرد

يعني تعارض لما قلته .. وتؤايد الشاعر خالد محيسن الحميداني برده على العراك

ههههههههههههههههههههههههههههههههههههههههههههههه

والله مضحك العراك وسحلي قصيدتهما في مصب واحد.....

وخالد برده على العراك أيضا كأنه يرد على سحلي ..!!!

فكيف تأيد هذا وتعارض هذا ؟؟ وإلا ودك عدد مشاركاتك تزيد فحسب ؟؟!!

إذا كان عندك قصائد لغير الحمادين وودك تحطها بشعر العام شف هل هي تسيء للحمادين أما لا ؟؟

يأخي أوكيه أنت تقول أنها قصيدة لمطيري وأنها بشعر العام ... أوكيه

إذا أنت تقول كذا عندي لك سؤال ؟؟؟

هل ترضا بقصيدة توضع بصدر مجلسك وهي تسيء لك أو تتجاهلك

وأنت ذو مجد يفترض أن تمجد لما قدمت من أفاعل مشرفه ؟؟؟؟؟؟

طبعاً الجواب .. لاترضى

القصيدة تخص البصايصه وهي مدح لهم لماذا هي بمنتدى الحمادين

صحيح قول أخي النقل الجماعي أنهم يجاملون وأيضاً ينافقون ...

فأذا جامل البصايصه ونافق معهم لماذا هي في منتدى الحمادين سؤال يتكرر في ذهني

أنا أتوقع الإدارة عند البصايصه ماهي عند الحمادين لهمنتدى ..

يأخي يكفيك شغله واحده // الحمادين أخذوا المثعوبه على البصايصه //

وتجيب قصائد المقاله عنهم وبمدحهم وتجي في منتدانا

والله عجيب أنا محتار وكل يوم في منتدى الحمادين أكتشف شغله ؟؟؟؟؟

ســــــــــــــــــــــلام [/align]

[فارس الصعران]

يأخي يكفيك شغله واحده // الحمادين أخذوا المثعوبه على البصايصه //

والله انك زعلتني على ردك ياخوي !!

لكن هل تتفاخر على ابناء عمومتك ؟

ان كان هذا تفااخركم فنحن البصايصه وقليل من فخذ الشعالين شديينا الحمادين عن دياارها ( سبع شدات )

يااخوي كل الناس ساكته وصدق الشاعر العتيبي يوسف :

ولد لا تكشف المستور ** عن الحق ثلث السواليف محضوره

[ابـــوحـــــور]

اخوي ابن رويل انت فتحت باب واحب انوه لكل من شارك في الردود

احب انوه انا اولاد علي ثلاثه هم حميدان ومحمد وحمد وانا اريد منكم الإجابه انتضر الردور واتمنى من اخواني برق الوسم وابو نادر المشاركه

[بن شرف]

سلمت يداك
و صح لسان شاعرنا

ويعطيك العافيه يا ابن رويل

[ابونادر]

يالربع انا مع الري الذي يقول القصيدة تسي للحمادين والصعران ايضا

سحلي الله يرحمه شطب على الجميع معاد ملحان بن بصيص

وهذا شي واضح ولافيه شك لكل ذو بصيرة

الشي لثاني ان فيها بيات تسي للحضر والمشايخ ورجال الدولة

وهذا مالا نرضاه هنا ولا نوافق عليه ابد

لذا اقترح ان تحذف القصيدة بالكامل


ابونادر


..

[الادعلي]

يأخي يكفيك شغله واحده // الحمادين أخذوا المثعوبه على البصايصه //

وتجيب قصائد المقاله عنهم وبمدحهم وتجي في منتدانا

السلام عليكم ورحمة الله وبركاته اما بعد
مايجوز الكلام الي تقوله يابن عقوب وبرد على كلمك حتى اذا ضايك
1- المثعوبه الاي جاي ياخذه وش صار فيه ,,,,,,,,,,,,,
2- واذا القصيده مزعلتك علشان بن بصيص رد على فلاح ابن مبرد في قصيدته في بن بصيص
3وبعدين البصايصه والصعران اذا ماااارفعوك مانزلوك وبعدين يشرفونكم وماورهم علوم رديه علشان تزعل عليهم
منتدى الحمادين منتدى ابن عمهم ومافيه شي


[align=center]كلامك غير مرغوب فيه وأحتفظ به لنفسك
[/align]

[ابونادر]

مع احترامي للجميع سوف يتم اغلاق هذا الموضوع


وشكرا ,


..

[محمد ابن عقوب]

[align=center]أقول الله يرحم ضعفك ...

أنا من شفت أسم العضويه ((الادعلي ))
دريت أنك ضاربها بمشط ً ماهو لها ...

إذا بغيت ترد على الموضوع أقراء الموضوع
وأفهم وش اللي مختلفين عليه
وبعدين أكتب اللي تبي تكتبه .


وأما أبو سبع شدات الظاهر ماهو مباعد
رفيقه >> الادعلي ،، وشادته بلحيل .



****
الموضوع مضى عليه أكثر من سنتين
وتم إقفاله من قبل المدير العام أبو نادر
****


تحيااااااااااااتي لربعي الدوليه [/align]