[align=center]أقــدم لــكـم هـذهـ الــقـصـيـدهـ الــرائــعـه
لـشـاعـر الــكـبـير و الــمـدرســه الــشـعـريــه الـعـريــقـه
:rose:ســـ ع ــد أبـــن جـــدلان الأكــلــبــي :rose:[/align]
[poem=font="Traditional Arabic,6,white,bold,normal" bkcolor="transparent" bkimage="backgrounds/38.gif" border="solid,8,black" type=1 line=1 align=center use=ex num="0,black"]
ألا يالله يالي تحت هيبة سلطنتك أسلمت=لك المسلم يسبحلك بحمدك ولك الاسلامي
أحمدك وأشكرك وأثني عليك بما علي أنعمت = تزوّدني وفاء قدر العشير ووصل الأرحامي
ولدك الفجر يالليل الذهول اللي علي أظلمت = يعرضك واقع الماضي بعيني عرض الأفلامي
ولهتك يالنديم اللي على صافي وفاك أظرمت = بصفحة ذكريات العام واللي من ورى العامي
بعد تقرير مشوار التجارب نجحك وأجزمت= لأن السيف يبقى والعصا والمحزم حزامي
عطتني عزلت اخلاصي معك نسياني من نادمت = كتبتك وأنطوت صحفي عليك ورفعة أقلامي
أباهي ولا أبالي وأتبيسط كل ما قدمت= أشب النار قدام العرب واشيد خيامي
نهاري حر شمسه يستحي منها لسان الشمت=وليلي ترقب نجومه مالامت كل من لامي
على ضو الكلام اللي كشف عنا ستار الصمت=عرفت أني تحت برق الأمل في روض الأحلامي
أحسبنك تيمم بتجاهي وين ما يممت = وأثرك منت بورايه في الطريق ولا أنت قدامي
مصيبه لا تدنت قيمتك في عين من قيمت = يشوفك فسهل وأنته تشوفه بسماء السامي
كثر ما حن قلبي للونيس وكثر ما درهمت = فجّر صدري حنيني وأتعب الأقدام درهامي
عيون الصد وعيون التجافي حول مهما أكرمت = تشوف المجتهد كسلان والبناي هدامي
مدام جنابك شام لجنابي وأنت عني شمت= كـثــّر خيرك وأنا مانيب جايع ولا ظامي
أشوفه أنه علي واجب إليا مريتك وسلمت= مرور كرام تربطه الكرامه عند الأكرامي
علشان الخفوق اللي على عرشه قعدت وقمت = حجب عنك الدجا لين أشرقت لك بيض الأيامي
أختام السالفه ياطيب العشره كرمت ودمت = هذا حقك علي وحق شرهاتي على أوهامي
مصير الوقت يشرح لك دروسه وإن غفلة ونمت = يصحيك الزمان اللي يصحي كل من نامي
تذكرني لامنها خابت أوهامك في من وهمت= وشفت الفرق في حب الخشوم وحب الأقدامي [/poem]
رد مع اقتباس
