[poem=font="Simplified Arabic,4,black,bold,italic" bkcolor="black" bkimage="backgrounds/31.gif" border="solid,4,gray" type=0 line=1 align=center use=ex num="0,black"]
السلام عليكم ورحمه الله وبركاته
غنا المطيري من هواجيس عامين=في خوة رجال الوغى والنشايب
خوة اقرومن بالصعيبه امضرين= انشهد انهم من رجال الصعايب
ورجل بليا فعل ماله براهين=لوزاد ماله عند الاجواد عايب
وبعض الرجال تنومسك بالميادين=بافعالها لويصبح الدم رايب
امثال ابوصنهات زبن الدخيلين=ريف الضعيف اللي عليه الطلايب
نظيف قلب ولا يخاوي خبيثين=خايب يامن ينوي به الشين خايب
والعايضي ذخر الرجال الشجيعين=راسه على صكات الايام شايب
اليا وقف حرن شلع بالجناحين=في حزة الوقفات ماهوب هايب
عبدالله الحربي صعوط المجانين=وزعه ليا ناشوا عروش الترايب
من روس حرب اللي تضد المعادين= ياويل من ينوي لها بالحرايب
وابو هديان العتيبي على الدين=زيزومها لوكان فيها طلايب
من زود طيبه يرجحن الموازين=وعلى الرديه مايحث الركايب
والراجحي ماهوب راع الملايين= الراجحي والله عطيب الظرايب
ماجد ولد ثامر على العسر واللين=مثل البروق اللي بعرض السحايب
وهذا كلام الصدق والناس دارين=ولاني من اللي هرجهم بالكذايب
والمعذره لاصار بالشعر تخمين=الكامل الله يارجال النوايب
ارجو كل من يشاهد هذه القصيده ان يبدي رايه وانتقاداته بها وملاحظاته حيث انها
قصيدته الاولى[/poem]
رد مع اقتباس
