مساجله بين الشاعر ابونادر والشاعر ضيف الله الحصني الحربي .
[align=center]هذه مساجله جميله لشاعرين ابو نادر وضيف الله الحصني .
وهي قديمه جدآ لها اكثر من 7 سنوات والشاعر ضيف الله شاعر كبير له الكثير من المشاركات في الصحف ووسائل الاعلام .
وكان البادي . شاعرنا ومديرنا الكبير :- ابونادر .
[poem=font="Simplified Arabic,4,white,bold,normal" bkcolor="transparent" bkimage="backgrounds/9.gif" border="ridge,4,white" type=0 line=0 align=center use=ex num="0,black"]
هجرس الفكر بالقـاف وبـداه=وانتثر بالورق هيض الضمير
حركه هاجس الشوق وهـواه=اخر الليل مـع نفـح العبيـر
ما درى اني من اليوم بحـراه=مثل من يحتري علم البشيـر
توي احتاج طيبـه عـن رداه=ودي اسند على شاعر قديـر
شاعر(ن) جايز(ن) لي مستواه=سنه اصغير في عقلـه كبيـر
يم ضيف الله الحربـي حـداه=موقف(ن) هزني وقت العصير
مير ابكشف عن البير وغطاه=حسبي الله على الغرو المثيـر
يوم جاني عمـاد بـلا عبـاه=يرتهش كنـه البـدر المنيـر
في جماله جنون وفـي حـلاه=يوم شفته بغى عقلـي يطيـر
ان وقف ياقف الاشقـر وراه=وان جلس ينتثر مثل الحريـر
عين حر(ن) يخيل الي دعـاه=فوق وكره يلـوج ويستديـر
عند صقار شوخ(ن) ما شراه=يعتني فيه عن بـرد وهجيـر
اشهد انه ذبحني فـي غـلاه=بس بينـي وبينـه مايصيـر
اشتكي يارفيقـي مـن جفـاه=ماعطـى لاقليـل ولا كثيـر [/poem]
:rose: :rose: :rose:
رد الشاعر ضيف الله الحصني على ابونادر ....
[poem=font="Simplified Arabic,4,white,bold,normal" bkcolor="transparent" bkimage="backgrounds/9.gif" border="outset,4,silver" type=0 line=0 align=center use=ex num="0,black"]
هجرس الفكر يوم القاف جـاه=هيضه ثم عـود لـي مغيـر
القلم يابـدر واحـذف غطـاه=كل شي(ن) جميل(ن) يستثيـر
لاستثـار الـذي ربـه عطـاه=موهبة شعر جاك الشعر غيـر
القريحة تقـل تطلـب رضـاه=كـل قيفانهـا تهـدر هديـر
فز قافي على صوت(ن) دعـاه=فزة الي سمـع علـم خطيـر
فزة الي سمع شيخ(ن) نخـاه=فيه رحب ومع دربـه يسيـر
مرحبا فيك ياقـاف(ن) لفـاه=جملة ابداع من شاعر خبيـر
بيت شعره اليـا منـه بنـاه=عذب ينساب من بحر(ن) غزير
يشتكي من جفا غرو(ن) لقـاه=والمحبـة جحيـم وزمهريـر
ومن يلومه بمحبوبـه عسـاه=في جهنـم تصاليـه السعيـر
بـس ياخوفتـي خلـه بـلاه=لامح(ن)فيه لمحـات النذيـر
غامض(ن) داه وابحلنـي دواهوكل جره على الممشى تشيـر
لين تالي عمد له مـع صفـاه=وابحل الي يقصـون المسيـر
ورغـم هـذا وهـذاك وهـذاه=فصل اخبار ( عزة) (ياكثيـر )
وكانها جاه فانت ابشر بجـاه=ابشر بجاه مع جمع(ن) غفيـر
وكانها مـال مايطلـب فـداه=لين يرضى الغزال المستذيـر
دوك ردي ويـا منـوخ تـراه=رد طالب و ابو نـادر مديـر
وكان ما ارضاه فالغيث بسماه=يوم يشر علـى عـزة كثيـر [/poem]
:rose: :rose: :rose:
اتمنى ان تعجبكم المساجله .:shade:
خالص تحياااتي واشوااقي العطره .:rose:
آورنس . :rose:[/align]
رد مع اقتباس
