القصيده مهداه للشيخ شمل الحمادين بندر بن جاسي الحميداني لدعمه شاعرنا المبدع في شاعر المليون شاعر العرب ايضا ووقفاته المشرفه
لعيون حمران النواضر جت على البحرالطويل
يوم القصايد لاح براق الشعر بخيالها
شواردن لها بتفكيري وفي عيني مقيل
اشعل توهجها من المعنى وازيد اشعالها
امشي لها درب الوعر واصل بها للمستحيل
واليارقت لوهي ورى متن السحاب ارقى لها
ماني معنزها ليامالت على جرفن يميل
للغيم اوصلها وتبقى في يدي حبالها
ماعاشر الرجل الهزيل ولااكتب الشعر الهزيل
احرص على الجزله واقدرهاواحب اسعى لها
عاداتنا مانقبل الهزلات لونعطي جزيل
والناس تعرف من مواقفها وطيب افعالها
ماجيت ادور مدة المسكين من كف البخيل
ربعي مطير اللي على العزه تشب عيالها
كتابة التاريخ يوم المجد بالسيف الصقيل
واهل المهار اللي مراكيض السعد تبرالها
والمهره الحمراء لياقامت تومي بالشليل
الخيل تعرفها وتعرف من بعد يحدالها؟
وان عودت وقفة رجال ومال عزي للقليل
يكفيني اللي وقفته تشف الكبود لحالها
لعل يسلم راس ابوجاسي بدعواها كفيل
شيخ بحور الجود من كفه تلاطم جالها
في وقفته يثقل خفيف الوزن ويخف الثقيل
عني ثقيلات الحمول الكايدات اشتالها
الياحضر يغني ولامن غاب عديته حصيل
مال الضعوف الا الكلام وللصعاب رجالها
ماني بناشد يوم بان الجدي عن غيبة سهيل
كم واحدن ماتت بصدره كلمة ماقالها
ياشيخنا ياراعي العادات لاهاب الذليل
اللي يخايل للفعول الطايله ماطالها
لعل يفداك العمر والمال للروح العديل
يافاضح يدينن يزيد البخل زود اموالها
البستني ثوب الفخر في وقفة العز الاصيل
بين النشامى قمت ارددها واعد امثالها
بك ترتفع هامات واشعار وصدى طيبن فضيل
مفاخر يعكس وفاها بالنفوس اجلالها
كما ان شاعرنا الكبير يهدي محبيه مشاركته ببرنامج شاعر العرب الجديده
رد مع اقتباس
