قصيدة جابر الديحاني + في شاعر المليون

[ابـــوحـــــور]

هذا اول الدرب سيري ياخفاف الركاب
.............. دون المسافة تعب صوت وخطاوي مسير


رفرفت مع بيرق الشاعر عزيز الجناب
.............. وبعثرت من مجمل الاحلام شي(ن)كثير


ماجيت ابدمح خطي المخطي واعيد الصواب
.............. جيت اقسم الحق في سيف الكلام الشطير


شاعر و برقا السما واحوم حومة عقاب
.............. لعيون داري وحمران النواظر مطير


ابفتح لين يتساوي الارض سهولها والهضاب
.............. حتي اشوف بعلوي من تكابر صغير


ابي افتح لكل ظلمة للتعابير باب
.............. والنور كلمه عجز عنها لسان الضرير


مابيني وبين مفتاح المشاعر حجاب
.............. انا.. انا لا فرزدقهم .. ولاني جرير


انا اكبر من الحضور اللي ملاني غياب
.............. وانا اكبر من الكلام اللي يهز الضمير


اكتب وعين الزمن تقرا حروف الكتاب
.............. واستطعم الخوف من حال الزمان المرير


غريب حتي مع النسيان والاغتراب
.............. والحب طير(ن)رضا فيني وعي يطير


مهما رما الحظ في وجه الاماني تراب
.............. بذكرك يا سكر ظلالي وملح الهجير


ياسيدي في دفا بوحي لك أكبر حساب
.............. من يوم علمتني واشلون احبك واغير


ظما الجفا في عيونك وارتويتك سراب
.............. قل للمواعيد تنساني وقل للعبير


تهابني خطوة اقدامي وانا صرت اهاب
.............. نزف الاحاسيس ونياب القدر والمصير


لو كان كف المواصل ماتثني وعاب
.............. يمديك ترجع وتاخذني معك للاخير


عاتبتني وانت حتي في سكوتك عتاب
.............. وانا اعتذرلك وعذري مثل قلبي كبير


لاتزعل ياللي جفاك من السحاب السحاب
.............. شوف وش كثر كنت غير وباقي الناس غير


والله لو ان الذنوب براحتينك ثواب
.............. لاعيش عيشة وفا واموت موتة فقير


ماعاد ابي السؤال اللي بعيني جواب
.............. ان كان يمكن يصير او كان لا مايصير


لا صرت شاعرك واحساسي ونبضي شباب
.............. ماهمني المركز الثاني قبل الاخير

[البرنس]

يعطيك الف عافيه

شـــــاعر مــــبدع


فاله ان شاء البيرق

تحيااااتي

[ابـــوحـــــور]

اميييييييييييييين يستاهل جابر ومشكور على مرورك

[راعي الصفرا]

[align=center]قصيده جميله جدآ

وليس غريب على شاعر كجابر واتمنى انا ينال على البيرق

وانشالله ياخذه مادام عزوته مـــــطــــــــــيــــــــر


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شاعر و برقا السما واحوم حومة عقاب
.............. لعيون داري وحمران النواظر مطير[/poem]

تقبل مروري ابو حور [/align]

[مدالله القصيم]

قصيده الطبيه

[ابـــوحـــــور]

مشكورين اخواني راعي الصفرا ومدالله القصيم

[القصّيـم]

يعطيك الف عافيه

[ابوعبدالكريم الحميداني]

يعطيك العافية ابو حوووووور على النقل وصح لسان الشاعر

لاهنت وتبل خالص تقديري

[ابـــوحـــــور]

ولا انت اخوي ابو عبدالكريم ومشكور على المرور

[فجر الحمادين]

صح لسان الشاعر

الف شكر ع النقل

[مدالله القصيم]

صـــــــــــــــــــــــــــــــــــــــــــــــــ ــــــح لسانك ومشكووووووووور ياخوي ابو حور
الشاعر جابر المطيري شاعر معروف وله سمعه كبيرة يكفيني بيته الي يقول
شاعر و برقا السما واحوم حومة عقاب
.............. لعيون داري وحمران النواظر مطير

[ابـــوحـــــور]

اخواني مشكورين على المرور الكريم