[align=center]السلام عليكمـ ..
هذه القصيدة الترحيبيه قالها الشاعر الكبير / محمد بن خلف الخس المطيري ..
قالها بالأنابه عن الأمير / سلطان بن عبدالعزيز آل سعود ..
وهي ترحيب بالملك / فهد بن عبدالعزيز يرحمة الله ..
قالها الشاعر بقصر الامير / سلطان بالطائف بمناسبة حضور الملك / فهد يرحمة الله ..
يقول الخس /
[poem=font="Simplified Arabic,5,green,bold,normal" bkcolor="burlywood" bkimage="" border="solid,6,sienna" type=0 line=0 align=center use=ex num="0,black"]
يامرحبـا عـداد ماهـل وأمـطـر=مـزن ٍ تعـزّل مـن خيالـه ربابـه
سل المشاعـر بارقـة يـوم يظهـر=تبـرق مقاديمـه وترعـد عقـابـه
تحيـة مـنـي كـمـا ذوق سـكـر=أقولهـا عــن سـيـدي بالنيـابـه
هـذا واكـرر ثانيـه مـا تهـتـدر=يامرحبـا حييـت فـي كـل بـابـه
يالعاهل اللي فيـك الاسـلام تنظـر=يومن شوفـك فيـه عيـد وطرابـه
مما تكـن لـك نفوسنـا لـك نعبـر=نبدي لك الترحيب مـن خـف نابـه
في بيت اخوك النادر الحـر الاشقـر=سيفـك عضيـدك حـزة الاقترابـه
زعيـم قوتـك اللـذي لـو تفـجـر=علـى العـدو خلـت ديـاره خرابـه
ولو تامره يمشي على الموت الأحمـر=مشى على المـوت الحمـر مايهابـه
(سلطان) عنه الحكي ياقـف ويقصـر=غييث مطـر جـوده مغطـي ترابـه
و(سلطان) في دبرتك في كل محـور=وانـت ظلالـه لا تكـدر شـرابـه
لاجيـت ديوانـه تحـيّـر وتفـكـر=تشـوف ورد ٍ مثـل ورد اللهابــه
هـذا يجـي وارد وهـذاك يصـدر=جمع يـروح وجمـع تلفـي اركابـه
ومن راح منه الصبح يشكـر ويذكـر=يذكـر جميـل ٍمايحسـب حسـابـه
عسـاه ديـوان ٍ علـى العـز يعمـر=حيثـه لاجـاه الضعيـف التجـابـه
هـذا ويامـولاي يالـراس الأكبـر=يا (ملـك نجـد) وملحقاتـه ومابـه
ياقايد الاسـلام فـي البحـر والبـر=فضلك على الاسلام ما ينحكـى بـه
لولاك بعض شعوب راحـت تدهـور=وصارت لعطران الشـوارب كسابـه
وعظامهـم تكسـر ولا عـاد تجبـر=تخضع تحـت راس العـدو للرقابـه
لاشك قلت امشوا على النور=الاخضروارقيتهم روس العلى مـن هضابـه
بحزمك وتدبيرك ومـا كنـت تقـدر=ومالـك وطيبـك يامهـدي صعابـه
وانت الذي دايم علـى الطيـب تقـدر=ماقفـك ميقـاف الشـرف والذرابـه
يا ابـو الجميـع وياملكنـا المظفـر=ياعز نجد ومـن وطـى فـي ترابـه
لعل مـن جابـك لـه الذنـب يغفـر=دعوه عساهـا عنـد ربـي مجابـه
يامارثة (عبدالعزيـز) اخـو الأنـور=محطـم عـروش العـدى بالذوابـه
اعفـى جوانـب نجـد لينـه اسفـر=وخلى الغنـم والذيـب مثـل القرابـه
من سطوتـه شلـف النشامـا تكسّـر=يشهد (قصر عجـلان) ممـا جرابـه
خاض الحروب المظلمه لينـه أخطـر=وصفى الوطن والسيف ماجاء جرابـه
ويوم انه أخذ (نجد) بالسيف ما أغتـر=الديـن أعـزه والـعـدو دق نـابـه
واغنى الفقارى اللي قبل تشرب المـر=واكرم كريم الشعـب وادب صعابـه
ورحل وعقبه سد من كـان يحضـر=ما كن( ابـو تركـي) توفـى جنابـه
(العـود) يومـه بـذر حبـه اثمـر=انجـب عيـال ٍ يخلصـون الطلابـه
سباع ٍ ليا من شافهـا الذيـب يجحـر=اسرع مـن الديبـان فـي الانقلابـه
والعمر لابـده ولـو طـال يقصـر=والغايب انتـه اليـوم رافـن غيابـه
ياعزنـا يـا ظلنـا قبـل نسـهـر=يادرعنا الظافي عـن أيـات اصابـه
عدلـت ثـم كملـت ماكـان يذكـر=من عدل كسرى اللي مشت به اركابـه
والشعب في عهدك مكيّـف ومستـر=كلـن مـن الخيـرات مالـن البابـه
ياحر لـو ترقـى الكواكـب وتشهـر=قالوا شهر من طيب ساس وصلابـه
السـاس مـن نـار ٍ تلظـى تدهمـر=معـرب الجديـن عـرب النسـابـه
اليا قلت فيك المـدح ماهـوب منكـر=المدح سيف ٍ وانت قاضـب انصابـه
(يالفيصلي) ياللـي مساعيـك تشكـر=يا ابو العرب درع العرب في المجابه
يالعاهـل المعـروف بالكـر والفـر=واللـي مكذبنـي علـيـه الاجـابـه
انتوا ملوك الأرض في كل محضـر=وانتم سباع الغـاب سـاس النجابـه
أيمانكـم فيهـا مـن الخيـر والشـر=هـل الشجاعـه والكـرم والمهـابـه
ولولا الشجاعه ماظهر صيت عنتـر=ولولا الكرم ماجـاء لحاتـم حظابـه
ولولا اكبود الحوت ما صـار عنبـر=ولو لا العدل في الارض راحت خرابه
ولولا الفعل بالسيف شامـان الأبتـر=كان أصبحـت نجـد العذيـه انهابـه
انتوا حميتوهـا مـن الشـر والحـر=ولا مثلكـم بعـد النبـي والصحابـه
تـمـت بـذكـر الله والله أكـبــر=وصلوا على المختار يا أهـل اللبابـه[/poem][/align]
رد مع اقتباس
