للي يدور مسجات :)

[موتي ولا دمعة امي]

لاتشتكي للناس لاضاق صدرك .... الناس ماتملك مسره ولا ياس
الناس مثلك حالهم مثل حالـــــك.... والكل من مر الليالي شرب كاس
ولا تحسب انك بالتعاسه لحالك.... اعرف ترى عايش معك بالشقا ناس



ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـــــــال... طال الشقا والحزم طالت سنينه
وكل من نشد ويقول وش هي الاحوال... اجامله بالرد واقول زينه!!



بحجز على لندن تذاكر وترحيل .... وآخذ بدل هالقلب قلب صناعي
قلب صناعي مابه احساس ويميل .... وطيفته للدم يعطي اندفاعي
والقلب الاول ارسله لك بمنديل .... واقول خذ هذا السبب في ضياعي




بعض العرب من جور الايام مجروح.... وبعض العرب دله وسالي ومرتاح
مرتاح ماشاف الطباشير واللوح .... ولا راح وقته بين تحضير وصياح
حصه نشاط وبالتعاميم مذبوح .... وبين الاحتياط وبين الاشراف سواح



خزنت لك بالقلب عشره ملايين.... ماهو رصيد فلوس لكن موده
زكاة حبك هي غناة المساكين.... من الساحل الشرقي الى حد جده
بمشي معك والله على العسر واللين .... الموت والمقسوم ماحد يرده



ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه
ادمنت صوتك وأن تثيقلت كذاب .... من يعشقك لاغبت يفقد صوابه




محد يشق القلب من غير تفكير .... حتى الكاتر ترتجف ثم تحتار
الحب يشق القلب من غير تخدير .... ويبني قصور بداخل القلب وانهار
هذي نصيحه قلتها بصدق وتعبير .... وارسلتها للي حافظن كل الأسرار !!




لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني
ياروح روحي وش حياتي بلياك.... لاشفت زولك ارتبك في مكاني



ان غبت عني تظلم الدار والحي ... وإن غاب غيرك ماعسرني غيابه
أنا بدونك زهره مالها ري.... بين الهشيم وتستغيث بسحابه
مصفره الاوراق مقطوعه الفي ...يبكي لها سيح الشام وهضابه
النار تكوي ضامري كي... والفكر متشتت وفاقد صوابه





اتمنى انها تحوز ع اعحابكم ولا تسألوني منين جايبها لاني بصراحه بايقهم من منتدى :shade:





مع خالص تمنياتي لكم بالاستمتاع مع القصايد اللي بايقهم

[موتي ولا دمعة امي]

تعديل اعحابكم = اعجابكم

[منابع الطيب]

يسلمووو على المسجات


لكن لو حطيتها بالقسم المخصص احسن


دمت كما تحب

[موتي ولا دمعة امي]

منابع مشكور ع مرورك بس انا حاطه بشعر العام اي قسم تقصد انت وشكران

[منابع الطيب]

قسم برامج والعاب الهاتف


كل المسجات هناك


تحياتي

[موتي ولا دمعة امي]

ولا يهمك يا الغالي المره الجايه احطهم بقسم (برامج والعاب الهاتف)
من عيني اليمنا قبل اليسرى وشكرا ع ايضاحك لي

[ابونادر]

حياك الله وشكرا على هالمسجات الرائعة

احسنت الاختيار الله يعطيك العافية


تحياااااااااااااتي

[موتي ولا دمعة امي]

الله يحيك يابو نادر وع فكره انا عتبان ع بعض الاعضاء اللي ما رحبوا فيني ؟؟؟؟؟؟؟؟؟؟؟

[ابونادر]

اخي تعزيز عتبك على العين والراس والموجودين رحبو فيك

ولكن كما تعرف اننا في العطلة الدراسية ولمدة اسبوعين

واكثر الاعضاء غير متواجد هذه الايام بالمنتدى

وعندما يعودون سوف يرحبون فيك بلا شك


تحيااااااااااتي


..

[ابوعبدالكريم الحميداني]

يعطيك العافية والف شكر على المسجات الروعة والمجهود

تقبل مروري وعطر التحايا

وسوف يتم نقل المسجات للمكان المخصص

[فجر الحمادين]

يعطيك العافية خيو ماااااقصرت


بانتظار جديدك