[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش حلّ حلمي يامفسّـرت الأحـلام=للحلم أبي لي من هل العلـم تفسيـر
اللّي بلاجنحـان يصعـد ليـا هـام=يحوم في كبد السّماء حومـة الطيـر
وش لون حلّ الحلم في حكم الأسـلام=لا حمت فوق مركّـزات المعاصيـر
أنـا عمـاً غافـلٍ بلـذّات الأنعـام=وأبا أزعج المبصر بعرض التصّاوير
مشاكـل المخلـوق تيّـار الأيّــام=الوقـت هايـج واللّيالـي معاشيـر
يعلم بها اللّي عالـمٍ حمـل الأرحـام=المعتلـي منـه وعليـه التّدابـيـر
ماهي بسلعـه بيـن بايـع وسـوّام=فرضٍ من الخـلاّق حكـم المقاديـر
بالنّاس منهو يجمـع الكنـس بخمـام=وفيهم من اللّي يصرفـون الدّنانيـر
وفيهم من اللّي يعطب الطّـق بلحـام=من ضربته جمـع الحديـدة تنانيـر
بلشـت مابيـن الحقيقـه والأوهـام=وأخشى يجي نفـع الحقيقـة معاذيـر
فـي غابـةٍ يلهمنـي الهـمّ بالهـام=بين الـورود الفاتحـه والعصافيـر
غديت أنا ويّـا الهواجيـس بازيـام=تفرّنـي فـرّ المكينـة مـع السّيـر
ضرباتها بالكبد مـن نبـل الأسهـام=وش فايدة فكـري برفـع التقاريـر
زاد الحساب اللّـي بعـداد الأرقـام=وعجزت لا ألقـى للمفاتيـح تصفيـر [/poem]
من كلمات الشاعر / فلاح بن مبرد الحميداني[/frame]
رد مع اقتباس
