[align=center]
من هنآ
وإلى آخر نفس
شاعر وشعر .. ويستمر الإبداع
لايسعني سوى الكتابه .. والكتابه .. حتى آخر نفس
تنفسوا هذا النص كما تنفسته ..!!
يامزاجـي لاتعكـر ماعلـيـك
ــــــــــــــــــــــــلاهو بفعلك ولاهـي غلطتـك
ولاهو بطبعك ولاهي في يديـك
ــــــــــــــــــــــــولاهي بنارك ولاهـي جنتـك
بيع بياعـك وقـدر مشتريـك
ــــــــــــــــــــــوريح اعصابك وقصر عنوتـك
لو بخل حظك وعيـا يحتسيـك
ـــــــــــــــــــــلو جهل وضعك وعاند وقفتـك
عيش بامالك وحظـك يبتديـك
ـــــــــــــــــــــوكسر جدار الحزن في سلوتك
والهموم اللي حوالينـك وفيـك
ـــــــــــــــــــــماتـردك لاتكمـل خطـوتـك
اعتبرهـا كنهـا ماتحتـويـك
ـــــــــــــــــــــواعتبرهـا كنهـا مامـرتـك
صير لي ثوب الفرح لجل ارتديك
ــــــــــــــــــــوخل وجهة صاحبك هي وجهتك
خلني لامن تضايقـت ارتكيـك
ــــــــــــــــــلو ظروفـي عاندتـك وعنتـك
دربك اللـي يبتديبـك ينتهيـك
ـــــــــــــــــــوعمرك اطرافه تحاصر دنيتـك
لو تضايق فيه فرحه تحتريـك
ـــــــــــــــــــــتنتظر بارض السعاده حظرتـك
يامزاجـي لاتعكـر ماعلـيـك
ــــــــــــــــــــالبيت بيتك والمعـزب همتـك
خالد هلال الديحاني[/align]
رد مع اقتباس
المشاركة الأصلية كتبت بواسطة ابوعبدالكريم الحميداني
