[align=center][frame="6 80"]تكفين يمه.. خلي الباب مصكوك [/frame]
[poem=font="Simplified Arabic,4,white,bold,normal" bkcolor="transparent" bkimage="backgrounds/28.gif" border="double,6,gray" type=0 line=0 align=center use=ex num="0,black"]
قالت لي امي ياولدي شف شبابك=وارفق على نفسك ترا الناس شافوك
شافوك متغير وحاضر غيابك=ومتشتت فكرك وللهم مملوك
وقالت لي اسمع كنت احس بصوابك=ابكي دموعي هم واشكي على ابوك
كنت ارتجي ظلك وماطر سحابك=ونسمة هواك اتشيل عن دربي الشوك
ارضى عذابي لجل اشتت عذابك=مابي تحس انك اذا طحت متروك
عهد الطفولة كنت احضن ثيابك=لارحت تدرس وانتظرهم يردوك
واشرب بقايا مابقا من شرابك=لارحت مستعجل وخايف يخلوك
اساعدك تحفظ.. اجلد كتابك=اضمك ان رديت متعب ومنهوك
اليوم ليش اليوم زاد اكتئابك=واللي يبونك.. من سواياك عافوك
لاياولدي ارحم فؤاد حيابك=لاتقطعه احزان. وجروح. وشكوك
قل لي علامك قافل اليوم بابك=عن ربعك وناسك كفا باب مصكوك
والناس اللي تحرق لهم مابقابك=مااظنهم كثر الذي فيك حبوك
ابسألك وانطر حبيبي جوابك=تدري بأن الناس مافيوم حسوك؟
امسح دموعك لايخيب الرجابك=منت الذي يضعف وينهار ارجوك
واقفت... وانا ساكت وفكري متشابك=وجسمي كأنه بالسياجات مشبوك
ناديتها يمه.. ذبحني عتابك=تكفين يمه.. خلي الباب مصكوك [/poem][/align]
رد مع اقتباس
