[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
البارحه فالثلـث الأول مـن الليـل=دعتني أجـزال القصايـد وجيتهـا
وكتبتها والشطر الأول علـى أيـل=وفي شطرها الثاني كتبته على أيتها
وحشمتها عن صاقط القال والقيـل=مثل الذهب من نبع فكـري نقيتهـا
نـوادر(ن) ماجابهـا بـارد الحيـل=ماصاغ معناهـا ولا صـاغ بيتهـا
كتبتهـا وللمجـد فيهـا تفاصيـل=ومن طيب حمران النواظر عطيتهـا
وسرّيتها وأمجـاد ربعـي مداهيـل=دعتنـي الأمجـاد مـدري دعيتهـا
كتبتها فالرمـح والسيـف والخيـل=والحرب وأرجال(ن) تزامى بصيتهـا
نظمتها في مدح قـوم(ن) مشاكيـل=مطير ربعـي عزوتـي لا نخيتهـا
أهل السيوف المرهفـات المصاقيـل=عدوانهـم ماتهتنـي فـي مبيتهـا
ربعي حمات الذود قوم(ن) حلاحيـل=قصة صلاطيـن الوغـا ماوفيتهـا
المعجزات ألهـم توثّـق بتسجيـل=في صفحة التاريخ سيـره قريتهـا
متوارثين المجد جيل(ن) بعد جيـل=أمجادهـم ماتنتهـي لـو بديتـهـا
ربعي ذخر سـود الليـال المقابيـل=والماضيـات بطيبهـم مانسيتـهـا
فيهم كرم مثـل المـزون الهماليـل=قبيلة(ن) تلقاء الكـرم لا نصيتهـا
ستر الهنوف أم الرموش المظاليـل=هيبة مطيـر أتشوفهـا لا رئيتهـا
الله منزلهـم مـع الحـق تنـزيـل=هاذي أعلوم الصدق ياللـي بغيتهـا
ماهمهم هـرج الرخـوم المهابيـل=اللي ضمن حزب الهوامش لقيتهـا
كدوش(ن) على الخيبه تجر المواويل=جلايب(ن) لـو بعتهـا ماشريتهـا
توافه(ن) كبروا وعاشـوا مباديـل=قصة توافـه تافهـه لـو رويتهـا
ولا والذي نـزل تبـارك والأنجيـل=فعـول ربعـي كلهـا ماحصيتهـا
[/poem]
رد مع اقتباس
المشاركة الأصلية كتبت بواسطة ابـــوحـــــور
