-${راع الكرم والمعرفه والمراجل --$-

[ناشي الصخيني]

[align=center]الســــــــــــــــلام عليكم ورحـــــمة الله وبـــــركاته [/align]

[align=center]هذي قصيده مسندها لعبدالله محمد الشطيطي،،،[/align]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/49.gif" border="double,4,darkred" type=0 line=0 align=center use=ex num="0,black"]
ياراكب الي يدني البعد ممشاه = توه جديد من البواخر منزل
الموتر الي من حفيزه شريناه = ودك تتله مع طعاميس وعبل
كل المواتر لامشى ماتعداه = بين المواتر كاسب اعلى المنازل
تصميم فكر يوم سواه سواه = عود ولو تاصف له الدرب مادل
ياسايقه بالله ياخوك بالله = نصه لقرم بالشديدات ماذل
اركب عليه ودق سلفه ومنصاه= راع الكرم والمعرفه والمراجل
هو صاحبي جعل البلاوي تعداه = وياجعل تفداه الرخوم المبدل
راع الحجاج المسفهل لاعدمناه = منصى لعكفان الشوارب ومدهل
سلم عليه وحط خطي بيمناه = وليا لفاه الخط ماهوب باحل
يابو محمد ذقت شين المعاناه = أسهر طوال الليل ودموعي تهل
على وليف" تل قلبي من أقصاه = تل الرشا من قاعة البير لا تل
أقفى وقفت يالشطيطي مطاياه = غرو على قلبي مسيطر ومحتل
الي عقد مثناة قلبي بيمناه = عقد المرار ليا انعقد زين ماحل
قام يتغلى واطرده واطلب ارضاه = قفى وانا اشكي منه سوء التعامل
ماشوف انا بالعين غيره ولاماه = ريمية ياخوك تجفل من الضل
افز انا لاوحيت صوته وطرياه = واليوم جيتك واشتكي من هوى الخل
حيثك تعرف الحب وتعرف مجراه = شاعر مع اهل الشعر تنقض وتفتل
يابو محمد محتمي كل من جاه = جاك الكتاب وصاحبك يطلب الحل[/poem]

[align=center]وهذا رد عبدالله الشطيطي،،[/align]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/27.gif" border="groove,4,red" type=0 line=0 align=center use=ex num="0,black"]
يامرحبا باللي لنا القاف عناه = ترحيبةن من قلب ماهي مجامل
أهلا هلا في حامل الخط حياه = واللي بعث بالخط ينشدني الحل
من بعد ما عاينت خطك ومعناه = يأبن الرجال اقول لا لا تبهذل
ياراكب اللي بمشيته يكسب رضاه = كنه ملك يمشى وداخل بمحفل
بمواصفاته فل تكمل مزاياه = حتى جهاز الكمبيوتر مكمل
يعطي من الانذار لاجاه ماجاه = يشرح حلول المشكله قبل تسئل
مايركبه غير الرجال المسماه = اللي بكثر المال تصخر لها دول
فوقه غلام لوعت فيه دنياه = أخذ دروس الوقت مبداء ومنهل
يحمل معه حلي وقافي مجاراه = للشاعر اللي قاف شعره يهول
يبدع بقافه ويتفنن بمغزاه = ويغوص في بحر المعاني ويحتل
لأجل الحميداني نحل المعاناه = اللي بها يشكي من هموم وعلل
سبة غرام وسكت الحب عزاه = كم عاشق فيها يعاني من السل
عينت قيس بن الملوح وليلاه = وعنتر وسحمي والدجيما على مل
الحب مايرحم محبن اذا اخفاه = ولايمنح المشتاق فرصه ولا حل
ان كان ياناشي تحبه وتهواه = وأقفت ضعونه عنك وابعد بمنزل
يابو محمد كانها جات بالجاه = نقوم معك بجاهنا ونتحمل
وان كانها بالمال اطلب وتلقاه = ندفع لهم بالكاش ماهو مؤجل
وان كانها بالملعنه بس دعواه = يبا يعذب فيك غــرو مدلل
نجيبها بالغصب قبل تلفض الاآه = غصبن عن اللي دون حبك تطاول
ماهو على كيفه دموعك ترضاه = ولاهو على مزاج حاسد وعاذل
هذا الحلول أقولها لاتمناه = أضمن وجوده يالخوي المبجل
وصلاة ربي عد مزنن ومنشاه = على محمد خير هادي ومرسل[/poem]

[align=center]ناشي الصخيني [/align]

[غنام العرافه]

[align=center]الـي عقـد مثنـاة قلبـي بيمنـاه = عقد المرار ليا انعقد زيـن ماحـل
قام يتغلى واطرده واطلـب ارضـاه = قفى وانا اشكي منه سوء التعامـل
ماشوف انا بالعين غيـره ولامـاه = ريمية ياخوك تجفـل مـن الضـل [/align]


[align=center]صح لسانك والله يعطيك الف عافيه شاعر متمكن ومبدع ورائع بكل ما تعنيه الكلمه لديك حس شعري متعمق

والله يوفقك ويكفيك شر عيون الحاسدين ما شاء الله عليك ، وصح لسان الشاعر القدير عبدالله محمد الشطيطي

على هالرد الجميل قمه في الشعر وصاحب معنى والله يوفقه ،تقبل مروري ووووودي 0[/align]

[ناشي الصخيني]

[align=center]غنام العرافه الله لايهينك وماعيك زود وشهاده اعتز فيها ووسام على صدري واشكرك على مرورك المشرف ولك مني كل الاحترام[/align]

[ابوعبدالمجيد]

يعطيك العافيه يالصخيني شاعر متمكن

[آورنـس]

يا ابو محمد شهادتي فيك مجروحه وانت عارف اني حفظت القصيده من زمان والحمدالله انك جبتها ..



صح لسانكم ..



تحيااتي لكم ..

آورنــــــــــــس


ويثبت القصيده من قبلي لما للقصيده رونق خاااص ..

[ناشي الصخيني]

[align=center]راعي المعطا لاهنت طال عمرك شهاده اعتز فيها واشكرك على مرورك الكريم ولك مني كل الاحترام[/align]

[ناشي الصخيني]

[[align=center]color=4B0082]اورنس لاهنت يابعد راسي واكبر شرف للقصيده انك مريت عليها واشكرك على مرورك الكريم ولك مني كل الاحترام[/color][/align]

[الحمــ بو هـجيـر ــيداني]

صح لسانك يالصخيني وصح

لسان عبدالله الشطيطي

شاعر ماتحتاج شهادتنا

[ناشي الصخيني]

[align=center]ابو هجير الحميداني الله لايهينك طال عمرك ويشرفني مرورك المشرف وتقبل كل احترامي و تقديري [/align]

[ابـــوحـــــور]

صح لسانك ياصخيني قصايد طيبه من رجال طيبين

[غريب الدار]

ناشي الصخيني
صح لسانك ولسان عبدالله الشطيطي
قصائد جزله وبيض الله وجيهكم انت واشطيطي
ونطلب الجديد والمزيد
ناشي
تقبل مروري

[ناشي الصخيني]

[align=center]ابو حور

غريب الدار

الله لايهينكم وماعليكم زود واشكركم على مروركم المشرف وتقبلو خالص تقديري واحترامي[/align]

[منابع الطيب]

[align=center]صح لسانك ناشي

وصح لسان عيد الله

لا هنت والله

خالص التحايااا [/align]

[ناشي الصخيني]

[align=center]اخي منابع الطيب صح بدنك واشكرك على مرورك المشرف تقبل خالص تقديري واحترامي[/align]

[بنت العز]

شاعر
مبدع
ياناشي

وفالك البيرق

ودايماً على الجرح

واقول لك :


((((( شاعر وعندك يالصخيني مشاعر ----@--- تكتب احاسيس البشر في قصايدك )))))

[ناشي الصخيني]

[align=center]بنت العز يامرحبا فيك

وووووووووووفالك المليون ومشكوره على هالمرور[/align]

[فجر الحمادين]

[align=center]صح لسانك شاعرنا ناشي

وصح لسان الشطيطي ولاتحرمونا من تواجدكم المميز

عاطر التحايا[/align]

[ناشي الصخيني]

[align=center]أخت فجر مشكوووووره على المرور الأكثر من رائع
تحباااااااااااااااااااااااااااتي[/align]

[ااالــركـــيــبـــي]

[align=justify][I][I][I]][`-*¤!||!¤*-`][الــســـلام عـــلــيـــكـــم ورحــــمـــة الـلـة وبــركـــاتـــــة[al][`-*¤!||!¤*-`][ign=justify]] ][][§¤°^°¤§][][.......مــشـكــور اخـــوي عـــلــــي الــقــصــــيـــد الــرائـــعــة وتــمـــنــاء لــــك الـــتــوفـــيـــق ,,,,,,,,,,[/align]][][§¤°^°¤§][][

[ريوف]

[foq]دمت ودام ابداعك[/foq]

[ناشي الصخيني]

[align=center]الركيبي
مشكور على المرور الرائع
ريووووووف
ياهلا والله ومشكوره على الأطراء الجميل

والمعذره على التأخر بالرد[/align]