للأسف ياk.s.a

[رومانه]

بسم الله الرحمن الرحيم

كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه..



قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..


......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


شفايف..


صدر..


عيون..


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!



يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم..


يمكن الفضاوه انك تصور شنط..قلم..اكل..الخ.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. وصدرك.. عادي يشوفونه!!


لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟


اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟


عيب يعني..يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للعيال..فما يهمكم البنات..



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!

[رومانه]

ولا قروب ثاني سعودي برضو..والصور اللي ناشرينها..


ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!



طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..


اللي همهم نوم واكل.. وفلوس ياخذها من ابوه ولا امه!



تطورو شوي.. ارتقو شوي..اطلعو بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف وصدرو ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه..


ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!


هذا اللي طرحته فوق مثال عالاشياء اللي تنكرونها وهي عندكم !

اقولكم شي؟

شفتو كتاب (بنات الرياض) قريته..

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..


يا حلّو الثقافه اللي يتثقفونها الشعوب الثانيه عننا اذا قرو الكتاب !


انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!


ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!


غلط! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..


قبل فتره سمعت انهم رحلو هشوم الرياض.. الى ديرته الحقيقه(سوريا)

وانه لا يمت للشعب السعودي بصله!

كأن ما عندنا سعوديين من هالجنس!!





ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..




برضو حمله تبرعات الراجحي..

ترا اكثر من تبرع فيها شباب..


((هالمواقف مذكوره عشان ابين انه فيه ناس كويسه,,يعني ابين الجانب الايجابي))


يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..


موب عشانكم ورا الشاشات يعني عادي؟؟


(هياط ورا الشاشه=مرض)


الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..


اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينشر بنفس الطريقه اللي نشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..


لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معه حق..






الموضوع بقلم وحده من البنات أعرفها
كتبته بالاقلاع وبمنتدى ثاني
وانتشر بشكل مفرح
اتمنى من اللي يجي ينقله يستأذن

[MASH3L]

اشكرج اختي رومانه على الموضوع اللي فيه تحذير وتنبيه
وبالعكس كل دوله فيها الخير والشر والزين والشين مو بس السعوديه
ويمكن من وجهت نظري ان السعوديه على قولت اكثر بسبب الضغوطات والعنف
ويبدون الزين بالشين
والبنات اللي مايخافون من الله تبينهم يخافون من الناس
(وان لم تستحي فأفعل ما شئت)
وجزاج الله خير وفي موازين حسناتج افرحني الموضوع كونه من بنت تنصح
وتحذر دمتي بود

[حلا الحماديـن]

[align=justify]عن جد للأسف بقـــووه ..

لا ويتعذرون ان مجتمعنا محافظ طيب ليه تسويين كذا وش مصلحتك حق الونااسه يومين !!

والله شي يقهر صراحه بالذات لما ادخل الفيس بوك واشوف البنات وحركاتهم والله صور تعور القلب للوهله الاولى تحسينها حلوه وودك تسوين مثلها لكن لو دققتي وربي شي محــزن !!

وفضلا عن ذلك البرنامج الامريكي اللي عرض صور البنات السعوديات المسلمات العفيفات وين راحت عفتهم بها الصور وربي شي يضيق الصدر مررررررررررررره للأسف تصير نظره الاسلام كذا !!

لا والمشكله الثانيه بعد لما الواحد يسافر برا بالدول العربيه زي مصر وسوريا ولبنان والله شي يضيق الصدر لا من بنات ولا من شباب يعني تشوفين كل واحد ماسك له وحد وطااير فيها !!

طيب ليه مو حرام عليك ولا الله بالسعوديه وغيرها مو موجود يااالله شي يقهر ما اقول الا يالله حسن الخاتمــه ..


حبيبتي رومــانه بجد اثلجتي قلبي بموضوعكـ وكل يوم يزيد اعجابي فيكـ ..
فديتكـ يا بعد نــاسي ..[/align]

[البرنس]

[align=center]رومانه ربي يعطيك العافيه على موضوع زي كذا

بصراحه هذا الواقع ولا نقدر ننكرهه يعني ماعاد فيه حل الا بيد الله

يعني المجتمع زاد الانحلال فيه وزادت المصايب ويالله سترك

والمصايب كلها السعوديين بالخارج ياكثر السوالف اللي نسمعها وكلها من الخارج

والسبب ليه بالخارج بالذات يعني هل بالخارج مافيه رب ولا بالسعوديه بس

الله المستعااان

وربي هذا الواقع اللي مانقدر نخبيه

الله المستعااان


تقبلي مروري

البرنس[/align]

[بنت وايل]

:messenger3:[align=center]/
--

الله يرحم الحال

والله يهديهم ويستر علينا وعليهم ..

من جد هالاشكال تظلم نفسها

وتضيع عمره على سعاده زآئفه

يزعمون بانه حرية ..

وانه بهالطريقه تاخذ كامل حقوقها

وبالاخير يعني هل اللي تسويه بينفعه بالاخره ؟!

هل هي مرتآحه يوم انه تسوي هالشي ؟!

طبعاً لا ..

لكن مااقول الا

لاحول ولاقوة الا بالله

والله يهديهم ان شاء الله

والله يثبتنآ على مااحنا فيه

والله يستر على بنات المسلمين


شكراً لك اختي رومانه

طرحتي موضوع يحرق القلب

الله المستعان


..[/align]

[نوني الحماديه]

يسلمووووووووووو ع الموضوووووع الرائع يالله بالتوفيق

[نوني الحماديه]

يسلمووووووووووو ع الموضوووووع الرائع يالله بالتوفيق