[poem=font="Simplified Arabic,6,limegreen,normal,normal" bkcolor="purple" bkimage="" border="ridge,3,gray" type=2 line=0 align=center use=ex num="0,black"]
يوم مريت بيته ياابو نـادر طرالـي=وذرفت دمعتي والحال مني خطيـره
استرديت ماضي وقتنا اللي مضا 0لي=ذكريات الصغير اللي ذكر له صغيره
يوم نلعب جميع وللعـرب مانبالـي=في براءة طفوله مانعرف السريـره
وكم مره تهاوشنـا وكثـر الجدالـي=مع شقاوة صغار ولانجيب المعيـره
مانعرف الهوى في مقبـلات الليالـي=ولادريت انها عني تغطـى الستيـره
طفلة زينها من صغرهـا كالهلالـي=فوق كل الكواكب ماتحالـي (0000)
شايل حبها في مهجتي مـن خبالـي=واجرحتني بعد ماجات بنـتٍ كبيـره
جاني اليوم علمٍ من صديقٍ اموالـي=شافها بصالة الافراح مثـل الاميـره
يوم طبت على الخفرات جاهن اهبالي=كل عذراء غدت من زينها مستطيره
قال لوشفتها يابـرق مالـك مجالـي=كود تاخذ من الثنتين وحده خطيـره
تنتحر من سببها او تمـس الحبالـي=لين تارد على جم البحـور الغزيـره
قلت وقف ترى ماعاد فـي احتمالـي=يكفي اللي حصل والهم فـي لاتثيـره
ميسٍ من وصاله لو بغيت الوصالـي=حال دونه حسود وكل نفسٍ شريـره
مير سلم عليها فـي نهايـة مقالـي=ووصله كلمة تحوي معانـي كثيـره [/poem]
برق الوسم
رد مع اقتباس
