[align=center]((صعب الارقــام ))[/align]
[poem=font="simplified Arabic,6,darkblue,bold,normal" Bkcolor="transparent" Bkimage="backgrounds/14.gif" Border="groove,6,deeppink" Type=0 Line=0 Align=center Use=ex Num="0,black"]
أضرب معي وأقسم على صعب الارقام = خذهـا كفـو وأهديـك معهـا تحيـه
أقبس مـن الفكـره ترانيـم الانغـام = وأرسم على اللوحـه معانـي خفيـه
يطرب لها مكلوم مـن ضيـم الايـام = يلقابهـا بلـسـم جــروحٍ نـديـه
والا اعتذر عن شخبطت بعض الاقلام = وأرقـد وخـل النـادره لـي نحيـه
أزعجتني في كثر هرجك مـن العـام = وأخفقت فـي هـاذي وضيعـت ذيـه
وانـا ليـادرت الهواجيـس باالمـام = أورد الحـايـم لـجـال الـركـيـه
والله لينهـل مـن عذيـات وحشـام = حتـى يقـول الـبـرق لاواهنـيـه
عن واقعه ترجمتهـا عبـر الاحـلام = ورسمـت مايعنيـه 0بااجمـل هديـه
نسقت له ورد الحديقـه عـن السـام = بسلـوب مفهـوم العقـول الزكـيـه
حتى ضحـك وانـزاح همـه ولادام = وأحييت فيه اشعـور لاجـل الوفيـه
لاشافنـي دق التحيـه 0ولـي0 قـام = ينهض فخر ماهـي فـزوع وحميـه
من سيطرة فكري على أحساس خـدام = تطـرب لهـا عشـاق سبـع اللفيـه
مثل الغنوج اللي زهـا خدهـا وشـام = كـلٍ يبـي منهـا كــلامٍ شـويـه
ماهـي شخابيـط تـوزع لـلاعـلام = مثـل سوالـف عاشقـيـن البنـيـه
كـل يقـول أهيـم وصويحبـي هـام = والكـل منهـم مخـلـف الله نـويـه
واليوم انا وياك فـي حسـم الارقـام = والله لتـفـرق بيـنـا بضـحـويـه
ماعاد فيهـا مجاملـه طـول الايـام = قفلتـهـا بـيـن النـديـم وخـويـه [/poem]
[align=center](( مجــــــــاراتي الى أخي العـــزيــز برق الـــــــــوســــم )) [/align]
[align=center](( تفســــــير الاحــــــــــلام ))[/align]
[poem=font="simplified Arabic,6,white,bold,normal" Bkcolor="transparent" Bkimage="backgrounds/3.gif" Border="groove,4,white" Type=0 Line=0 Align=center Use=ex Num="0,black"]
أقسم وخل الضرب والطرح قدام = مادام نفسي للبيوت محديه
شاعر ومرفوع علمي بين الأعلام = من فضل ربي ماقنيت الرديه
هيضني اللي حط للقاف مرسام = شاعر وصاغ الشعر من مقدريه
شاعر ويحسب مع هل الشعر مقدام = من ناتج أفكاره يقود السريه
نحت بيوت" كنها نحت الأهرام = من الجبل خلى معاني جريه
فيها من الورد وبها شوية ألغام = هدية" ياطيبها من هديه
العلم فيه علوم والعلم صرام = ماعنه صده يالرجال العذيه
لاصار مبهم يبشر بصمة إبهام = وتحليل مفهوم البيوت الذكيه
أفسر الموضوع تفسير الأحلام = لاضاعو الرديان بالمهمهيه
الناس ماهم يافتى الجود خدام = وأنته تعرف إن الليالي مديه
الشرق ماله ذنب يبلا مع الشام = لاتجمع الأثنين وسط الخطيه
مافيه عز" غير في دين الأسلام = في طاعة الله وأتباع لنبيه
لكن أنا بسألك يالبرق بأولام = يوم أنت في شعرك تحالي طميه
سؤال عيت تكتبه كل الأقلام = لو إن ماحله بصعب" عليه
يابرق ليه الزير يثأر بهمام = عقب الأخوه كيف يذبح خويه
مدري يبى الشهره بذبحه والأعلام = وإلا إن نظراته تخيل الثريه
الحل عندك وأرسله يأبن الأكرام = عبر الأميل أرجوك حل القضيه[/poem]
[align=center]نـــــــــاشي الصخيني [/align]
رد مع اقتباس
