من تحب أبوك ولا أمك أكثر
من تحب أبوك ولا أمك أكثر
تراها ماهي لعبة قعى بو اغلي امك ولا ابوك <:p
بصراحه أول مره أدري أن فيه رهبه وخوف تجي للواحد قبل يكتب موضوع >>:D
أكثرنا يعاتب أهله على تقصيرهم في الصغيره والكبيره خل نسئل أنفسنا حنا بارين فيهم ولا عاقينهم ؟
ناخذها من الطرفين بنات وشباب
دايم نطالب ونسوي فاهمين ونقول أهلنا ما يحبونا ونروح لي غرفة ونقعد بالزاوية علي اسا انا مظلومين :Dولا ننتقدهم ونقول يسوون كذا خطاء وكذا ظلم وما يعطونى اللي نبي لكن نادر ما نحاسب أنفسنا
بيتنا زي بيتكم زي كل البيوت كبير وفيه حوش وملاحق ومطبخ وغرفتي <---- يعني ترى عندي غرفه
وست ملاحق < - - - عقدتي الملاحق
نصحى الصباح نفطر كل واحد حسب وقته وطبعاً أمك ساعه تصحيك وأنت/ي تقول يووووووووه شوي بس بنام
نروح اللي لدراسته واللي لعمله واللي يصحى عشان يقعد على النت أو يتمشى أو يزور أحد أو يطر عند أشاره أو مواعد أحم أحم
نرجع الظهر قرفانين من الحر والشوارع الفاضيه والمشاوير اللي ماتاخذ غير 10 دقايق بين الشمال والجنوب ندور الغداء
يا هيه يا هوه وين الشغالات وين الغداء والأب يمكن في العمل يمكن في البيت والأم طبعاً ما تتغدى إلا معه ويجيك الكبير ولا الصغير يقول الملح زايد و الزيت ناقص ليه حاطين بصل ليه مافيه قرع يازين المطاعم بعدين ينقز ويروح ينام :p
يصحى العصر بعد جهد جهيد وبحت صوت من الأم قم صل أتقو النار فيني وفي أبوكم ولا صرخه من الأب تنقزك بسرعه وأنت تأفأف وتتوضاء وتنام على الغسله :D
تجلس معهم تشرب بيالتين شاهي وبعد نصف ساعه تلقاك ياقمت لكمبروتر يا كيرم كل واحد حسب أحترافه
المغرب أو العشاء تطلع لعمانك أو خوالك أو أي صحابـ/ـة تسعسع
ترجع تنام وكل يوم على ذا الحال قالب البيت فندق مجاني
نرجع لتفاصيل يوميات شابـ/ـة خليجيـ/ـة
كم ساعه قضيت مع أمك ؟
كم ساعة سولفت مع أبوك ؟
نستثني مما سبق ساعات المجاملات للحصول على قرنقش ( فلوس ) لتفصيل ملابس ولا طلعه :D
هل ترضى أن واحد من أخوانك الصغار يقولك بلا قرف وش ذا الأكل اللي جايبه ؟؟
وش رايك لو يوصيك واحد من أخوانك تصحيه لشغله ضروري وتقوم من نومك مهتم فيه وإذا صحيته قال أوووووووووف خلني أنام ؟!:D
وش شعورك لو راجع من برى البيت مكروف وتعبان وتجي تتغداء ماتلقى إلا الشغاله وأهل البيت كلهم مقابلي التلفزيون وضحك ولا كل واحد منلفز بغرفه ونايم ؟
تخيل نفسك كل يوم من بعد صلاة المغرب قاعد في البيت لحالك والباقين كلهم ماخذين منك فلوس وطالعين يتمشون ولا يسيرون على ناس ؟
هذا كله وأحنا لحد الان<<<متعوب عليها
مادخلنا الدين في الموضوع ولا تكلمنا عن اللي ما يحبون جلست الأهل واللي ما يودي أهله و,و,و,إلخ
سؤال قبل لاأقفل الدكان , متى آخر مره دعيت الله لأبوك ولا أمك ؟
رد مع اقتباس
المشاركة الأصلية كتبت بواسطة ليلى بنت المهلهل
