بما ان المجلس مخصص للشعر فرايت ان ممن المناسب عرض هذي القصيدة للشاعرة المطيرية مويضي البرازية
هذي شاعرة من 100عام او اكثر كانت مشهورة بصوتها العذب وكانت دايما تغني لاهلها وصديقاتها من جماعتها وكانت مرات تغني وتقصد في الامام فيصل بن تركي وفي يوم وصل خبر للامام انها تغني فيه ((بالعربي تحش فيه) فارسلها عبد كان عنده يقاله سلامة المهم ضربها ضرب مبرح ومنعها من الغناء....
وفي يوم من الايام كانت جالسة عند شجرة وسمعت حمامة تغرد فقالت هذي الابيات:
ياسعد عينك بالطـرب يالحمامـة
ياللي على خضر الجرايـد تغنيـن
عزي لحالك وان درى بك سلامـة
خـلاك مثلـي يالحمامـة تونيـن
كسر عظامـي كسـر الله عظامـه
شوفي مضارب شوحطه بالحجاجين
جانـي يقـول مروحينـه عمامـه
الله يخرب ديرتـه اصفـر العيـن
وان كان ودك بالطرب والسلامـة
عليك بالفرعـة ديـار الوداعيـن
تنحري ربـع(ن) تفـك الجهامـة
فكاكة القالات في العسـر والليـن
دخيلهم محد(ن) على الحق ضامـه
ولو هو فقير الحال مايلحقه ديـن
طبعا الفرعة هي اسم لمنطقة عندنا في الوادي يقالها فرعة آل عويمر
والسلام خير ختام
رد مع اقتباس
