ديوان الشاعر والامير الفارس ؛؛ عبيد العلي الرشيد

[رجل من التاريخ]

يعتبر الأمير عبيد الرشيد من أبرز شعراء نجد في منتصف وأواخر القرن التاسع عشر، ولقصائده أهمية فنية، وأهمية تاريخية كبرى كونها تروي واقع الحال ووقائع الأحداث في نجد في تلك الفترة، وتستخدم معظم أبياته لدى مؤرخي الحروب والأنساب كبراهين إثبات.

وتتفاوت مواضيع قصائده من الفخر إلى التحذير إلى الغزل إلى المراسلات، وله قصائد تنطوي على جانب فكري يشرح بها أفكاره ومبادئه عن الحياة والسياسة والحرب.

أول من جمع قصائد عبيد في ديوان مخطوط كان الرحالة الفرنسي شارل هوبر الذي زار حائل عام 1883، وحفظت كذلك حتى نشرها محمد سعيد كمال في سلسلة " الأزهار النادية " وعبدالله الحاتم في " خيار ما يلتقط ". وقد نشرت طبعة حديثة من ديوانه مؤخراً (عام 2000) أعدها إبراهيم الخالدي.
<b>القلب مـن كثـر الهواجيـس قـزان
مايستريح من الدهر ربـع ساعـه </b>
<b>ياغافر الـزلات ياوالـي الأحسـان
تجعل من التقوى لنفسـي بضاعـه </b>
<b>أنـا علـى لانٍ وربعـي علـى لان
متخالف(ن) رايي وراي الجماعـه </b>
<b>أنـا ولـد علـي سلايـل كحيـلان
الله خلقـنـي للسبـايـا وداعــه </b>
<b>ماني هتيمين يربـت علـى الضـان
ويعطي لطـلاب الجنايـا رتاعـه </b>
<b>أضرب على الكايد الا صرت بلشـان
عند الولي وصل الرشا لانقطاعـه </b>
<b>الناس ماترويك لا صـرت عطشـان
لاصار مافعل الفتـى فـي ذراعـه </b>
<b>عيب(ن) على اللي ينثني عقب مابـان
ويرضى بطمان النفس عقب أرتفاعه </b>
<b>أما نجيب عقـود حصنـن ومرجـان
والا فهي لبليـس طـار بشعاعـه </b>
<b>وا طربة الدنيـا مـع الفجـر دخـان
واكرارة(ن) بطراف خطو الصعاعه</b>



يقال ان رجلا من وجهاء بريدة يدعى عبدالمحسن ال سيف كان يتردد على مجلس ال رشيد وفي احد الايام سأله امير حائل طلال بن عبدالله الرشيد عن عيوبه وعيوب عمه فجاوب بعد اخذ الامان : انت يا طلال عيبك الوحيد عدم تقديرك للاجاويد وخيار الناس عندما يتعريك الغضب واما عبيد ففيه جميع الخصال الحسنه وسيئته الوحيدة هو عظم تقديره للصلبي ساهي اذا دخل في المجلس اقربه حوله وادناه بجانبه .
فقال عبيد : نعم يا عبدالمحسن فهذا رجل طيب وفيه شجاعه وهمة عاليه ونفس ابيه عن الادناس وانشد هذه القصيدة :






طلبـت ربـي عالـم السـر والغيـب
يقبل صلاتـي ولـه يقبـل صيامـي
ويجعل لنا عرض نزيـه عـن العيـب
ويفكنـا مـن شـر ســو الاثـامـي
ابـن ادم ملفـي الخطـا والعـذاريـب
لو مـا فعـل رميـت عليـه التهامـي
جليت عن نفسي شبـا الشـك والريـب
ولا حسب يلقون العـرب بـي كلامـي
وربعي لقوا بي عقب ما شبت انا عيـب
بتسطيـر كتـب مفسريـن الاحلامـي
قلت : اخبروني ويش مغضى هكا العيب
قالوا : علـى ساقـة رفيقـك تحامـي
قلت : ان هذا مـن قديـم لنـا عيـب
مستارثينـه مـن خـوال وعمـامـي
العيب تـرك المعرضـة بالمواجيـب
والا الرفيـق بفزعتـه مـا نـلامـي
رفيقنـا كنـه بــروس الشخانـيـب
فـي راس حيـد نايـف مـا يظامـي
رفيقنـا مـا نجدعـه للقصاصـيـب
يجبـر بنـا لـو مكسـره بالعظامـي
ورفيقنا لو هـو مـن الجـد بصليـب
متجـود مـنـا بــراس السنـامـي
والشـر مـا نسعـى لجـره بتقريـب
ونـذرا الـى هبـت لنـا بالـولامـي
هـذي قدايمنـا الا عــدوا الطـيـب
وكـل يريـع لفعـل اهلـه القـدامـي
ويوم الوغى مـا نستشيـر الزواريـب
لاا طار عـن سـود العيـون اللثامـى
مرطاضنا يشبع بـه النسـر والذيـب
ونروي معاطيش السيـوف الظوامـي
نلحـق علـى سـرد يجنـك جناديـب
بمطارق مـع مثـل صـف النظامـي
يتلـون ابـو بنـدر ربيـع السعابيـب
اللـي علـى ميـره تعيـش اليتامـي
فان سلـم راس مبيـد الكنـس النيـب
حريبنـا مــا يهتـنـي بالمنـامـي
عنوا بهـا ركـاب عـوج المصاليـب
من مصـر الغربـي الـى دار يامـي
شارخ اخذنـا بـه زيـون المهاليـب
وش جاب سطوة مطلب وابـن سامـي




واحب اضافة هذه القصيده التي قالها في معركة بقعاء سنه 1257 هـ :-





يا مـل قلـبٍ فيـه تسعـة وتسعيـن
هجـسٍ وهاجـوسٍ وعـدلٍ ومايـل
يديرهـن دولاب الافكـار تسعـيـن
بالصـدر ينشـر دقهـن والجـلايـل
واصبحت منهن خالـيٍ كـود ثنتيـن
سعدى ومصقولٍ ( 1 ) يداوي العلايل
وخماسيٍن( 2 ) غمقٍ صوابه وجوزين
إلى جذبوا شـروا بـروق المخايـل
يا دارنا مـن جـاك جينـاه عجليـن
بالليـل نسـري والصفـر والقوايـل
فـإن كانهـم عنـا بالانشـاد محفيـن
من الراس مـا يحتـاج رد الرسايـل
حضر الجبل والبـدو نـاسٍ صليبيـن
يتلننـا حمـلات ســود الجـدايـل
جينـا صبـاح وهـم لنـا مستكنيـن
وثار الدخن من حـر صلـو الفتايـل
وحصل لنا عقب المواصل وفا الديـن
وراعي السـف رده عليـه الجمايـل
ومن فضل رب العرش عدل الميوازين
صارت على القصمـان وأولاد وايـل
عجاجة ٍ تجلى صدى القلب يا حسيـن
دبيـلـة ٍ مــا مثلـهـا بالدبـايـل
كـم خيـر ٍ داجـه عليـه الغلاميـن
خلـوا دماغـه عـن علابيـه مايـل
ربعـي مرويـة السيـوف المسانيـن
خلو صفـا بقعـا مـن الـدم سايـل
واللي ذبحت بشذرة السيـف تسعيـن
ايضا ولانـي عـن طردهـم بسايـل
ذبحت أبو صالح صعـوط المجانيـن
واودعـت دم الشيـخ بالقـاع سايـل
واللـي وطينـا مـا تشوفـه محبيـن
والكـذب تنفـاه العلـوم الصمـايـل
جيته بمقدم سربة وقـم الالفيـن( 3 )
كـن الشهـر بـه ديدحـان الماسيـل
جونـا يبـون ديـارنـا والبساتـيـن
يبغـون منزلـنـا قـفـارٍ وحـايـل
يقولون جده يوم صولـة هـل الديـن
قـادو عليهـم ذاهبـيـن الحمـايـل
ودلا على ربعه يسـوق الفراميـن(4)
فيـد عمـاهـم تايهـيـن الـدلايـل
ويصيح مثل البارحه مـا هنـا شيـن
ولا حصل يا كـود قطـع الوصايـل
واليـوم يبغـونـا وحـنـا معيـيـن
نسند بحد السيـف مـن جـاه عايـل
ويلا عطوا حـق الديـار الهزازيـن
فحنا الـى عـدت رجـال الحمايـل
ربعي على حرب المعادي ضريريـن
هـم مـن قديـم كاسبيـن النفـايـل
أغـراه بالمكحـول خـرط الفراقيـن
وعرضاتهـم بمشـرفـات النثـايـل
أطـاع حكـي الذايـدي والسلاطيـن
كـم واحـدٍ قبلـه رمـي بالحبـايـل
نـاسٍ يبـون العـز منهـم ذليلـيـن
وش قال مشعانٍ( 5 ) بهـم بالاوايـل
عند اهله اللي يلبسـون التواميـن(6)
إلى اجذبوا شروى بـروق المخايـل
يتلون عيد الضيف ريـف المساكيـن
الشيخ أبو متعب(7) عزيـز النزايـل
الى سلم راس الشيخ حنـا عزيزيـن
نرجيه من معطي العطايـا الجزايـل
إلى بغا أمـرٍ مـا يطيـع المشيريـن
الحيـد شيـال الحـمـول الثقـايـل
وصلوا على قنديل سكـن الحجازيـن
راعـي المقـام المعتلـى والرسايـل
ومني عدد مـا شمّـع اللبـن بالطيـن
او مـا لبيـت الله تشـد الرحـايـل



1/سعدى ومصقول : سعدى فرس عبيد بن رشيد .. ومصقول سيفه
2/ خماسي ٍ : يقصد البواريد.
3/وقم الالفين : حول الالفين
4/الفرامين : الأوامر السلطانية .
5/ مشعان : هو مشعان بن هذال .
6/ التوامين : السراويل .
7/ ابو متعب : هو الأمير عبداللي العلي الرشيد اخو عبيد .


نفسي تمنيني لرقي السنودي ... من لابه توزي نفوسه على الكود
بحرابنا نرعى الحجر والنفودي ... رغمٍ على الزعلان والخد ممدود
من فوق قحص كنهن الفهودي ... وملبوسنا بظهورهن صنع داود
وبايماننا شغل العجم والهنودي ... وشلف نرهمهن على ركبة العود
ومخيضنا دايم على الضد يودي ... ونصبح على كبده مع الصبح بجرود
والضيف ليا جانا نرحب وزودي ... ونحط له بالعسر من كل ماجود
مستارثينه من كرام الجدودي ... طبع لنا من خلقة الحمد محمود
وأفعالنا عند العدالة شهودي ... وقولٍ بلا فعل على الرجل منقود

[رجل من التاريخ]

وهذه أحدى قصائد الامير عبيد الرشيد ،، وقالها عندما طلب منه أحد ولاة الاتراك فرسه أن يبيعه له ،، فجوابه بهالقصيده يوم يقول







يابيه أنا لكروش* معطي ولا بيع
قبلك طلبها فيصل وابن هـادي*
يابيه لو كثـرت بالقـول ماطيـع
ياحيف تبغانـي أسلـم جـوادي
يابيه مايرهم علـى مثلهـا البيـع
ولا يجي مثلـه بقـودة مهـادي
ما جمع أصله بالقراطيس تجميـع
أصله يعرفونه جميـع البـوادي
باغ(ن) الى مالقموها المصاريـع
وصاح الصياح وثار عج الطرادي
أنهج عليهـا واتعـدى الترارتيـع
مثل الفحل لاصار وقت الهـدادي
وأصلها لعيون بيض(ن) مفاريـع
فوق الحنايـا والسبايـا غـوادي
هذاك بيعـه والصبـاي مفاريـع
بين القنـا ومخفـرات الهنـادي
هذاك بيعه كـان ماتفهـم البيـع
ليامنهن جِلبـنّ بسـوق المـزادي
يابيه أنا ماسمع كلامك ولا طيـع
هرجك مقلة ناظـري والفـؤادي
ياسابقي مانرخصـك بالمطاميـع
حتم(ن) ولو قيل أرفعوا بالجوادي
أبقي الى ثار الدخـن بالزعازيـع
وحطن على عجلاتهن والعـدادي
بيوم(ن) يشيب من حذاه المراضيع
حدن وحاديهن من الخوف حادي
أنطح ورا ربعي وجيه المداريـع
وأقضي عليها دينهـم والعبـادي
وانشد عني وعنها بعاد المفازيـع
هو هرجنـا كذبـن والا وكـادي
من لابة بالحرب ماهـم مطاويـع
ولاتحسب المداس هو العـوادي
حلفت مايطري علينا بهـا البيـع
الا الحشر يفخت سواده سـوادي
ما دام راسي للريـاح الذعاذيـع
بالعون طالبها من النـاس غـادي
وصلوا على محمد خير المشافيع
اللي لنـا يشفـع بيـوم التنـادي




* (كروش ) = وهي اسم فرس عبيد
*(فيصل وابن هادي ) = يعني بهم فيصل الدويش شيخ مطير ،، ومحمد بن هادي القحطاني

[رجل من التاريخ]

لعبيد بعض القصائد الغزلية النادرة ، و هو مقلّ من ناحية الغزل ، و قال هالقصيدة بعد رجوعه من إحدى الحروب البعيدة, يقول ياصف الضلع اللي مر عليه :




لي بأيسره من لابسات العشاريـقخشف يخلط المسك و الزعفرانـي
وش عيشتي لولا رجا ذابل الريـقلولا رجا لامـا زريـف المثانـي
ابو قـرون كنهـن دفـن الهيـقوامجدل فوق المتـن لـه وقانـي
من حط فوق الصدر زين العشاريقحص و مرجـان زهـا بالبيانـي
روض البختري زاهي بالزماليـقو امفلجات بـه كمـا القحويانـي
هي نقوتي من لابسات العشاريـقمن مصر الى غربه لشرقي عماني



( و هو يوصف زوجته بهالقصيده ).



و في آخر أيامه له هالقصيده اللي تَحوي الكثير من الحِكَم . و مثل ماهي عادته يعتزّ بنفسه و يفخر بأفعاله الحميده
و يحق له الفخر و الاعتزاز, لأنه كان قول على فعل :





طلبت ربي عالـم السـر والغيـبيقبل صلاتي لـه و يقبـل صيامـي
و يحعل لنا عرض نزيه عن العيـبو يفكّنا مـن شـرّ سُـو الأثامـي
بـن آدم ملفـا الخطـا والعَذاريـبلو ما فعل رميـت عليـه التهامـي
حميت أنا نفسي عن الشك و الريبولا أحسب إن يلقا بعرضي كلامـي
ربعي لقوا بي عقب ما شبت انا عيبتسطير كتـب مفسريـن الحلامـي
قلت اخبروني يا مـلا وش ذالعيـبقالوا على ساقـة رفيقـك اتحامـي
قلت ان هذا من قديـم لنـا عيـبمستارثينه مـن خـوال و عمامـي
العيب ترك المعرضـه بالمواجيـبوالا الرفيق بطاعتـه مـا نلامـي
رفيقنـا كنـه بـروس الشخانيـبفي راس حـد نايـف مـا يظامـي

[رجل من التاريخ]

عندما مرض الأمير عبدالله الرشيد مرض الموت كان عنده اخوه عبيـد يُواسيـه ، وكـانت زوجـتـ عبيد متوَفيَه ،
وتزوّج بعدها اخـتـها ، ومـن كثـر جلـوس عبيـد عنـد اخوه قـالـوا الـنـاس عبـيـد مايبـي المرَه ، لـكـن خــذاها
عـلـشــان تْراعـي لعـيـال إخـتــها ، وفي ليله من الليالي تأخر عبيد عند اخوه عبدالله ،فأرسلت له ولده حمود ،
وقالت : قله خالتي مريضه وتوِن . راح حمـود لأبـوه وقـال لــه الـخـبـر ، فـرَدّ عـبـيـد بهاللأبـيـات ..يــقــول :




ماهّمني ياحمود لـو ونّـت أمـكولو أزعجَت بالصَّوت بأعلى الوِنيني
ماهمِّنـي ياكـود ونّـات عـمـكالونّه اللى حرّكَـت مَـوق عَينـي
اللى نقل ياحمـود همـي وهمّـكحيد(ن) يشيل الحِمْل ماهو دوينـي
ياما على الأمتان ياحمـود زمّـكوقام يتمشى بـك بهـاك البِطينـي



*** *** ***

هناك من يزعمون بِأنّ عبيد الرشيد - رحمة الله على روحه - بعض الأحيان يجور في حكمه ، ومن اللي يروونه عنه القصيدة هذي عند غزوه لأحدى الديار :




البارحة يوم الخلايق نعوسيحذرت للديرة بسيفن و فردين


إلى أن يقول :



قالت لصيح قلت منتـي عروسـيوالله لصيـح الا بغيتـي تصيحيـن
قالت يجونك قلت مانـي نسوسـيوالله ان يحظر بليس و أنتي تشوفين



و هو هنا يروي قصّته يوم دخل البيت على المره ، وقالت له انها تبي تصيح ان كانه سوّى فيها شي ، قال:
انتي منتي عروس ، وأبصيح بصياح أعلى من صياحك ان بغيتي تصيحين ، قالت له ان قومها يبي يجونك
على صوتها ، قال لها انه مهوب خوّاف و يحتري حظور بليس اذا جوا و هي تشوف .

وأيضاً قالوا إن عبيد الرشيد شُبِّه حكمه بحكم الهزازين بالحريق اللي كانوا جبّارين إذا حكموا .. وإذا غزوا .
يقول:




مادّا حقوق الدار كود الهزازينو حنا ليا عدوا رجال الحمايل



و هو يعني بهذا ان شغل الهزازين في الحرب و السلم هو الشغل المضبوط ,

وتحبّ أن نبيِّن لمن ظنّ أنّ عبيد الرشيد جاير بحكمه .. إنّ عبيد رحمة الله عليه رجل ديّن (صاحب دين وصلاح) .
و الدليل على هذا إن أغَلب كُتُب التفسير والحديث هي أوقاف من عبيد . فمثَلاً .. أول طبعه لتفسير الطبري كانت
مقابلة على نسخة من اوقاف عبيد العلي .

و نترك للقارئ الكريم حرية قبول ما يقرأ، مع التوضيح و البيان ، فمثل هؤلاء الأشخاص المهِمّين ، والمؤثرين
في تاريخ الجزيرة العربية تحتاج سيرهم للتوثيق وأعمالهم للجمع والبحث والتحرِّي عن قصائدهم ، و مدى صِحّة
نسبتها لهم و أشهر قصصهم برواياتها المختلفة ، فلا أظن أن صفحة أو صفحتان تكفي عبيد الرشيد ، أو تُوفيه
حقّه و تنشر الأوضاع اللتي كانت تعيشها الجزيرة العربية في تلك الأوقات, بما فيها من أدب و شعر و قصص تحتاج للمزيد من الجهد لجمعها و تدوينها التدوين الوثيق ، و هذا ما أردنا إيضاحه من خلال هذا الموضوع


يتـبع ...

[رجل من التاريخ]

مواقف طريفه حصلت للأمير عبيد الرشيد ) :

* كان عبيد كأمير وفارس ممدوحاً من قبل شعراء عصره ، وله في ذلك مواقف طريفه
لابأس من أن نورد بعضها ، ومنها ان شاعراً أعمى جاءَ ليسأله "يشحذ منه" جاء يمدحه
فقال عبيد : "سأكافأك بقصيده أجود وأطولَ منها " .
فقال الشاعر:

لاصرت أنا قصّاد و"عبيــد" قصـاد..ما للعمى عند المفتـح حذيّـه !!
( يعني أنا جاي أبيه يعطيني فلوس .. يعطيني بدالها قصيده ) ؟!!

وبعد هذا الرد السريع أمر عبيد له بناقه ، ولما أخذها الشاعر أخذ يتحّسس سنامها ،
فقال له الرجل المكلف بالعطايا : لاتخاف ، إنّها سمينه ، فرد الشاعر : أعلم أنها سمينه ..
فالأمير لايعطي إلاّ السمينه ، ولكنني أتلمّس سنامها لأرى ماإذا كان الامير خبّأَ لي في
شعفة سنامها "خرجيه" من النقود ! فأسرع الرجل الى عبيد اللذي أمر بالإسراع في
وضع النقود لكي لايُكذِّب حدس الشاعر في كرمه .

** ومن مواقف عبيد مع الشاعارات وفود شاعره تدعى "ظاهره الشراريه" من أهل الجوف ..
وقد جاءته مستنجِده من قوم يدعون "السبيلة" اشتروا منها شاةً ورفضوا دفع ثمنَها ولا
المسير معها للقضاء "الشرع" فقالت :




ياعبيد عيّوْا لايجـون السبيلـهعيّوا معي للشّرع ياعبيد يمشون
الحق ظلما ..والمصقّـل دليلـهولاتنقِضي حاجات من يتِّبِع الهون



فمكّنَها عبيد من حقها . ويبدو أن هذه الشاعره كثيرة الوفود على عبيد ، وذات مره جاءت
إليه تشتكي من ابنتها التي كبُرَت ونبغَت في الشِّعر وسابقتها على الوُفودِ على الحُكّام ،
وتعدّتها في الشُّهره فقالت الأُم غيرة :




ياعبيد وحده من بناتـي كوتنـيكوي المريض اللي تجدّد مكاويه
عرّفتها الحكـام ليـن اغلبتنـيالعفو ، كيف الكلب ياكل مربِّيـه
لا واحسايف نقلَها فـوق متنـيغير الرّضاع اللي لجسمه يغذّيه !



ومن الأمثال التي سارت عن "عبيد" أنه كان حوالي سنة1275هـ (1858م) أميراً لحجّاج حائل ،
فمروا بأرض يأخذ أهلها"الخوة_الضريبة"على الحجاج ، ولما جاءه مندوب صاحب الأرض
قال له عبيد: "قل لمن أرسلك أن هؤلاء حجاج حائل وأنا عبيد بن رشيد" ، وبعد فتره عادَ
المندوب ينقل رسالة سيّده وهي :
" كلٍ عبيد بديرته !! " .. فأعجب عبيد بالردّ الشجاع ودفع الضريبة ، وصار قول صاحب
الأرض مثلاً يضرب للإستقلاليّه في الأمور وعزّة كل رجل في بلاده .

[رجل من التاريخ]

الشاعر عبيد معرووف

وفارس تميز بالقوه والشجاعه حتى انه في

احدى المعارك قتل تسعين رجل من اعدائه

دون ان بتعب او يمل وله ابيات يفتخر في هالشي

وله حق بالفخر يوم قال :

اللي ذبحت بشذرة السيف تسعين... ايضاً ولاني عن طردهم بسايل

أجرهم ياحسين جر الخرافين ...خلا صفا بقعا من الدم ســايـل

واللي وطينا مايشوفه محبين ... والكذب تنفاه العلوم الصمايل


وله ابيات يخاطب ابنه حمود العبيد((بهجينيه)) غزليه

يقول فيها:

ياحمود انا عارضي شابي ... طرد الهوى جـزت انـا منـه

ياكـود وضـاح الانيابـي .... هــذاك منــي وانـا منـه

الزين لو هو ورى البابـي .... لازم عيـونــي يراعنـــه

يارب تغفر لمن تابــي .... العبد مطلووبــه الجنــه


الله يرحمه عبيد بن رشيد

[رجل من التاريخ]

نطلب اللي كسا العرش نوره ** جايب النور عقب الظلامي
يجعل العز مفضي نحوره **عقب قطع الفـلا والمظامـي
دار اهلنا تسقي حيوره ** بين سمى واجـا والعصامـي
بالمعـزة طـول شبـوره ** دار نـاس عـدامِ كرامـي
عطرنا عن مروكِ عطوره** من دخن مبعدات المرامـي
كم عدو بـداره نـزوره** نسهـره عـن لذيذالمنامـي
كم عدو نثـره وثـوره ** بالمعـارة وزرق الوشامـي
والمعارة نعشي نسوره ** والحـدا والضبـاع الصيامـي
ياعلي قل للابس خصـوره ** لايلفـي قليـل الرحامـي
وخبره لايحط البخـورة** ولايـرص النهـد والزمامـي
كل درده يحكـك قشـوره** بانـي عقبنـا لـه سنامـي

[رجل من التاريخ]

الأمير , الفارس, الشاعر عبيد بن علي الرشيد , و الرشيد كما هو معروف فخذ من آل جعفر من عبده , أحد بطون قبيلة شمّر. ولد عبيد تقريبا عام 1220 هـ , و يعتبر من أشجع فرسان الجزيرة العربية في ذاك الوقت وكان رحمه الله يعادل طول شخصين .. يقول عنه طلال السعيد في الموسوعة النبطية الكاملة, الجزء الأول : " كان بسيفه يشكل الدعامة الأساس لحكم آل رشيد بحائل, و كان قائدا للجيوش و محاربا صلبا علق روحه على طرف سيفه و خاض المعارك بجرأة و اقدام قلما يوجد لها مثيل و هو من الرجال القلائل الذين امتازوا بالقوة الذاتية و الجسارة و المهارة الحربية منقطعة النظير".

ولد عبيد في زمن كله حروب و اضطرابات , و كانت الحروب على وقتهم مثل شربة الما, أسهل شي عندهم انك تحارب, فما يمدي حرب تطفى إلا و تالع حربن أخرى. و عبيد نشأ على هالحياة و على هالحالة, على صوت الخيل و قرقعة السيوف, اللي خلته يصير فارس و شجاع. يقول في وصف احد الحروب:



أصبحت منهن خالي كود ثنتين *** سعدي و مصقول يداوي الغلايل



و يقصد بـ " سعدي " فرسه , و المصقول هو سيفه اللي يداوي الروس , كقول عنترة بن شداد :



و سيفي كان في الهيجا طبيبا *** يداوي رأس من يشكو الصداعا



و يكمل قصيدته لين يقول مفتخرا :



اللي ذبحت بشذرة السيف تسعين *** أيضا ولاني عن طردهم مسايل

واللي وطينا ما تشوفه امحبين *** و الكذب تنفاه العلوم الصمايل



مادّا حقوق الدار كود الهزازين *** حنا ليا عدوا رجال الحمايل



و في الحرب هذي, يقال ان سيفه المصقول , لصق بيد عبيد من كثر ما ذبح فيه من القوم اللي حاربوهم, ولا قدر يفك السيف عن يده لين حطها بماء دافي.



ولا شك , أن الفارس البدوي, ما يقدر يتخلى عن حصانه لو يعرض عليه الذهب مقابله ما باع, و اللي صار لعبيد, إن أحد ولاة الأتراك طلب منه فرسه " كروش" , فما وافق عبيد, و بيّن ان فيصل الدويش و محمد بن هادي قبل البيه سألوه كروش , بس انه ما يبيعه ولا يبدله لو بغالي الأثمان :



يا بيه انا لكروش ماعطي ولاابيع ***قبلك طلبها فيصل و ابن هادي

يا بيه لو كثرت بالقول مااطيع *** هو كيف تبغيني أسلم جوادي


اما القصيدة هذي, تمثل فلسفته في الحياة و الحياة الي كان يعيشها, و ذهبت أغلب أبياتها أمثال دارجة :



القلب من كثر الهواجيس قزّان *** ما يستريح من الدهر ربع ساعة

يا غافر الزلات يا والي الاحسان *** تجعل من التقوى لنفسي بضاعة

أنا على لان و ربعي على لان *** متخالف رايي و راي الجماعة

مانيب شاري غير بت من الضان *** يقنع باشراك البهم في ارضاعه

و لعبيد بعض القصائد الغزلية النادرة, و هو مقلّ من ناحية الغزل, و قال هالقصيدة بعد رجوعه من إحدى الحروب البعيدة, يقول ياصف الضلع اللي مر عليه :

لي بأيسره من لابسات العشاريق *** خشف يخلط المسك و الزعفراني

وش عيشتي لولا رجا ذابل الريق *** لولا رجا لاما زريف المثاني

و هو يوصف زوجته بهالقصيدة .



و في اخر ايامه له هالقصيدة اللي تحوي الكثير من الحكم. و مثل ماهي عادته, يعتز بنفسه و يفخر بأفعاله الحميدة, و يحق له الفخر و الاعتزاز, لأنه كان قول على فعل :

طلبت ربي عالم السر و الغيب *** يقبل صلاتي له و يقبل صيامي

و يحعل لنا عرض نزيه عن العيب **** و يفكنا من شر سو الاثامي

بن ادم ملفا الخطا و العذاريب *** لو ما فعل رميت عليه التهامي

حميت انا نفسي عن الشك و الريب *** ولا احسب ان يلقا بعرضي كلامي

مات عبيد العلي الرشيد بعد ما عمّر , عاش حياة طويلة مليئة بالانتصارات و الحروب , الله يرحمه .



انتهت حكاية عبيد هنا كما رواها بدر الحمد من كتاب قالت الصحراء بتصرف بسيط

[رجل من التاريخ]

واليكم هذه القصيده لعبيد الرشيد وهي ايضا عن فرسه كروش ولكن هذه المره عندما طلبها حاكم مصر عباس باشا
فرد عليه عبيد وقال :

ما ذقت عنك شي يا طوعة. الرأس ....=.... لو هو من المطعوم شيْ قلايل
ولا درت من سرجك مثامين واكياس....=.... اربع سنين فوق الارباع. حايل
باغ(ن)عليك.. ان فرَعت كل مكياس....=.... وذهلوا مصانيم الدروع الحلايل
أنطح عليه... أوجيه شرابة الكاس.....=.... مع وجه مروين الغلب بالدمايل
حلفت ما تنصين حي(ن) من الناس.....=..... لا بالثمن ولا بدرب .....الجمايل
هم... ويش لو كز المراسيل عباس......=.... ما سلت عن رأس به الزوم طايل
انا ب جا ما سلت عن باقي الناس.....=....لولا المعزة ما سكنا....... بحايل

[رجل من التاريخ]

<b>قصيدة للأمير / عبيد العلي الرشيد يخاطب بن سليم أمير عنيزة :
يابن سليم إن كـان غرتـوا بالاطـرافماتنتـفـع بالطهـبـلـه والتـداهـيـر
لو أخذتوا من زرع ابن جلعـود منسـافومن البقر رحتـوا بعجلـن علـى خيـر
لـو تذبحـون مـن البقـر تسعـة آلافمـاهـن لموتـاكـم بـيـدن حـواويـر
حنـا اليـا غرنـا طعـنـا بــالآلافتلقـا القلايـع مثـل آفــام الخنـازيـر
مـع كسبنـا تلقـا مظاهيـر وعـطـافوتنـعـزل خلفـاتـهـا والمغـاتـيـر
ننصـا المشايـخ مانجنّـب لـلاطـرافكـم نزلتـن باطرافهـا نضـرب الزيـر
عسى بحق أمره علـى النـون والكـافبالوالـي اللـي يعطـي الشـر والخيـر
يرميك واركابـك مـن المشـي وقّـافمايهزمـنـك مهـزلاتـن مقـاصـيـر
وآتيك فـوق اشمّرتـن توهـف ايهـافمـع وجـه جمعـن مايهـاب الطوابيـر
يوم اشتهيتـوا حربنـا عقـب الاحـلافودّي حلالـك مـن ابـعـاد المنـاويـر
وان طعت شوري فاسع باطراف الانصافببضاعتـك واضبـط حسـاب الدنانيـر
أعمـى بـريـده لايــدزك بميـهـافتبتع ذلولـك فـي عمـى سالـف البيـر
واتعـب لمجلّـي الشفاتـيـن بلحـفـافوارقد معـه وادغـث عجـاج المباخيـر
شوري عليك عـن المغـازي والانكـافتـرى ذهـاب النمـل سعّيـه بتطيـيـر
مولـمـن شـقـراه شــاف مـاعـافمـع الغـتـاره عابـيّـن للمصـاديـر
نصيحتـن كـان انـت للنصـح عـرافوان كـان تبغينـا تـرانـا محاضـيـر
دون الجبل نـروي رهيفـات الاسيـافعلـى ظهـور امعسكـرات المسامـيـر
ومتـى يحسّـب نايفـن وابـن حـلافومـن حالفـه قومـه بـرزّ المعـاذيـر
إن ساعـف الله جمعـنـا تـاتـي اردافوتالـي سنتكـم تلعـبـون المشـاويـر
أخوك عن غوجه ارمـي لـه بمعطـافذكّـور مرويـن السيـوف المعاطـيـر
يتلـون مـن هـو للمصاعيـب عسـافاللـي علـى الشـدات يلقـى اليـا ديـر
لـولا مدارانـا قريـب ابــن عـيـافيسقـف عليـك العـج مثـل المعاصيـر
من فعـل قومـن مايحملـون الاعجـافماساقـو الـخـاوه لـعـوج المناقـيـر
وان صاح صياحن علـى راس مشـراففزعاتنـا مـع كـل ريـعـن دعاثـيـر
عملت لك درعـن وهـو جلـد خصّـافتبغى تصوغ القيق سوغـن علـى الكيـر
من صوغهم عجزوا يدانـون الاضيـافاللـي مراجلـهـم بثـرهـا مخاسـيـر
السـور مايبنـى بعيـدان صفـصـافوبالسـوق لايغريـك رقـص الجزازيـر
تمت وصلـى الله علـى طايفـن طـافعلى البيت يرجي من كريم التياسير</b>

[رجل من التاريخ]

وإليك هذه الرائعة من روائع الأمير / عبيد العلي الرشيد (يرحمه الله ) :





<b>يالله ياللي تبدي الخلق وتعيد
واليا بغيت أمرن قضيت المرادي
يالواحد اللي من ترجاك ماصيد
ومن هو بحرزك لايذن مايصادي
جونا وجيناهم وصارت مطاريد
بيومن حصل به مثل يوم التنادي
ياكن جدع الروس حذف الجلاميد
كرامتن للي نصا الجيش بادي
يوم إن بعض الناس كسبه بواريد
ترا كسبنا روس العدا بالعوادي
وردنا برعن عقب الاقفا مواريد
كن يحداهم من ورا الطعس حادي
وردنا بسمحين الوجيه الاجاويد
ونادى لهم من عند ربي منادي
خلوا جنايزهم سوات المجاليد
بصوارمن بايمان غوش الجهادي
يتلون حرّن دايمن يفرس الصيد
خلّى بديد الريش مثل الجرادي
قديم مصرعهم بشر باسق القيد
وأمر لهم والي السما بالحصادي
أطيابهم رمّيو على صحصح البيد
كلن على مضرب نطيحه إيفادي
شكرن لمن حطه بروس النماريد
دوارة الفتنه على غير جادي
وش يطلع المملوك من ولّية السيد
ومن خلقة الدنيا وحيّه يسادي
وعن طلعة اللي فات بشّر بتجديد
وردّه شرايد بيضهم بالحدادي
لعيون حسنا ما تعرف التسانيد
نروي السيوف ون عرّضت بالمعادي
يوم اعترضناهم بزينن وتهديد
عذره يبي منّا يقول السدادي
تاهت بصيايرهم دروب المواريد
ولا لهم من قايد الرشد هادي
وصلوا على اللي مهد الدين تمهيد
ماشيف فجرن مع شفا الشرق بادي</b>

[رجل من التاريخ]

بالقلب من كثر الهواليـس هوجـاس
والنفـس ماتصـرى بليـا دواكيـك
والخلق حكمه عند قـوّات الانفـاس
وحنا تحـت حكمـه عبيـدٍ مماليـك
واحلو لطف الرب من عقب الإيّـاس
ياحلـو تدبيـره بـهـذي وهـاذيـك
يادار ياللي من ورى غر الاطعـاس
لاتحسبين اني على الطـول ناسيـك
انا بشيـر اللـي يديـرك بالافـلاس
وقبله نصحتك عن توالـي محاكيـك
يـادار خليتـك علـشـان عـبـاس
ولغيـر عبـاس فـلا نـي مخليـك
ولاني بحال اللي زعل ساس او راس
إن كان من حضرك والا من بواديك
يادار ماعندي حذا السيـف والفـاس
وقبس ٍ يهـدّم مانبـا مـن علاليـك
الا ان تبعتي ملـة الخلـق والنـاس
وتبتي عن الفايت وعفتـي طواريـك
يادار مايجلى صدى القلب وعمـاس
الا بمنصـور ٍ وربـعـه نفاجـيـك
ارجي برب العرش مع باني السـاس
على شريعة من نهى عـن مخازيـك
ان ساعفت نقول لك يـأم الاجـراس
وبدم مـن يبغـي خرابـك نحنيـك
يابوحمـد لاتكربـك قـوم دربـاس
ولا تزملـك شاشاتهـم والدبابـيـك
ولا بالمثل فزعو لهـم قـوم فـراس
ناتيـك بجمـوعٍ يروكـن تـرويـك
إفهم جوابي واوصله يابـو حـواس
وان وسّـرو وسـرٍ سعينـا بتفكيـك
الحر يستالف على قـرب الاونـاس
ولا ظنتي يستالـف البـاز والديـك
والخيـل ماجتنـا شـرنٍ بالاكيـاس
بوقايـعٍ ناطـى بـهـن المـداريـك
كم نزلةٍ بأشناقهـا نضـرب الطـاس
هثـلات بالبلـدان نقعـد شـواويـك
والحضر بالبلـدان ياكلهـم الحـاس
نـاسٍ خيايـطٍ ونــاسٍ حـواويـك
حنا هل الصولات والحرب والبـاس
ونبّـرك الفسقـان بالقـاع تبـريـك
حنا مشاتينـا علـى كـل عرمـاس
نحايـفٍ ياتـن مـثـل المسـاويـك
وجنايبٍ تبرى لنـا قـب الافـراس
واحلو قول الغوش حيّك على ِحيـك
وصلاة ربـي عـد مانفّـس النـاس
او نبت نبتٍ او سعـى لـه بتفكيـك

[ابـــوحـــــور]

الف شكر اخي العزيز

[ريوف]

مشكور ويعطيك العافيه

[ااالــركـــيــبـــي]

مـــشــكــور اخــوي رجــل مــن الــتــاريــخ






واتــمــنــــي لـــــكــ الــتــوفـــيــــق ,,,,,,,,,,,





ااالـــــــركـــــيـــبـــــي

[ضيغميٍ للسناعيس انتسب]

رحم الله الأميـــــــــــر عبيد العلي الرشيد

فأنت فخر للعرب

شاعر فارس امير دين تقوى عطف شجاع داهيه محنك