[align=center][frame="7 80"][glow=000000]اعزائي الاعضاء ربما اتيت لكم بما سبقني فيه اخواني الاعضاء
ولكن لحبي لشاعري المفضل متعب التركي
هو الذي جعلني اجمع ما استطعت جمعه من قصائده وروائعه العذبه
اخواني تفضلوا معي وتذوقوا من عذوبة اشعاره[/glow]
[poem=font="Simplified Arabic,5,white,bold,normal" bkcolor="transparent" bkimage="backgrounds/26.gif" border="double,4,gray" type=0 line=0 align=center use=ex num="0,black"]
كل حاجه طعمها مـر فـي هـذا الزمـان=هـم هالدنيـا و حنٌـا نعيـش لهمـهـا
المكان اللي عرفنـاه مـا عـاد المكـان=و القلوب.. أحـداث الأيـام زادت غمهـا
صاحبي حتى أنت ما عاد تستاهـل حنـان=أنت بعثـرت المشاويـر و انـت تلمهـا
البكا في مثل هالحال نـوع مـن الهـوان=و المهونـه كـل رجـال حـر يذمـهـا
صاحبي.. لو كان للناس و الدنيـا أمـان=ما تمـوت ورود الأحـلام قبـل نشمهـا
خل عنك علوم الأحبـاب .. واللـي كـان=انتهت..وسيـرة الأشـواق مانـي يمهـا
كلما تظما لياليـك قمـت اكتـب عشـان=تنزف جروحي و الأيـام تشـرب دمهـا
الكلام الموحش يخـاف نـور الشمعـدان=تحتـرق أسمـى معانيـه قبـل يضمهـا
من زمان أكتب على شان تقرا.. من زمان=بس ما شفـت المكاتيـب جابـت همهـا [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/5.gif" border="double,4,gray" type=1 line=0 align=center use=ex num="0,black"]
ذكراك لاهبت يجـي عطرهـا صلـف=واستنشقـه بالصـدر مثـل الخزامـى
إي والله إن غيابهامكـلـف كـلــف=إي والله ان عـروق قلبـي تـوامـى
رمش النواعس والحجاجيـن والزلـف=ياماخـذن قبلـي قلـوب النشـامـى
أمضى من المصقول واسبق من الشلف=سهم الهـوى لوكنـت عنـه اتعامـى
لا يخدعك صبري على الجرح ماخلـف=هالشعر غيـر جـروح قلبـي تدامـى
لي خاطر بينـه وبيـن الشقـا حلـف=ياماعثـت فـيـه المقـاديـر يـامـا
من عاش هالدنيا بلا صاحـب وولـف=عزالله إنـه عـاش عيشـت يتامـى
خل السوالـف والمشاريـه والحلـف=مبطي وأنا علـى الجـروح اتسامـى
قلب(ن)يضيق بذكريات الهوى جلـف=وقلبـي مثـل جـرد القفـار يترامـى [/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="double,4,gray" type=2 line=1 align=center use=ex num="0,black"]
نسيتني علمنـي شلـون ابنسـاك=في هالزمن نسيان الاحباب عـادي
وشلون لامرت على البـال ذكـراك=وطيفك سرق مني لذيـذ الرقـادي
وشلون لا قالوا لي الناس وش جاك=من كنت في لـذة منامـك تنـادي
وشلون اعيش اللي بقالـي بليـاك=لا من غدينا كل واحـد.. بـوادي
لو قلت اداوي جرحي اللي تباطـاك=ماكل جرح يفيـد فيه...الضمـادي
اعلنت حبك ليـن كـل .. تمنـاك=غلطه وغيري من خطاي استفادي
لو لي..مثل قلبـك تمنيت..فرقـاك=واكيد قبلك بالجفا.. صـرت بـادي
حلـوه عذاريبـك وحلوه..مزايـاك=حتى بيوم فراقنـا.. كنـت هـادي
كن الليالي ودهـا تكسـب رضـاك=وآنا يطول مع الليالـي .. جهـادي
في ذمتي.. ماهي غريبـة خطايـاك=مبطي وقلبك لو تنبهـت.. غـادي
سهله على من كان مثلك..وشرواك=مثل الثياب.. يغيرون .. المبـادي
علمنـي اكره..ذكرياتك..وطريـاك=وانسى من الليلة.. صدوق الودادي
ولاني بقايل عقبها ..وين ابالقـاك=راضي لو ان جروح قلبي .. جدادي
ولا القصايد.. جعلها مـن فدايـاك=لبستها..مبطي ثيـاب ..الحـدادي
باكر على المخطى يدورن الافـلاك=ونشوف.. من يصعب عليه البعادي [/poem]
هذى قصيده فى الملك عبدالله بن عبدالعزيز حينما كان اميراً
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="double,4,gray" type=1 line=0 align=center use=ex num="0,black"]
هذاك عبدالله ليـا طـوّح السيـف=وقام يتلامع بيـن اصابـع سمـوّه
بـرقٍ مـن عاليـة نجـد للسيـف=كـلٍ يخيلـه ويتبـاشـر بـنـوّه
ولى عهد المملكه سمـح ومخيـف=سمحٍ على شعبـه مخيـف لعـدوّه
يشوف من عاداه له شى ماشيـف=ونشوف بـه حنّـا حنـان الابـوّه
مثل الجبل ماشال هـم العواصيـف=مثل البحـر حتـى هـدوءه يتـوّه
نسل الزعيم اللى نصل سيفه رهيف=اللى قبس من مشعل الشرع ضـوّه
عبدالعزيز اللى على امتـه ريـف=مامات لين احيـا شعـور الاخـوّه
لولاه ماصرنـا ربـوع ومواليـف=ولولاه حاضـر هالجزيـره مشـوّه
من غير عبدالله يغيث الملاهيـف ؟=يلقون فيه ضعـوف الاسـلام قـوّه
أدناه فى عرف النشامى مشاريـف=ويطـاول نجـوم الثريـا بـجـوّه
نايف على روس الشواهيق ومشيف=عنـده لشعبـه والعروبـه حمـوّه
ياسيدى تسلم لنـا ظـل ومريـف=بينك وبين الشعـب عهـدٍ وخـوه
اى والله أعشق سيدى مابها زيـف=ومـن لايحبـه مابقلبـه مــروّه
والله لو إن الله خلق روح للسيـف=مايركـد الا بيـن اصابـع سمـوّة
[/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="double,4,gray" type=0 line=0 align=center use=ex num="0,black"]
دليل المحبه شوف عيني عليك تغـار=ولا ودي الحاسـد عيونـك يطالعهـا
مع إنك رحلت بعيد لكن بقى التذكـار=ليا شافته عينـي تسابـق مدامعهـا
دفنت الغرام بخافقي والقلوب أسـرار=مشاعر هقيت إن الليالـي تضيعهـا
فرحت برجوعك ماطلبت لخطاك اعذار=ونفسي نست ماجرى من تواضعهـا
تهادت مشاعر خاطري لك بلا معيـار=تجاهلتها لـو كنـت خابـر دوافعهـا
يقولون جنّب درب مالك معه معبـار=يلومون نفسٍ بعد الاحبـاب موجعهـا
يقولونها قبلي يخـون البحـر بحّـار=والأمواج لاهاجت خذت ماتبي معهـا
تكاثرت منك الصد وأثر العلوم كبـار=لقيتك على نفسـي تقلّـب مواجعهـا
أقوله وأنا اللي شفت ذاك الغلا ينهار=يشوف الندم رجّال نفسـه يطاوعهـا
مثل ماضرب جّوٍ خلا غـادي محتـار=يدّوج ورجله مادرى ويـن موقعهـا
تعرض سموم القيض والدار مامن دار=هليك وشعر بالموت روحه ينازعهـا
جحدت الغلا لين امتلا بالخفوق وثـار=قصايد عساها اليوم تطرق مسامعهـا
غرامك مثل نارٍ حطبها الغـلا النـار=تموت وغلاك اللـي بقلبـي يولعهـا
غلاك بضميري واضحٍ ماعليه غبـار=تشيل الغلا نفسي وأنا عاجز امنعهـا
يقولون ماودعّك : قلت الفراق وصار=والإنسان روحه تنسلب مايودعهـا !
هذيك الليالي وين أثـر الزمـن دوار=خذاهـا ولاظنـي زمانـي يرجّعهـا
طوتها السنين ولا بقالي سوى التذكار=ليا شافته عينـي تسابـق مدامعهـا
غرامك مثل نارٍ حطبها الغـلا النـار=تموت وغلاك اللـي بقلبـي يولعهـا
غلاك بضميري واضحٍ ماعليه غبـار=تشيل الغلا نفسي وأنا عاجز امنعهـا [/poem]
[poem=font="Simplified Arabic,5,red,bold,normal" bkcolor="transparent" bkimage="backgrounds/8.gif" border="double,4,gray" type=1 line=0 align=center use=ex num="0,black"]
هذا الخبر صدمه وحزن وعلامـه=على محبّـة كـل الامـه لخطـاب
هذا الخبر والهـم هـذى خيامـه=شرّع للأحزان النوافـذ والابـواب
ألحقت من جاب الخبر لى ملامـه=صعبه على الانسان توديع الاحباب
البارحه غابت عن العيـن قامـه=قامة رجل زلزل قناعات واحـزاب
ترجّـل الفـارس وذب العمـامـه=واستقبل الموت بحفاوه وترحـاب
ترجّل بصمـت ووقـار وصرامـه=حتى وفاته شى يدعـو للأعجـاب
من يعتبر فقـدان كفـه وسامـه=أكيد ماهو لحظة المـوت مرتـاب
وجه واهو مسجى بدر فى تمامـه=ميت ولكنه واهـو ميّـت مهـاب
أومت له كفـوفٍ تمنّـت سلامـه=بكته الامه قبـل تبكيـه الاقـراب
خطاب ماهو بس رمـز الشهامـه=خطاب نجمٍ فى سما الامه وغـاب
حر شهـر والطلـع دار الكرامـه=والحر مايعنيه تحليـق الاسـراب
فعله فرض على الجميع إحترامـه=واسمه ملا الدنيا بطوله واهو شاب
ماكانـت الدنيـا مثـار اهتمامـه=بالعكس كان لنصرة الدين وثـاب
لو كان يبحث عن نفوذ وزعامـه=كان امتلا صدره نياشين والقـاب
الاخره كانت علـى طـول امامـه=فى هالزمن خطاب واشباهه اغراب
اختـار بديـار الجهـاد الاقامـه=ومن كان هذى رغبته لازم يثـاب
واختـار بالاسـلام ذروة سنامـه=الصبح ساحة حرب والليل محراب
يكفيه فخـر ان الشهـاده ختامـه=ماحسّب لدنياه ولعمـره احسـاب
يارب تغفـر لـه وترفـع مقامـه=وتعظّم أجر إمـة محمـد بخطـاب
[/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/45.gif" border="double,4,gray" type=2 line=1 align=center use=ex num="0,black"]
هب الهوى غرب واجتاح الضلوع وشعرت=إن الليالـي الجميلـة هـب نسناسـهـا
مـدري كبـر حلمنـا ولابعينـي كبـرت=والاهي اوهـام ودي يصـدق إحساسهـا
تنسانـي أيـام وتجينـي متـى ماذكـرت=اليا متى وانت روحـي حابـس انفاسهـا
كنت أجمل احلام عمري بس ليه انكسرت=يازيـن الاحـلام iiلوماينكسـر باسـهـا
بيديك مديت لي كـاس المحبـه وصـرت=أنا اول اللي يـذوق المـر مـن كاسهـا
من يومها وانت قدام عيني و لو ما ظهرت=دايـم وعينـي تشوفـك بيـن جلاسهـا
قدرت ولا علـى نفسـي معـك ماقـدرت=لازاد عنهـا غيـابـك زاد وسواسـهـا
لوشفت حال الورق والشعرعقبك عـذرت=اللي حـرق صفحـة الماضـي وكراسهـا
ماكنت اصدق يجي يوم ابتسـم لانظـرت=أطـلال ركـب الليالـي مـر ..ماداسهـا
والاأنت لوقلت لي نادم وجيـت اعتـذرت=كان اجمل ابيات شعري ينحنـي راسهـا
مافيه داعـي توصينـي تـراي اعتبـرت=فرقاك ذكرى وشعـري علـق اجراسهـا
يكفيني البارح إني فـي عيونـك سهـرت=وقفت بيـن العيـون السـود وانعاسهـا
إن رحت ماأنت اول اللي راح وان حضرت=قلـت الليـال الجميلـه هـب نسناسهـا [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="outset,4,gray" type=0 line=0 align=center use=ex num="0,black"]
لا يا علي الوضع هذا ما يناسبنـي=قله يفارق ترى لي بـان تزييفـه
يروح يبعد..وثم يرجـع يقربنـي=يبيني اتبع هواه واخضـع لكيفـه
يخطي..ويزعل ويرجع لي يؤنبنـي=اسكت وانا اسمع تفاهاته وتخريفه
ماني بتمثال وقت الضيق ينصبنـي=عنه اتلقى خطا غيـره وتهديفـه
عذروبي اللي يعرفه مـا يعيبنـي=كتاب مكشوف واضح فيه تحريفـه
الموقف اللي حصل بالحيل متعبنـي=ولا يحاول بثوب الكـذب تلحيفـه
قله فراقه ترى ما عـاد يرعبنـي=ما عاد يسوى بعيني(ربع تعريفـه)
انغام عزفه ترى ما عاد تطربنـي=عندي تساوى برود شتاه مع صيفه
مانـي معاتـب وقلـه لا يعاتبنـي=جوي تعكر ولا اطلب منه تلطيفـه
نهر العطا جف قلـه لا يحاسبنـي=القلب مما علق به صعب تنظيفـه [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/20.gif" border="double,4,gray" type=1 line=0 align=center use=ex num="0,black"]
هذى اللى غلاها مايبى قـول قايـل=هذى اسباب غيضى والرضا والهيام
لك بقلبي غلا واعجاب ماهو بزايل=لو عن الارض زال طويق والا سنام
كن دمع العيون اللي على الخد سايل=صافي الما وهو يسقى ورود الخزام
راوي العود لاقاصر ولاهو بطايـل=ينعرف زولها لو هي بوسط الزحام
هذى رسومها بين الضلوع النحايل=هذى اللى على صدر القصيده وسام
الاصايل يجنّك مثل أهلهـن أصايـل=والوكاد إنّهـا منهـن بليّـا كـلام
يوم فلّت على الخصر النحيل الجدايل=وإستدارت خجل مدرى تصنّع غرام
عودها مال لو هى ماتبيـه يتمايـل=ماهو بكيفها من ليـن ذاك القـوام
واقف وكن رجلى فوق جرف متهايل=للجمال بعيـون العاشقيـن إحتـرام
قلت فى خاطرى مانى عليها بعايـل=لكن القلب سابقنـى بـرد السـلام
مانى اللى حذف عند الزناد الفتايـل=يومها ولّعـت نـاره تغطّـى ونـام
واجد الزين عند الحاضره والقبايـل=شفت واجد ومرّنى مـرور الكـرام
بس هذى وصايفها علوم وهوايـل=كنّها قطعةٍ من نـور بـدر التمـام
ياكثر ملحها والا الحلا لـه دلايـل=حورٍ عيونها والخشم سلّـة حسـام
كن ذيك الخدود بـروق ماتنتخايـل=لا كساهن شعرها شفت برق وظلام
تعسف الخيل ونفوس البشر تنتحايل=مير خيل القصايد مايطيـق اللجـام
إنتحيت ولقيت القلب مامن صمايـل=كل ماذعذع الغربى من الشوق هـام
ياكثر مانى من الشوق والحب شايل=من عشق مثلها وشلون بالله يـلام
هذى اللى حلاها مايبى قـول قايـل=ماهى أول غلا لاشك مسك الختـام [/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,4,red" type=2 line=1 align=center use=ex num="0,black"]
مدرى البارحه ويش إفتكرت وسرحت=هى طوارى والا ان هموم قلبى ثقـال
هى طرتلى قديم الذكريـات ولمحـت=زول والا الحكايـه كلبوهـا خـيـال
هجّن ركاب فكرى بالمشاعر وصحـت=منهو اللـى تغافلنـى وفـك العقـال
ضقت والبال عمس ومنقلب فوق تحت=هى من شوى يوم تفوح صفر الـدلال
ودى افرح ومن مبطى انـا مافرحـت=ودى القا عن شموس الحبايب ظـلال
كم سنه عقب مركوز النهد مافتحـت=قلبـى ولا عيونـى للغـلا والجمـال
لو بغيت انتهز فرصات واجد ربحـت=كانت اجمل فرص عمرى تنادى تعـال
ماهـو بعيـب لازلّيـت والا جنحـت=منهو اللى بلغ فينـا حـدود الكمـال
وانت ياللى عن حدود المحبه نزحـت=كل ماشد لـك حيلـى تشـد الرحـال
ماشكيتك لو انى من جفـاك انذبحـت=وانت شف حكمة الخالق ذبحك الدلال
لا تقول انك بذاك التصـرف مزحـت=يوم سويت فى هاك النهـار احتفـال
ماهجيتـك ولا كنـى ابـد مامدحـت=كلبوهن عقب هالعشره اكبـر محـال
صاحبى دام انا منك وعليك انجرحـت=لاتجينى على درب الخطـا والخمـال
تدرى انى تحمّلت الكثيـر وسمحـت=خابر ان التسامح من كريم الخصـال
ليه تفهم غلط وشفيك لبعيـد رحـت=ماطلبتك تشيل الهـم يابـن الحـلال
ماشغل بالـى الا يـوم افكـر بنحـت=القصايـد واحفّظهـا قلـوب الرجـال
قالوا انى بترويض القوافـى نجحـت=قلت اجل كيف لو بزعل وامس الحبال
لو تخوّفت من درب الخطر مافلحـت=مايهـاب الصعـاب الا ردى العيـال
عكس تيارهم شفنى جزمت وسبحـت=ماحرصت انى اترك للتراجـع مجـال
لو طموحى قريّب من زمااان استرحت=مير خابر محلى فـوق روس الجبـال [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/23.gif" border="groove,4,gray" type=1 line=0 align=center use=ex num="0,black"]
رغم التعب والتناقض منزلك عالي=لو كنت في خطوتك تكثر تعاريجـك
عنيد لكن عنادك حيـل ..يحلالـي=ولو كان للعند تاج اعلنت تتويجـك
لكن ترفق وشوف وجيه..عذااالـي=تفرح..تايد صدودك لي وتحجيجـك
يكفي تشوف بعيونك ثوبي البالـي=اللي تمزق تحت قسـوة كرابيجـك
حزيـن رددت للاحـزان مـوالـي=وانت إتغنى فرح واسمع اهازيجـك
لا زلت احبك..ولكن وعد..يالغالـي=لابد..اوقف دعاباتـك وتهريجـك
وإن كنت مهر ..ولا روضك خيالي=جيت وعلى جثتي عسفك وتسريجك [/poem]
[poem=font="Simplified Arabic,5,white,bold,normal" bkcolor="sienna" bkimage="" border="ridge,4,darkred" type=0 line=0 align=center use=sp num="0,black"]
مرفوض ياللى بعت غيره عشانـه=أزريت عن رد الجزا أو تهاونـت
مابي لك أكثر سد بـاب الميانـه=بانت مع الوقت الخفايـا وبينـت
مادام مالى وسـط قلبـك مكانـه=أنا بعد مثلك عن الحـب هونـت
أنا مثـل خيـال خانـه حصانـه=عذره يقول من الرسن ماتمكنـت
غرّه مع المركاض وارخى عنانـه=مخطى وانا غلطان يوم انى امنت
لو كنت وافـى ماتخـون الامانـه=ياللى تقول تشيب روحك ولا خنت
ذاك الهوى لو ماشعـرت بحنانـه=ماكنت فى حلو القصايـد تفنّنـت
شاعر تزلزل مـن فراقـك كيانـه=لك يعترف مايسكن القلب غير انت
لو كان قلبك صافـى الـود خانـه=فى ذمّتى ماهان حبّـك ولا هنـت
أحدٍ يخون وواحد الوقـت خانـه=أنا ترى الثانى وألاوّل تراه أنت ؟ [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="groove,4,gray" type=1 line=0 align=center use=ex num="0,black"]
حسي بلوعـات الليالـي والاحـزان=بعديـن حسـي بالهـوى لا بغيتـي
وش به يهمك لو يقولـون زعـلان=لو فيـك ذره مـن الغـلا ماجفيتـي
يالي تقوليـن الخطـأ زلـت لسـان=فـي زحمـة الايـام ليـه اختفيتـي
خطاي وان جه مدري الذنب وش كان=ليـه انتهـى ذاك الغـلا وانتهيتـي
وقفت في وجه الزمن قـدر الامكـان=وانتي جنح فيـك الخيـال وغفيتـي
غلطان انا في كل الاحـوال غلطـان=اسرجتلك خيـل القصيـد وسريتـي
جيتي وقلت الجرح يوم اقبلـت هـان=وانتي على الجرح القديـم ارتكيتـي
قلتي لـي الحـب ان لابـد ينصـان=واليـوم ماكنـك دقايـق هويـتـي
شافوك حساد الهوى شوف الاعيـان=يومك على رجـم القصيـد رقيتـي
ما بان لك شي ولا بقا شي ما بـان=بس انتي اللـي غافلـه مـا دريتـي
العام لك طاري بقلبـي ولـك شـان=واليوم احـس بغلطتـي لا طريتـي
وان قدر المولى وعشتـي بحرمـان=ومن حر لوعـات التجافـي بكيتـي
تذكري قلب(ن) لـه سنيـن شفقـان=شوفي بحقـه ياكثـر مـا خطيتـي
كل القصيد اللي اقولـه علـى شـان=تهزك الذكـرى عقـب مـا نسيتـي
[/poem]
[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
زى لون الطيف وألوان الفـراش=الهنـوف اللـى شغلنـى صدّهـا
إن بكت جا دمعها مثـل الرشـاش=وإن تبسّـم ثغرهـا مـن قـدّهـا
وإن حكت كن بشفايفهـا رعـاش=الخجـل عـن سالفتهـا لـدّهـا
والطيور اللى جفت حضن العشاش=ليتهـا خـلّـت بقـايـا ودّهــا
عقبها كل الغصون أمست نشـاش=خاليـه عقـب الوناسـه خـدّهـا
كل قلبٍ فـى ذراه الحـب عـاش=فيـه طيبـه زايـده عـن حدّهـا
والقلوب إن فارقت صارت هشاش=موحشـه والذكـريـات تشـدّهـا
رفرف البرق وزِمَت بيض الدشاش=وامتلا مـن صافـى المـا عِدّهـا
مابنيت بيوت شعرى من قشـاش=ليـه أخـاف إن الريـاح تهدّهـا
والهجوس اللى من الفرقا عطاش=ترقـب نجـوم السمـا وتعـدّهـا
يوم شق النور من ليـل القمـاش=شفـت حبّـة خالهـا فـى خدّهـا
القصيـد لمثلـهـا ولأّ بــلاش=لو تبى عمـرى حشـى ماردّهـا [/poem]
حدثت مشكله بين الشاعر متعب التركي و الشاعر شبيب غزاي
المطيري وجـاءت قصـيـدة الشـاعـر شبـيـب معـبـره عــن المـوقـف
وهـــي
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا مست جرح علـل القلـب تعليـل=واشعلـت نـارن مايطفـي لهبهـا
يامتعـب التركـي ترانـا رياجيـل=لامن تلامس قدحهـا مـع حطبهـا
ما نختفي في لحظة(ن) تعدل الميـل=ذاك النهـار يبيـن صافـي ذهبهـا
يامـا ويامـا قـد شربنـا فناجيـل=غصب(ن)على اللي قالته ماحسبهـا
لخصامنا يحسب حساب(ن)وتحليـل=واللـي يسـوي قهوتـه ماشربهـا
ناخذ مـن العـدلات للعـوج تعديـل=سلـم لاهلـنـا مـانـود نشبـهـا
لاهل الوفـا نعطـي ولافيـه تذليـل=طبع الرجال جمـال نأمـن غضبهـا
ونقدر الطيـب ولـو مـده ابخيـل=مادام لـه بالـراي سهم(ن)كسبهـا
هـاذي حقيقـه ماتبـي اي تبديـل=كـل(ن)ورى حقـه يـدور سببهـا
ومن واقع الدنيـا لقينـا الغرابيـل=ولا كل نخله ينوكـل مـن رطبهـا
ولو ما انت غالي ماتحملت بالجيـل=ورفعت شعري يمكـم فـي نسبهـا
دعوة وفاء ماهي تضاهـي وتطبيـل=يرجـي وراهـا لقمة(ن)يغتصبهـا
حكايتـي نخـوة عـزه وتبجـيـل=وعلوم طيب(ن) قـد كلينـا شببهـا
وشرهة رجال(ن) مابها سلك تمثيـل=متمـيـزه شيطانـهـا ماغلبـهـا
وعندي على ماقلت شرح(ن)وتفصيل=يومن بعض النـاس عنـي حجبهـا [/poem]
وجــــــــاء رد شاعرنا العذب
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شبيب مس حبالها واسرج الخيـل=خيل القصيد اقبل شبيـب يهذبهـا
زعلان والغالي لو يحـط ويشيـل=هديت نفسه لين يقضـي عتبهـا
ماتحمل بعض المواضيـع تاجيـل=ان طولت قالـوا رفيقـك لعبهـا
يابوفهد قلبي لك اصفا من النيـل=مكانتـك بيـن العيـون وهدبهـا
لا يا بعد من يعشقـون التهاويـل=ناس(ن) على ما لون تفتل شنبها
معروفة الهزله مـن ايـام قابيـل=محد(ن) من طوال الشوارب غلبها
وان كان جابوها لسوق الجماميـل=طاحت بكبد التاجـر اللـي جلبهـا
باكر يشوفون العرب طلعة سهيـل=لوراعي الغيره عيونـه عصبهـا
خل الذلول اللي لفت تالـي الليـل=لو ينثر كـل الـذي فـي قربهـا
مـادام وردت الجمـال المناهيـل=مافيه داعـي ياشبيـب تغصبهـا
واللي بغى يقطع حبال المواصيـل=ما حلهـا ميـر المغفـل كربهـا
حلحيل بالهرجه وبالصملـه حليـل=سرد السوالف خبرة(ن)مكتسبهـا
تلقاه باكر لا نحدروازبـد السيـل=يرثع بقش بيوتـه اللـي نهبهـا
والذيب مايستنفـره ناعـم الذيـل=ومن يدمـح الـزلات مايرتكبهـا
وان راحت الخوه بليـا محاصيـل=عند الله أرجي خيرها واحتسبهـا
مااذكر على المقفي بعثت المراسيل=وكفى حبـال المنتحـي ماقضبهـا
والشـك لامنـه لقالـه مداخيـل=كل على الثانـي ذلولـه شعبهـا
مير انت صبرك والوعد بالمقابيل=ومثلي يموت وكلمتـه ماسحبهـا [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/29.gif" border="double,4,gray" type=0 line=0 align=center use=ex num="0,black"]
يانفس هيدي لاتزيديـن الاوجـاع=كافي من الدنيا نشـوف العجايـب
ماني على من صد ضايق ومرتـاع=لاهو مـن الغاليـن والا القرايـب
لاصارمابينـي ولابيـنـه نــزاع=ولاجيتـه بزلـه ولا علـم خايـب
حق الرفيق اني نهيتـه ولا طـاع=والراي مابه فـرض والا غصايـب
يومه غدى بينت له كل الاوضـاع=ماقلت اخلي سايب الوضـع سايـب
ناديت له لكـن تجاهلنـي وضـاع=صد وعلى عمياه سـاق الركايـب
اقفاعلـى رايـه ولافيـه مرجـاع=مثل السحاب اللي قفتـه الهبايـب
للعلم بين الناس مدخـل ومطـلاع=واللي يجّود حامض العلـم صايـب
من ينطح المويه ولاعنـده شـراع=ان عاش يرجع من هك الموج هايب
والعاقل اللـي لاخطايرجـع بسـاع=يسترجع ولاياخـذ الـراي عايـب
واللي يصير لرغبة النفس مطـواع=لابـد مايلقـا العنـا والمصـايـب
والناس مختلفه لها اشكال واطبـاع=بعض المعارف عرفهم لك نشايـب
بالناس من يلبس على وجهه قنـاع=حسود لكـن فـي ثيـاب الحبايـب
هذاك مانـي فـي مخـاواه طمـاع=من قبل اجيه وخاطري منه طايـب
والا الرجال اللي لهم بالوفـا بـاع=وقفاتهم تبري الجـروح العطايـب
واللي لفاك بحـزة الضيـق فـزاع=مادار وجهه عن سمـوم ولهايـب
ماصد يوم انك من الوقـت ملتـاع=ماغاب يوم ان اكثرالنـاس غايـب
هذاك تشرى خوتـه كيـف تنبـاع=هذاك من شانه تهـون الصعايـب
قلته وانا مالي ورى هرجي اطمـاع=علـى افراقـه لاتصيـر السبايـب
اسمع مادام الصوت ياصل للاسماع=ان تبت ولا ياعسـى منـت تايـب
مادامها صارت حـزازات واتبـاع=مالـي ومـال مدوريـن الطلايـب
واعرف تراها لو شكت ثقلك القاع=مصيرها تركـز عليـك النصايـب
[/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="solid,4,gray" type=1 line=0 align=center use=ex num="0,black"]
وين هالغيبه عسى ماهي إفـراق ..=ليـه تبخـل بالمجـي خلّـك كريـم
خابر ان الجرح لا صابه حـراق ..=مـا يفيـده طــبّ والله العظـيـم
ينشدوني وين من رمشه دقـاق؟ ..=قلت مدري ذاك خبـري بـه قديـم
الغلا راعيـه لـه قلبـن رقـاق ..=لو جفيته صـارت ضلوعـه هشيـم
لو زعل لو شال غيضه واستضاق ..=مـا يخرّبهـا وجرحـه بالصمـيـم
ادمـح الـزلاّت زلاّت الـرفـاق ..=خصّ لا من صـار راعيهـا حشيـم
واكره الخـوّان كرهـي للعـراق ..=واعشق الوافيـن عشقـي للقصيـم
عند اهلها غاليه وضـح النيـاق ..=وانت عندي يمكن اغلا يـا وسيـم
ان بغيت افراقنـا هـاك الفـراق ..=وش نبي بالحب دام الحـب ضيـم؟ [/poem]
[poem=font="Simplified Arabic,5,white,normal,italic" bkcolor="transparent" bkimage="backgrounds/21.gif" border="double,6,blue" type=2 line=0 align=center use=sp num="0,black"]
خذ كل القصايد لا تضايقت واقرى=شف وش كثر فيها لبسماتك اشتقت
اثر الوفا ينبـاع عنـدك ويشـرى=ما كنت اصدق فيك واليوم صدقـت
صحيح بعض الناس فرقاه بشـرى=وبعض البشر لا غاب ليله تضايقت
لا طافت الفرصه تحريت الاخـرى=وتروح ما كنـي عليهـا تشوقـت
اشوف لك من وين ما اروح ذكرى=ولا شفتها صديت عنهـا ودنقـت [/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/50.gif" border="double,4,tomato" type=0 line=0 align=center use=ex num="0,black"]
يا ابو محمد افطـن وانتبـه للكـلام=كيف ميت منه,, واليوم جرحك كبير؟!
لا تتعب اركابك شف اللـي يريحيـك=ما تاقف الدنيا على فـراق عشـاق
حتى بوداعك ما قدرت اني اجرحـك=رمح القوافي ماجرح بيـض الاوراق
بالهون عطني لـو دقايـق بوادعـك=خـل الـوداع برغبتـي واختيـاري
مبطي وانا شايف جفـاك وتسرعـك=يا طول بالي يوم اشـوف انتظـاري
اتبـع هـواك وروح مانـي بمانعـك=دام انت عبد لكـل نـزوه وطـاري
ضحيت بالواقع على شـان الاحـلام=وضحيت بالغالي على شـان غالـي
حتى الغرام اللي كسـر قلبـي العـام=مانـي بحالـه كـان ماهـو بحالـي
ماينحسب عمـر البنـادم بالاعـوام=بعض السنين نعيـش فيهـا ليالـي
وجه التشابه بيـن وجهـك والايـام=القلـب خالـي والليالـي خـوالـي
ياليت مجروح الهوي جرحه يشـاف=لقول قـرب مـن جروحـك وشفهـا
متى ذكرتيني علـى شـان تنسيـن=خليـك مـره صادقـه وانصفيـنـي
في وقت واحـد تكرهيـن وتحبيـن=انـا تعبـت استحملـك واعذرينـي
حبٍ سرق من عمري ايـام وسنيـن=مثـل الهـوا مايمسكـنـه يديـنـي
احلى سنيـن العمـر راحـت هدايـا=لك يامجازي بالردى راعـي الطيـب
لي فـي حياتـك ذكريـات وخفايـا=تبقى ولو باكر غزا راسـك الشيـب
ولا الوفـا مالـه بقلـبـك بقـايـا=عند الذي مثلك اظـن الوفـا عيـب
اليا نشدوك العرب وش بينك وبينـي=قولي حياتي قصيده كـان شاعرهـا
علمتنـي وشلـون اصيـر انعزالـي=واخذت مني راحـة النفـس والبـال
اتعب وغيري يجي ياخذ على الراحه=من حظ غيري وانا اللي زارع وساقي
البسي لك ثوب غيـر اللـي عليـك=من لبس ثوب الغـرور اكبـر غبـي
تحسبين النـاس خاتـم فـي يديـك=من متـى والعاطفـه توخـذ سبـي
فز لك قلبـي وانـا قمـت احتريـك=والكريـم يصيـر لضيوفـه صبـي
استحمليني لو زعـل منـي الكـلال=بحـر يدفـن موجتـه فـي ضفافـه
[/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/14.gif" border="solid,4,gray" type=1 line=0 align=center use=ex num="0,black"]
الموت هيـن البـلا وش ورا المـوت=عند الحسـاب يهـون سهـم المنايـا
باكر نموت وتصبـح قبورنـا بيـوت=وعقـب القصـور بضيقـات الزوايـا
في جوف الارض وكل من حولك سكوت=وتعاقبـن بالقبـر عــوج الحنـايـا
يـارب يامنجـي نبيـك مـن المـوت=سترك وعفوك يـوم كشـف الخفايـا
باكر اليا جينا علـى داعـي الصـوت=شيبـان واطفـال وشبـاب وصبـايـا
ندعـي وحنـا بيـن باكـي ومبهـوت=ورحنـا لهـا ننقـاد مثـل السبـايـا
يـارب تهدينـي قبـل لحظـة الفـوت=وتغفـر ذنوبـي ياكـريـم العطـايـا
اشكيك هـم داخـل الصـدر مكبـوت=وأيامـي الــي بالخطـايـا مـلايـا
أن لاذ بك من كـان طايـع ومبخـوت=فـي مـن يلـوذ المرتكـب للخطايـا
يـارب ياقـادر علـى كـل طاغـوت=لا ياقـف اللـي وحـدوبـك خـزايـا
رحماك لامنـا صحينـا مـن المـوت=واليـا وقفنـا عنـد بابـك عـرايـا [/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="solid,4,tomato" type=0 line=0 align=center use=ex num="0,black"]
رجع بي طاري الذكر على ذيك العيون السود=وأنا اللي قلت ماعاد الهوى يطري على بالي
تناسيتك وشفت الشوق في قلبي عليك يـزود=اثرني مانسيتك بـس مـن همـي يورالـي
غديت وطاري الذكرى سواة الملح والبـارود=ليامنه قرب لي ثار شوقـي وانقلـب حالـي
تجي وتروح لكن في ضميري باقي موجـود=على حد السراب اللي زمـا طيفـك تروالـي
تمر الثانيه في حسبه الساعه على الموعـود=اجل ربي يعينك لاغدى راع الوعـد غالـي
سهيت ولا وعيت الاوقلبـي للغلـى مشـدود=تنبهت وبغيـت الحـق عليـه ولا تهيالـي
وانا اللي خابر كل العلوم ونقصهـا والـزود=أضيع في موازين الحكـي لا شفتـك قبالـي
اسامح وادري اني بالجفا مبطي وانا المقصود=وانا اللي لو من اولها جفيتك يمكن اشوالـي
على هونك توقا ماهي بكيفـك نعيـم العـود=تحاسبني وانا اللي راحت ايامي على الخالـي
حرام تضيع من عمري ليالي مالهـا مـردود=تعابيـر الشماتـه شفتهـا بوجيـه عذالـي
انا ماني بعاجز لو بجازيك الصـدود صـدود=يضيق المنزل بغيـري ولا غيـرت منزالـي
كريم النفس حتى بالمشاعر لاعطـاك يجـود=على كثر العطايا مانشدتـك ويـش يبقالـي
تمهل واعرف اللي راح لا يمكن عليك يعـود=خذاه الوقت لاتستنقض المبطي مـع التالـي
ابقطعها حبالك لو بها حبـل الرجـا معقـود=وابلقا عن مقيلك بالسعه لـي فـي وظلالـي
[/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/25.gif" border="double,4,gray" type=2 line=0 align=center use=ex num="0,black"]
ليل هاك الجدايل طـال مسـراه=بين تفسير حلـم وبيـن امانـي
يوم حد الغلا قلبي علـى أقصـاه=شرع القلـب بيبـان المحانـي
مارمانـي ولكـن قلبـي أدمـاه=عـاد وشلـون لامنـه رمانـي
لانقـض ليـل مجدولـه وخـلاه=قلت وش هالظلام اللي غشانـي
لو يمر البحـر شاطـي شفايـاه=صار بحر الخليج فـرات ثانـي
وين ابلقاه مدري ويـن ابلقـاه=دامـه بكـل ذره فـي كيـانـي
ادري انه نسى الموعد ولاجـاه=بـس ليتـه نسـاه ولانسانـي
لو عيونه بحرهـن ماركـد مـاه=شط الاهداب صار اجمل موانـي
يكفي انه حفظ شعـري وغنـاه=وابتسملي وقـال ادري عشانـي
كل ماترتسم بسمه علـى شفـاه=اشعـر انـه يجاملنـي زمانـي
ليه احبه واحب اسمـه وطريـاه=يوم اخذ دم قلبـي وش عطانـي
غاب وان شفت نفسي قادر انساه=قلت ربي كتب لي عمـر ثانـي [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/11.gif" border="double,4,gray" type=1 line=0 align=center use=ex num="0,black"]
هاك ذكراك من ذكراك ويش أستفيـد=كافـي أن المشاعـر هايمـه كلـهـا
ودي انساك والنسيـان ماهـو اكيـد=كيف ابنسى عيون(ن) رمشها ظلهـا
من هك اليوم وانت اللي بعيني وحيـد=ماخبرت العيـون تمـل مـن خلهـا
مير نفسي عزيزه وانت رايك عنيـد=والنفـوس العزيـزه ماتبـي ذلـهـا
ليه تعطيني الدافـع واقـول القصيـد=ليه صفحـه غرامـي ترجـع تفلهـا
ليه ترجع على الماضي تزيـد وتعيـد=وانت من عـام الاول عاجـز تحلهـا
مابرى الجرح الاول كيف يبرى الجديد=شوف حالي نزيف جروحهـا سلهـا
كل ماشفت لك ذكرى وربـي شهيـد=كـن نـزاع روحـي بالحفـا تلهـا
اندفعـت لغرامـك يالغـزال الفريـد=والغـلا لـه دروب خاطـري دلهـا
فرحتـي بالقـا رغـم انهـا ماتفيـد=فرحـه القـاع لامـن المطـر بلهـا
وش بقى يالسراب اللي قريب(ن) بعيد=المحبـه وراحـت وانتهـى حلـهـا
لو كـل بكيفـه ياخـذ اللـي يريـد=كان ماشفت ناس تموت فـي غلهـا
هاك فرقاك خذها خـل قلبـك شديـد=خلهـا ماشيـه بحمولـهـا خلـهـا
كـل مـازاد تعذيبـك ذنوبـك تزيـد=الله اعلـم صلاتـك باطلـه كلـهـا
[/poem]
[poem=font="Simplified Arabic,5,black,bold,normal" bkcolor="sienna" bkimage="backgrounds/23.gif" border="double,4,darkblue" type=1 line=0 align=center use=sp num="0,black"]
انتهينا وصار اكبـر خطـاي الوفـا=انتهينا وعنـد الله جـزاي وجـزاك
تختفي وانت خابـر جرحنـا ماخفـا=كلهم شايفين الجـرح وانـت بعمـاك
قلبي اللي صفالـك ماللغيـرك صفـا=جاك من طيبه وعاف الهوى من رداك
القدم من طويل الـدرب مـل وحفـا=والنظر طاح من دونك وسـرب وراك [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="groove,6,orange" type=1 line=0 align=center use=sp num="0,black"]
اخر اللي سمعته فـي نهـار الـوداع=دقت القلب مدري صوت عجل الخطاوي
نايف الطـول وش سوابـي الانقطـاع=صار بين الضلوع القلب كنـه فـداوي
بيني وبين ضحكـات السعـاده نـزاع=كني اللي قضى عمره طريدن جـلاوي
لا تلوم الذي سـوى لـك المستطـاع=خف من الله وخل جروحنا بالتسـاوي
عن هذيك النواعس ليه شلت القنـاع=الحيا وين يلي طول عمـرك حيـاوي
كن خـدك الطاهـر بـروق وشعـاع=اثرها رحمة(ن) للناس بعض الغشاوي
وش يفيدك عذابي ياغريـب الطبـاع=ليه دايم على الملتاع سيلـك نحـاوي
امتلي غيض وازعل يوم وارجع بساع=راعي الجرح يستحمل عذاب المـداوي
غالطونـي وقالـوا ليـش هالاندفـاع=ادوخوني عليـك مكثريـن الحكـاوي
عذربوك بوجـودي بالجفـا والخـداع=فيك حلو الوصايف صوروها مسـاوي
التزمت السكوت ورأيهم فيـك ضيـاع=لين قالوا متعـب علـى البعـد نـاوي
ميت القلب عرضـت الغـلا للضيـاع=والله اني على قطع الرجا بك مـراوي
ماتغيرت ليـن انـك لويـت الـذراع=تحسب اني على الهجران ماني بقاوي
لوتقول انت ماعقب الفـراق اجتمـاع=عندي اليوم كل اللي تقـول متسـاوي
او يقولون صار يخاف قلـب الشجـاع=من هك الليله وبيت القصيد امتهـاوي
بين شقر الجدايل والعيـون الوسـاع=اذكر اني فقدت القلب فـي هالحـراوي [/poem]
اهداء لكم وهي رد على شاعرنا الاعلامي الكبير شبيب غزاي
[poem=font="Simplified Arabic,5,black,bold,normal" bkcolor="transparent" bkimage="backgrounds/5.gif" border="solid,4,gray" type=0 line=0 align=center use=ex num="0,black"]
هلا هلا يامرحبـا فيـك ياصـاح=حي الذي حلو البيـوت ابتكرهـا
يامرحبا حشمه وتقديـر وانصـاح=والا المعزه يـا شبيـب تخبرهـا
الصاحب اللي من عذب الهوى ناح=حتى لذيذ النـوم عينـه هجرهـا
شبيب يشكي واقعن ليتـه امـزاح=اوليت رجله عن دروبه قصرهـا
شطيت للبحر الحمر وانت سبـاح=ياللي ضرب سبع البحور وعبرها
يشكي من اللي رمشها سهم ذباح=خرس العيون اللي يسره نظرهـا
ابعد من حدود الحديثه عن ارماح=واقرب لعينه من دموع(ن)نثرهـا
غابت وطول غيابه صار فضـاح=وابوفهـد رغـم البطـا يفتكرهـا
هاذي علامات الغلا وانـت لمـاح=مافيـه داعـي بالغـلا تختبرهـا
لو تسبق الغيمه معاصير وريـاح=يطيـح كلـه لا تناثـر مطـرهـا
مادام ضوح بروقهـا بالسمـا لاح=شد الرحايـل يمهـا واختصرهـا
هيضتني وانا بعـد كلـي اجـراح=خليتني لاجلـك غديـت انتظرهـا
وشلون انا يرتاح بالـي وينسـاح=نفسي وش اللي يا شبيب ايعذرها
ماني من اللي ينطح الموج برماح=وان شاف زلت صاحبه ما سترها
لك حق اخلي كايـد الهـم ينـزاح=كان الليالي مـا عطتنـي ظهرهـا [/poem]
[poem=font="Simplified Arabic,5,black,bold,italic" bkcolor="transparent" bkimage="backgrounds/24.gif" border="double,4,gray" type=0 line=0 align=center use=ex num="0,black"]
ليـه وطيـت عـن خيـل السـروج=ليه مديـت عقـب القـراح الهمـاج
لا تجمل لي الغلطات والعـوج عـوج=يضحك احجاج او ينعقد لـي حجـاج
اصبر اشوي وش علمك تهوج وتموج=ميت القلب مثلـك مايعـرف الهيـاج
ماتعـودت اجامـل معتليـن البـروج=الزم العلم قبل يصير هرجـك سمـاج
المشاعر تحي مثل المعاصيـر هـوج=ونت مالك على هوج الرياح احتجـاج
جيت وقلوب حسادي تميـل وتـروج=لا صفى جوهم ساعه قفـاه العجـاح
ابتسم لك وهمي فـوج يقفـاه فـوج=من يحبك لزوم ايصر مثلـك هجـاج
بس قلي ونا غلطان لـك ومحجـوج=وين يلقون لجروح النواعس عـلاج
القمر غاب وانت اطفيت نور السروج=قلت يكفيك نور الوجه الاصبح سراج
كن بين الضلوع العوج صفقات مـوج=يوم فاض الغلا والشوق والقلب هـاج
ضيقة الصدر لو بين المحاني تلـوج=كل ضيقة لها عنـد الكريـم انفـراج
ماهو الغيض سبت كل ابو هالهـروج=بس مالي على بعض السوالف مـزاج [/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="none,4,gray" type=1 line=0 align=center use=ex num="0,black"]
ماني اعمى بصير بس وش عاد اسوي=مايطيب الجريح ان كـان ماينتـداوى
كن حبه على حدب الضلوع امتطـوي=كيف ابقوى وانا بيباني قلبي تهـاوى
شوف قلبي من جروح البعاد متكـوي=عقب ماقلت جرح الاعم طاب وتشاوى
يوم ساقوا ركايبهـم وشبيـت ضـوي=ماتخوفت وسباع الخـلا لـي تعـاوى
اشهد انه تعكر عقـب مـاراح جـوي=مانسيتـه وزولـه للعيـون يتـراوى
زل وقت الوعد ماعـاد فيهـا تـروى=بس انا وانت ياحرف القصيد انتخاوى
قلهـم ياقصيـد لايروحـون تــوي=ماني الي حضوره مع غيابه تسـاوى
رد عنـي علومـن ماتونـي عـدوي=قلهم متعب التركـي عليـل وتـداوى
[/poem]
[poem=font="Simplified Arabic,5,green,bold,normal" bkcolor="transparent" bkimage="" border="outset,4,gray" type=1 line=0 align=center use=ex num="0,black"]
لاتنشغـل فينـي أنابحالـي ادرى=قلبٍ تعلّق فيك ينسى مـع الوقـت
اكثرمن اللي صارلي ويش يجـرى=بين الرجاوالياس فكـري تعلّقـت
مثلي ولوشفته عن همومـه ازرى=ماقال ليتك في جروحـه ترافقـت
هاك القصايد لاتضايقـت واقـرى=شف وشكثرفيها لبسماتك اشتقـت
أثرالوفا ينبـاع عنـدك ويشـرى=ماكنت اصدق فيك واليوم صدّقـت
يامشتهي فرقا المواليـف حـذرى=تبعد وأنا من سكرة الحب مافقـت
لاطافت الفرصه تحريت الاخـرى=وتروح ماكنـي عليهـا تشوقـت
ساري لو إن الليل مافيـه قمـرى=اشيل من حمل الهوى فوق ماطقت
لاصارحـظ أقشروالايـام قشـرى=مافيه احد عاقل يلومك إلياضقـت
صحيح بعض الناس فرقاه بشـرى=وبعض البشرلاغاب ليله تضايقـت
ليتك خذيت بليل الاحباب مسـرى=غربت من كثر الطواري وشرّقـت
السيل يبقاله على القـاع مجـرى=ويبقالـك التذكارلوكنـت فارقـت
اشوف لك من وين مارحت ذكرى=ولاشفتها صديت عنهـا ودنقـت
ماكل جـرحٍ لاخـذا أيـام يبـرى=بعض الجروح يزيد شره مع الوقت
[/poem]
[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ماقلت لي شـي وش خليـت ماقلتـه=اسكت وخل الكـلام لجرحـي الدامـى
لوغيـرك اللـي يسولـف ماتحمّلتـه=لكن على شان عينـك هانـت ألامـى
للحـب مفهـوم عمـرك ماتخيلـتـه=ماأظن يستوعبـه تفكيـرك السامـى
هذا الفراق الطويـل وهـذي أسئلتـه=هذا حصـاد السنيـن وهـذي أيامـى
يامـا ويامـا عليـك البـال طولـتـه=والعمرعدى وأنا عايش على أوهامـي
حتى طريق الفـراق اللـي تساهلتـه=لقيته أصعب على نفسي مـن أقدامـى
اصبرلـي شـوي لودمـي تثاقلـتـه=بحاول أستوعب اللـي صـار قدامـي
الحب ضحكـة بعينـك بـس ماطلتـه=عمرك بهالكون شفت أبسط من احلامي
القلب لوماخفـق لـك كـان ماشلتـه=ولوماأنت ملهم قصيدي جفت أقلامـي
هـذا قصيـدي بعينـك لـو تجاهلتـه=يزف على شأن يروي قلبك الضامـى
العـام طـاري غيـابـك ماتقبلـتـه=واليوم حرماني أصبح مصدر إلهامـى
لاتعتذرلـي وابنسـى كـل ماقلـتـه=وش ينفع العذر لامن ضاعت أيامـى ؟ [/poem]
[glow=0000FF]القصيدة التالية قيلت بعد ان منََََََ اللة عليه بالهداية وعسى الله يثبتة ويهدينا.[/glow]
[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
ماهـو خطاعشـان ادور معاذيـر=ولاهوغلط عشـان ادور صوابـه
اليوم تـوه عـود لوكـره الطيـر=واصبح يشوف العالم اكثر رحابـه
مستغربين انه ملى قلبـي الخيـر=ليه الغرابة! وين وجـه الغرابـة؟
تعبـت ادور للخطـاوي مشاويـر=ليـن التعـب زاد الليالـي رتابـة
يبكي فرح من شاف بعض التباشير=معـذور لـو دمعـه يبلـل ثيابـة
من كنت بأول خامسة طفل صغيـر=كنت امتلي حزن وغموض وكأبـه
كنت أشعر اني غير والمدرسه غير=هيمان في جو النبـي والصحابـة
كنت المح بوجـه الليالـي تعابيـر=وأقراء همومي قبل أعرف الكتابـة
والشعر غاااب وله محبة وتقديـر=اول غيابـه شلـت هـم لغيـابـه
بالنفس كان لبعض هالأمر تأثيـر=والليلة اهون من جنـاح الذبابـه [/poem]
[poem=font="Simplified Arabic,5,white,bold,normal" bkcolor="coral" bkimage="" border="double,9,sienna" type=0 line=0 align=center use=ex num="0,black"]
مفتوح باب الرجى لو هب مليون ريـح=والريح ماتاخذ الغرسـه مـن عروقهـا
القوس مكسور والرامي يقـوم ويطيـح=والسهـم منعـاج والايـام خازوقـهـا
لو لبسو ساقط الهرجه ثيـاب المديـح=قلنـا سحابـة وبلـة يابـس حلوقهـا
ياحادي الركب لا توده عليـه وتصيـح=ماعاد هـي سالفـة ليلـى ومعشوقهـا
مديت شوفي وشفت الكون رحب وفسيح=والارض حدر المواطي والسماء فوقهـا
مادام عين الرضا ماها هماج وشحيـح=ابتبـع الغيمـة اللـي رفـة بروقـهـا
مدري عن المقبلة لكن عسى الله يبيـح=اللي تهـز القلـوب وهزنـي شوقهـا
غنيت للحب ولسـان المحبـة فصيـح=والبدو سبـة غناهـا ضيقـة خلوقهـا
باكر يروح الشتاء والثلج قصره يسيـح=مايفضح الثلج غير الشمس وشروقهـا [/poem]
[poem=font="Simplified Arabic,5,white,bold,italic" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
يا سعود لا تنشد ترى مانـي مجيـب=خل الذي خافي لـه شهـور.. خافـي
إن شفتني مغتاظ.. لي حق و مصيـب=يا سعـود مزعلنـي جديـد اكتشافـي
الغالي اللي كـان مـن قلبـي قريـب=بيني و بينه.. صـار مثـل التجافـي
إن قلـت زلـه.. مثلنـا زلتـه عيـب=من قال لك شمس الضحى مـا تشافـي
إن قلت هقوه.. يمكن تصيب و تخيـب=كم لي سنه .. ما شفت فيه اختلافـي!
و إن صار في نفسه بعض شكة و ريب=حتى البحر ما هو على طـول صافـي
صرنا من الصده .. سوات المصاويب=كلن نقـل جرحـه و قـال: امتعافـي!
أصعب فراق.. فراق عكف الأشانيـب=مـا هـو مفـارق لابسـات الغدافـي
و الذيب لا منه عوى.. جاوبـه ذيـب=و العلم حامض.. بس وين الأشافـي؟
دامه لقى لـه غيـر قلبـي معازيـب=الله يسمـح درب هــاك السنـافـي
يروح.. لا يرجي رسـول و مكاتيـب=هو خابر إنـي.. مـا اتلفـت خلافـي
واللي تعلـى فـوق روس المراقيـب=أكيـد مـا تسقـى عليـه السـوافـي
رح بشر اللي _شال شلفـا_ تريحيـب=قلـه: تـراهـا كلبـوهـا عـوافـي
اليوم نفسي طابـت.. و باكـر يطيـب=جرحي.. لو انه مـن يديـن المشافـي
خلصت.. و الدنيا دروس و تجاريـب=سجل يـا بـو عبدالعزيـز اعترافـي [/poem]
[poem=font="Simplified Arabic,5,black,bold,normal" bkcolor="sienna" bkimage="backgrounds/43.gif" border="solid,4,darkblue" type=1 line=0 align=center use=sp num="0,black"]
قالوا حبيبك يسمع الشعر قلت أيه=يقـراه بعيونـي قبـل تسمعونـه
لولاه حتى طاري الشعر ما ابيـه=مير أكتبه من شان خاطر عيونـه
هو روح شعري وأمنياته وماضيه=جذع الشجر وش كان لولا غصونه
اكتب لغيره والقصايد تجـي فيـه=كن القصايد حالفـه مـا تخونـه
هذاك لا منه زعل قمـت أهاديـه=حتى وهو مخطي تعـذرت دونـه
يمكن لو أنه يلمس الجرح بيديـه=يستغرب ان اللي لمسهـا طعونـه
ابطى وهو غايب وزلت حراويـه=وأنا من العـام آتحـرى مزونـه
هو مادرى اني في غيابه محاتيـه=ليته نشد عن حالي اللـي يجونـه
واقلبي اللي توه أفلـت عراويـه=كيف انسرق وضلوع قلبي حصونه
عجزت أرده كان مانـي براعيـه=يوم انتثر شوقه وهاضت شجونـه
يبسن عروقي لكن اللـي يعزيـه=ان اكثـر العالـم تـردد لحونـه
خافو من الله لا تجيبـون طاريـه=لا صرت أنا موجـود لا تذكرونـه
لو كـل غالـي جابـه الله لغاليـه=ما شفت لك مخلوق تبكي عيونـه
[/poem]
[poem=font="Simplified Arabic,5,black,bold,italic" bkcolor="transparent" bkimage="backgrounds/11.gif" border="double,4,gray" type=0 line=0 align=center use=ex num="0,black"]
يوم طاب السهر عيت تطيـب النفـوس=جت من الله وانا كـم كنـت محتاجهـا
كنها مـن حلاهـا كـل ليلـه عـروس=خايفه مـن عيـون النـاس واحراجهـا
حي هالطول يـا زولٍ عسـاه محـروس=مـن عبـث لوعـة الايـام وازعاجهـا
تزعل نفوس ولا تمتلـي غيـض روس=من يقـرب لهـا وضلوعـي سياجهـا
لي متى وانت يا شوق القلوب محبـوس=طالـت السالفـه وابطيـت بعلاجـهـا
جعل قلبن على نـار الغيـاب محمـوس=يحتـرق بيـن صاليـهـا ووهاجـهـا
من خبر له غلا بين الضلوع مغـروس=غرسةٍ كل ابـو شعـري مـن انتاجهـا
لا تقرب لك الفرقـا هذيـك الهجـوس=من متـى والبحـور تفـارق امواجهـا
لازم اصبر على وجه الزمـان العبـوس=لين سـود الليالـي يضحـك احجاجهـا
من بغى يقطع الفرجه يعـاف الجلـوس=ليـن ياصـل نهايتـهـا ومخراجـهـا
كان شعري قصر ما طال شمس الشموس=تستريـح القصايـد داخـل ادراجـهـا [/poem]
[poem=font="Simplified Arabic,5,darkred,bold,italic" bkcolor="transparent" bkimage="" border="double,4,gray" type=2 line=0 align=center use=ex num="0,black"]
توديع الأحباب مثل الموت له سكره=ادمى جروحي وشق الصدر منيّـا
والقلب طير ضلوع الآدمي وكـره=لأشاقـه الطلـع لاسلـم ولاحيّـا
مصير الأحزان تنسانـي وتفتكـره=ماكل الأيام بيض وسمحـة محيّـا
قل غيرها ماأنت لامجبر ولامكـره=لاصار ماهي غلا ماأبي لك حميّـا
لو في يدي شي ماقلت الوعد بكره=حزمت حدب الضلوع وقلت لك هيّا
لو كل غالي يجي دايم على ذكـره=ماصرت اشوفك هناك وحبك هنيّـا
ياليتني لابغيت اكره قـدرت اكـره=ماكان قلبي ليا جيت اكرهـك عيّـا
مادامك معيف رح لكن على فكـره=ماقلت لي ليه دمعـك سـال منيّـا [/poem]
[poem=font="Simplified Arabic,5,orangered,bold,normal" bkcolor="transparent" bkimage="backgrounds/21.gif" border="solid,4,gray" type=0 line=0 align=center use=ex num="0,black"]
البارحة مدري وش اللـي خذانـي=يوم اجنبوا عني من الضيقة اشملت
جيـت أتكلـم بـس عيـا لسانـي=ماكني إلا مرتكب ذنـب واخملـت
الله يسامح مـن ذكـرت ونسانـي=وأنا أدري إنـي لاذكرتـه تجملـت
عانيت وأدري كـل طيـب يعانـي=وعلى حساب طعوني الخضر جاملت
ياماخذوا منـي ولا احـدأ عطانـي=من طيبتي في حق نفسي تساهلـت
عـزاي لامنـه تجهـم زمـانـي=يممت وجهـي للكريـم وتوسلـت
واللي يبي قربـي وبعـدي لقانـي=أمشي على وضح النقاء ما تختلت
يامن سكنت اجمـل زوايـا كيانـي=ياما على نفسي عشانك تحاملـت)
مرات احس انك معي شخص ثاني=ومرات احس انك حبيبي وما زلـت
لاتفرح انك دجـت بيـن المحانـي=لو ماتخون الذاكـره مـا تسللـت
عشان ماضيك الجميـل وعشانـي=حاول تشيل من الوفا ربع ماشلـت
ماني على خبـرك حبيبـي ترانـي=حتى عن اصغار الامانـي تنازلـت [/poem]
[poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="groove,4,gray" type=0 line=0 align=center use=ex num="0,black"]
قبل اسافر وتنسى جيت اسلـم عليـك=جيت ابي عمري اللي من يديني غـدى
ضاعت اجمل سنيني من عمايل يديـك=اكذب ان قلت راحت لاجل عينك فـدى
فرصة العمر قالوا لا غدت مـا تجيـك=جتني اكثر فرص عمري وضاعت سدى
جرب الخوف مره حـس بـه يعتليـك=وارفع الصوت ماتسمع لصوتك صـدى
تدري اللي ذبحني قولتـك مـا ابيـك=مابقالـي لثـاري لـو بغيتـه مــدى
ما هقيـت المشاعـر كلهـا ترتجيـك=قل لها بالمفـارق منهـو اللـي بـدى
هاك دمعة عيون(ن) باكيـه تشتكيـك=هاك ريح ضمير(ن)ما استراح وهـدى
ما تناظر عيونـي زول هـذي وذيـك=ما يهز المسامـع اسـم ريـم وهـدى
قلت ماعادلي رغبـة وشوفـات فيـك=قلت يا نفس طيبـي يفرحـون العـدى
قلت عايف ونفسـي بالخفـا تشتهيـك=عزة النفس تدري طيب ما هـي ردى
خل عينك تهـل دموعهـا وش عليـك=انت خدك ورود ودمـع عينـك نـدى [/poem]
[poem=font="Simplified Arabic,5,white,bold,italic" bkcolor="transparent" bkimage="backgrounds/3.gif" border="double,4,black" type=0 line=0 align=center use=ex num="0,black"]
ضايق البال مايستانس الحالـه=وانت لاغبت عني كني الحالـي
جتك الاشواق رجليـه وخيالـه=غير الاول تحمل شوقي التالـي
ليت من قال متعب خابت امالـه=شاف بعيونك الخدرات منزالـي
واحدأ فيك ماهو منشغـل بالـه=اشهد انه بها الدنيا هو السالـي
راوي العود يزهالـك وتزهالـه=عاد من يقدر ايلومه إليا مالـي
صاحبي والقصايد فيك مختالـه=وأنت لك حق فيهن يوم تختالي
دام نفسك لحب الشعـر ميالـه=ليه ماصير شاعر وانت في بالي
من تمناك لاتنشد عـن احوالـه=كيف عقب العسل يستطعم الحالي
عقبك النفس مذعوره ومهتالـه=سود الايام هزت برجي العالـي
لكن القلب من يمك على حالـه=في تناسيك ليه اكذب على حالي
قلت لك نعمة النسيان00 زواله=ذكرياتك بعضهـا قـام يبرالـي
كل مامرني طيفـك علـى فالـه=قلت يامرحبا في ريحـة الغالـي
شلت همك وهمي ماحـدأ شالـه=كن قلبك غدى ياصاحبي خالـي
إبتعدنا وكلـن راح فـي حالـه=بين هالناس لكن كنـي الحالـي
وش طرالك بعثت اليوم برساله=وانت لك عام ماعبرت مرسالي
أصـل الايـام رحالـه ونزالـه=ومن شرب مرها يشتاق للحالي
ضايق البال مايستانس الحالـه=وانت لاغبت عني ضايق(ن)بالي
قبل أعوذمن الشيطان وعيالـه=والله انك على أغلا من أعيالـي [/poem]
[poem=font="Simplified Arabic,5,white,bold,italic" bkcolor="transparent" bkimage="backgrounds/37.gif" border="groove,4,green" type=2 line=1 align=center use=ex num="0,black"]
يا وسيع البـال .. ضيقـت الصـدور=رحت ما علمتني وين انـت سـاري؟
في غيابك.. مـا لخلـق الله حضـور=وفي حضورك.. ما لهم بالبال طـاري
ليـه مـا تختـال يـا بـدر البـدور=و القصايد لك وصيفـات و جـواري
لـك بنـات الفكـر ربـات الخـدور=يكشفن الثامهن.. و الجـرح عـاري
جعل قلـب مـا مـلاه الصـدق نـور=عند وجه اريح.. مـا يلقـى مـزاري
التغاضـي عجـز لا طـال القصـور=ليه أداري؟.. و انت عني منت داري؟؟
الزمـان قصيـر .. والدنيـا تــدور=كل يوم يضيـق فـي عينـي مـداري
صاحبي محتاج لـك شعـر و شعـور=و إحتياجي شي.. ما كـان إختيـاري
من متى و الغصـن يختـار الطيـور=من متى و البـال يختـار الطـواري؟
لا تسمي صمتـي البـارح .. غـرور=إنكساري خلف هالصمـت امتـواري
في غياب الشمس وش ذنب الزهـور=و المطر لا شح وش ذنب الصحاري؟
اللقـا لحظـات و الغيـبـه شـهـور=تقصر الخطوات و يطـول انتظـاري
لو قريـت المنكتـب بيـن السطـور=ما كتبـت لغلطـة العمـر اعتـذاري
صمت هالمينا.. مثل صمـت القبـور=ما رسى مركب.. ولا لاحت صـواري [/poem]
[/frame][/align]
رد مع اقتباس
