اهدي الي بعدك ولي تحبه بيت شعر

[ااالــركـــيــبـــي]

الطيب ساسى وساس ابوى من عومرى الناس

والحمدالله ورثينه بعز وكرامه ورفعة الراس

[ريوف]

أحبك كلمه سوت على جدار
الخفوق نقوش...
أحبك دمعه سالت على خدي
تواسيني ...
أحبك في زمان كنه دروب
مظلمه ووحوش..
أحبك رعشه بجسمي إذا لحالي
تخليني ..
أحبك ماهي بعطر على كتاب
الشعر مرشوش ...
أحبك خنجر بصدري وإذا شلته
يأذيني

[ااالــركـــيــبـــي]

القلب يشكى من صمت وسكوت الحبايب

[ريوف]

ياعيوني ضاقت بي الدنيا بدونك
وابحرجك هي عادي الدنيا (بدوني)؟؟

[ااالــركـــيــبـــي]

حلهاا دام الامر بيدك دخيلك

[ريوف]

روح الله يسامحك
ما عاد باقي وقت للتفكير
إنت الخاين بإحساسك
وأنا قلبي الطيب الكبير

[ااالــركـــيــبـــي]

صدمتى بدنيااااا

[ريوف]

أنت علمني وش معنى النهايه ؟!

في حياه إنسان / عايش ب الأخير ؟!

[ااالــركـــيــبـــي]

يقول اللي جرح قلبه حبيبه
وجرب لوعه الحب ولهيبه
الا ياويل منهو عاش مثلي
صويب القلب والحاله تعيبه
سنين اطوال راحت من حياتي
وانا محتار وجروحي عطيبه
اسير بشوق خلٍ مارحمني
ياليت اللي سطا بقلبي يصيبه
تركني وشمت العذال فيني
عنيد الراي مايرحم صويبه
يقولون اترك الزين وغرامه
حبيبٍ خان ودك وش تبي به
واقول المختفي محدٍ درابه
عسى من لامني به يبتلي به
انا مدري علامه مايبيني
صحيح الزين عادته غريبه
قبل سنتين يتمنى وصالي
يبي قربي وحبي ويهتني به
واشوف اليوم انا اتمنى وصاله
سمع صوتي وعيا لا يجيبه
انا لا قلت تكفى شوف حالي
ابي كلمه تهون لي المصيبه
يردد كلمته ويزيد ناري
(انا مابي غرامك ماهي غصيبه)
انا وش حيلتي بللي ظلمني
وظلم قلبي وهو من اول حبيبه
على فرقاه رددت الغناوي
ابي يسمع قصيدي ويعتني به
ولكنه رفض يسمع كلامي
وانا الدمعات لعيوني قريبه
انا وش فادني ترديد شعري
مدام الحظ قصر لا يجيبه
مسحت بدمعي ما خطت ايدي
بعد ماكانت ابياتي عجيبه
وضاع الشعر ويا الحب مني
وبقا مبداي الاول ينتهي به
واقول اني نسيت الهم لكن
يقول اللي جرح قلبه حبيبه

[ااالــركـــيــبـــي]

بس سؤال وصارحيني.....كل الناس مثلي
أو أنا وحدي.....همومي تسري فيني

جاوبيني.. يا دنيــــــاا ...!
انتظر منك جواب جاوبيني ...؟

[ريوف]

تبي الصراحه انا ماعندي قلب


اعيش واموت وادور لحظت حل

[ااالــركـــيــبـــي]

ياترى غيبتك نسيان

وإلا غيبتك قسوة

وإلا ياترى زعلان

وإلا صرنا مانسوى

[ريوف]

ماني مثل غيري اجي مع دقت الاصبع


انا مهره بلا فارس عجز من يروضها

[ااالــركـــيــبـــي]

المحترم يفرض علي إحترامه = وانا خويه لو يطيح بزمهرير
قدره على راسي سواة العمامه = وفالقلب له منزل وحشمه وتقدير
وانا حزامه لا تمالا حزامه = ونذر ٍ عليه مايشوف التعازير
الطيب في وجيه النشامى علامه = أهل الشهامه والدلال المباهير
أغلي واعز اللي بعيد ٍ مرامه = واللي صموده كنه طويق والنير
واكرهك ياراع الردى والرخامه = ياللي على الخيبه تسوق التباشير

[ريوف]

اقولك شي

لينتني وانا الذي كنت قاسي
طوعتني وانا الذي كنت مااطيع
عهد علي لاسقيك من مر كاسي
واجرعك كاس الندامات تجريع

[ااالــركـــيــبـــي]

بعض الناس تكون فرقاه بشرى ..
ويمكن عند البعض بفلوس تشرى..
وبعضهم لا غاب صار له داخل القلب ذكرى ..
لكن غيابك أنت جرح داخل القلب مستحيل يبرى
وينك يابعد عمري مابي غيابك على البال يطرى
كم تمنيت يكون لنا بجوف الليل مسرى
انت تدري ان حبك صار له مع الدم مجرى
والقلب من غيرك على العيش مايقوى
من هو غيرك يشوف حبه داخل عيوني و يقرا

[ريوف]

يآجرح لو تلتهب مآهو على كيفك ..-
آلحآجه آللي تذل آلنفس مآ أبيهآ
يآجرح لو في خفوقي مآكنٍ سيفك ..--
آل ع زه آللي برآسي منت قآويهآ
يآقلب يآللي جروحك من موآليفك ..!
نآس سعت في عذآبك ليش تغليهآ ...؟

[ااالــركـــيــبـــي]

أنا غرب واللي خاطري ينتحيله شرق..
بعيد وطن مظنون عيني عن أوطاني..
حصل في غروب الشمس بيني وبينه فرق..
عسى الله يقرب دار من حبه أشقاني..

[ااالــركـــيــبـــي]

تعــاتبنـــي على كـثـر الـبـطـا ..،
وش يفـيــد اللــوم لامـن لـمـتنــي ..،
قبـل ما ترمــي عليّ كــل الـخـطـا..
ليتــك أول .. وسط صدرك خذتـني..
شـيٍ أقـســى من ظروفــي بي سطا..
احـمـد الله .. إنك اصــلاً شــفـتنــي..
لومني.. ما هو بكيــفي.. ( هـ..الـبـطا )
ما هـو أنــت اللي لحالك لـمـتــنـي ..

[ريوف]

يخلف على قلبٍ عطى الشوق لانسان
يا للاسف ( ماهوب عارف غلاته !! )

[ااالــركـــيــبـــي]

مافي داعي نشوف فلان وفلانه

برهان حب برغم الناس مقنعنا

دام الوفا طبعنا والنفس ولهانه

ماظن حبي عن الجمعا بيمنعنا

[عين القصيم]

إهداء
إلى من علمتني الغرام...
قبل الفطام..
إلى من أهدتني السلام..
دون الخصام...
إلى من اسكنتني قلبها...
وسقتني من حنان صوتها
شهد المدام...
إهديها كلماتي ...
لحناً .. وانتظار اليوم المشهود....
إلى ....غاليتي و محبوبتي و حبيبة قلبي
الى عصفورتي التي ترسل لي كل صباح
اجمل و ارق كلمة مع نسائم الفجر
و تودعني على امل اللقاء
عند كل مغيب شمس
تنتظرني مع مولد يوم جديد بشوق و حنين
اهدي كلماتي اليك
اهديك قلبي
اهديك روحي
اهديك حياتي

[ونة خفوق]

لحظة من لحظات ياسي والامل ضاعت دروبه ....والدمع قد خذ مقره في عيوني ثم عماهــا
حالتي كني بصحرا والنهار اعلن غروبه ......صمت قد حل ومخاوف والظلام اشعل سماها
ريح تصفر في مداها ليت هي نسمة هبوبه.....ليتها تاخذ بياسي وتوهب نفسي صفاهـــــــــــا
ليت الاقي بذرة فيها الامل بارض خصوبه....ليت الاقي واحه اروي عطش نفسي وظماهـــا
ياقمر من دون ضيك امشي الخطوة ابصعوبة....آه يا دنيا بخيلة من الضيا شحت عطاهــــــــا
وان عطت قامت تلاهب..لو نجيت انها عجوبة....مابها ظل ياوي من سنا شمسي وظياهــــــا
بين نفسي وبين حالي والقهر قد شن حروبه....كيف يرحل عقب ما استولى على نفسي وخذاها
مثل حال الزهر حالي من يبيعوا ويشتروا به....تنقطف من دون رحمه لجل ماتفقد شذاهـــــــــا...

[ااالــركـــيــبـــي]

فإذا وقفتُ أمام حسنكِ صامتاً *** فالصمتُ في حرم الجمالِ جمال ُ
كلمـــــاتنا في الحبّ تقتل حبنا *** إن الحـــــروفَ تموتُ حين تقال

[ونة خفوق]

مـاقلت احـبك ولا قـد قلت ماحبك
احـب مـالي عـيوني وانت تسواها
لو تدري اش كثر تعني لي تعرف انك
اخـر امـل فـي حياتي واول مناها
يـاكثر احـس ان بك مني وبي منك
روح قـسمها عـلى شخصين مولاها
لا تقول وش تحب فيني اعشقك كلك
مـن لـيل شعرك لكلك واخر اقصاها
سـميتني نـصفك الـثاني وياشحك
انـا بـسميك كـلي وانـت مـعناها
تـعبت اوديـك لـه يـاقلب ويردك
لا اخـذ حـلومي ولا خلاني انساها
كـل الـحمام استراح وناح في ظلك
والورد الاصفر سقته الروح من ماها
لـيتك بـعمري ثلاثة اشخاص ماملّك
واحـد معي دوم وواحد روحي يملاها
والـثالث بـجفن عيني لا فقد حسك
او غـمض الجفن جاني فيك يتباهى
مـو بـس احـبك انا والله من حبك
احـب حتى ثرى الارض اللي تطاها

[ااالــركـــيــبـــي]

[align=right]تبقى ترى في كل الأحوال غالي

حتى لو إني ضمن هامش حياتك

ياواصلن قطعي و قاطع وصالي

أرجوك تسمعني و كلمه وجاتك

إن كنت ما أهمك وخاطرك سالي

تعال صارحني وبرر سواتك

وإن كنت مأخذني قصيد وتسالي

ما أحب أكون بيوم من تسلياتك

لكن تعال إسمع خلاصة مقالي

البارحه ياهيه فاتك وفاتك

في آخرة هالليل جالس لحالي

سهران أفكر فيك مع ذكرياتك

أعطيتني إهمال وأشغلت بالي

علقت لأجل الحب ذاتي بذاتك

أغريتني وإزداد فيني هبالي

إهبال من حسنك وباقي صفاتك

أعجبتني من قلب أول وتالي

أسلوبك أولها وتالي حلاتك

يعني تراي أحيان جدآ مثالي

يهمني طبعك قبل مغرياتك

خليتني مبسوط بضعة ليالي

وأحزنتني والحين وينك! وهاتك

ياصاحبي ياأنت ياراس مالي

ياللي على قلبي فرضت بغلاتك

لو معك أنا أكذب وشعري خيالي

الله يأخذني وإدعي بصلاتك

حلالي أتوفى عشانك حلالي

وحلالك إنك تستمر بسكاتك

ياخي تراني ضقت وارأف بحالي

إلى متى والصمت يلزم شفاتك؟

أبيك تفضى لي وتجلس قبالي

أطالع بعيني زين واجمع شتاتك

لويمنعك ظرفك لاتبالي

بصبرعلى شانك وبسمع وصاتك

لكن أبي أسأل وجاوب سؤالي

أبغى تجاوبني وتترك سكاتك

إن كنت شاريني شريتك بغالي

وإن بعتني ترى البقيه بحياتك!؟![/align]

[ونة خفوق]

بسألك ليه الهوى منك وفيك

ليه المشاعر ما تعيش إلا بساعة شوفتك

ليه المحبة والوفا وأبيات شعري تهتويك

ليه أنت وبس اللي أموت ببسمتك

تدري لو مرة أقول إني كرهتك ما أبيك

يرجع علي صوت الصدا يقول

الله ما أكبر كذبتك

[ااالــركـــيــبـــي]

[align=right]اذكرك انا يازين والعين بالعين
وعيني تراعيكم على كل حزه

اذكرك انا لامن مشيت وتخطيت
وشعرا طويلا لاطرالك تهزه

واذكرك انا لامن ضحكت وتبسمت
بمبيسم ياليت لي منه مزه

ياليتني في حيكم دوم سكان
ومرسالنا دايم عليكم ندزه

ياحبني لاض عليها تخطون
واعز يالمزيون شخصا تعزه

متى على الله نجتمع ياريش العين
ويرجع لقلبي ياهوى البال عزه[/align]

[ونة خفوق]

أبي أسكنك في عيني وأبـي اطـري علـى بالـك


وأفجر بالغلا صمت القصيـد ولا اجمـع أوراقـي

[ونة خفوق]

إن عاش راسي و اسعفتني سنيني

لروي ظمأ قلبي بقربك و اهنيه ..

و لو يزرعون الغام بينك و بيني

نذر علي لامشي لك الدرب و أطويه ..

و اشيل روحي فوق راحة يميني

و ابيع عمري لاجل شوفتك و اشريه