هَذه القصيده فِي مدح الشيخ بندر بن جاسي الحميداني امير الحمادين ويستاهل المدح ابو جاسي
يابندر الجاسي يامير الحمادين
امير فعل وقول والصيت عالي
من جدك الاول البوك اليهاالحين
ماهِي جديده ياكريم السبالي
من يعرق براجح رجح بالموازين
ماكر حرارن رام راوس الجبالي
حييت يازبن الضعوف المساكين
ماهُو رخي فِي معسرات الليالي
وحييت يامنصي الرجال الحشيمين
علي الشحم ومبهرات الدلالي
وحييت يابيت الصخي والصخيين
بيت الكرم ماهُو مِن الجودَ خالي
ولاهنت يانبع الوفاءَ للوفيين
مقدم رجال ومدهلن للرجالي
ياحاتم الطائي لمن جوك عانيين
ياذيب ابن شَالح برقي المعالي
فيك اجتمع ياطيب الساس نهرين
طيب العمام وطيب فعل الخوالي
مهما اصفك لَو اصفك بالعذابين
يقصر عَن فعولك وطيبك مقالي
شيمه وقيمه بعتراف الرزينين
غالي ومن ساسك علي الكُل غالي
يابن الرجال الشامخين العزيزين
اللي بعزوتهم حمو كُل تالي
لاصاح صياح الضحي يالحمادين
ثم ردَ صوته واحمر الدم سالي
تسابقو يم الاصيلات عجلين
مطوعاتن ماضرن للجفالي
وارخو اعنتهن وجوهم مغيرين
مافيهم اللي فِي حياته يبالي
اليا ادبحن طافن فروخ الشياهين
ماكن فَوق الارض غَير الظلالي
ثم اعدلوهن فِي وجيه المعادين
والروس مِن ضرب الهنادي تشالي
ماينكفون الا علي الضدَ قاضين
الا المنيع ومادخل بالجلالي
ساطين فِي ضرب المعادي وقاسين
ولا الرفيق يعيشَ معهم هلالي
عاشو سلاطينن وماتو سلاطين
ذولا جدودك يارفيع المعالي
واليَوم دَورك يازبون المخلين
بالقبر ماتدفن فعول الرجالي
كم ميتن يرفع بذكراه حيين
وكم حي لايذكر ولاله مجالي
هَذه القصيده فِي صاحب السمو الملكي الامير سلمان بن عبدَ العزيز اطال الله فِي عمره
والمدح مايوفي ابو فهدَ حقه
سلام ياميرن ونقادَ وجلوس
ترحيبتن مِن قلب تزهي سموك
ودي بِكُلماتن مِثل سطوة الموس
تفرح بها واغيض فيها عدوك
ولاودي بقافن مِن الناس مديوس
قافي يخلي شَعر راسك يشوك
مدحن لفعلك ماترجي بِه فلوس
يومن فعلك مِثل ضرب المشوك
به ترتفع روسن وبه تنخفض روس
روس العدي واللي يعكر لجوك
بالجودَ والمجهودَ وبكل ناموس
تاقف شَيوخن وانت يامير توك
ارقاب تعتق منك وتفرج احبوس
ويفخر بفعلك مِن تدفي بضوك
ودي بِكُلماتن بهن فعل ملموس
وابدي سريرة خاطر فِي هدوك
احمدَ نجادا حمع الفرس والروس
والعين طيرها وقام يتسوك
يمنا بلا واقي تبي تمسك الموس
عقب العطب ياشين لوك ولوك
وبغدادَ تعطينا عَن الماضي ادروس
وامسي عميل ايران فيها مكوك
هَذا بلاي وجاك قافي علي اوس
وعسي كلامي مايكدر سموك
هذي قصيده فِي الدكتور محمدَ العفاسي ويستاهل ابو سعودَ المدح الله يطول بعمره
البارحه مابين صاحي وغافي
سهران لين اقفا مِن الليل ثلثين
لاني بمستانس ولا الجو صافي
بسباب مِن رقدَ ضحي يوم الاثنين
مشاعري ترجمتها بالقوافي
عسي يجيني يالعفاسي خبر زين
ماسهر عيوني رصيدَ الخرافي
ولارصيدَ الراجحي والخيارين
انا رصيدي لامشيت متعافي
يامسندي فِي ساعة الضيق واللين
ماطيح لامني ذكرتك خلافي
واللي بعث جبريل فِي سورة التين
جاك الكلام اللي مِن القلب وافي
ماهُو كلام لسان ومخادعة عين
يازبن مِن جالك مِن البعدَ حافي
منصا الرجال اللي علي الجودَ ضارين
ياطيب قافي لاذكرتك بقافي
يوم أنت ترفع مِن تذكرك وتعين
في كُل ماقف للرجوله تشافي
بشموخن اقوي مِن شَموخ السلاطين
كل المراجل حزتها يالسنافي
عديت نجم سهيل مدري تبي وين
حتي مِن الفيفا وصلك اعترافي
واسمك تعدي شَهرت السور بالصين