ابوك يابندر على طول ماشي ماينقضب بالبيت كود المغابيش
قصيدة مداعبه من الشاعر : منوخ بن نادر الحميداني للشاعر : فلاح بن مبرد الحميداني وهي موجهه لإبن الشاعر بندر,,,,,
أبوك يابندر على طول ماشي
ماينقضبّ بالبيت كود المغابيش
على ظهر جيبه يشيل الفراشي
أدمن على كثر السّفر والمطاريش
في كلّ يوم مدخّله بالقراشي
بادت تواير موتره والخراطيش
قام يتهرّب بين شغل ومعاشي
كنّه مطفّش من هل البيت تطفيش
تبغاء الحقيقه عن طويل النّقاشي
مافيه شدّه لأمّهات العكاريش
مايوصل التيار سلك الفلاشي
كبير سنّ وضاربٍ عنده الفيش
أقبل نصيحة واحدٍ مايخاشي
دوّر لبوك علاج وأدفع بخاشيش
