يامنشد عن علومي تبي علمٍ قطيب
خذ حقايق علم ماهي ضحاضيح السراب
السوالف ماتشابه على القلب اللبيب
والردي عنده يصير الخطا مثل الصواب
الوفي لو هو عدوك يزيد الطيب طيب
والردي لو هو من الصلب مازاد الحساب
واحدٍ سيطر عليه الردا مايستجيب
كود للعلم الردي والنميمه والعتاب
وش ورا ناسٍ تضيع وتنم وتستغيب
بالقفا وان جاك غير عناوين الكتاب
يشربون الكذب الازرق مثل شرب الحليب
عندهم عرض المخاليق مطعوم وشراب
شايفين العيب طيبٍ وفعل الطيب عيب
من تفاخر بالردا وش وراه من الجواب
وان نبح كلب الغنم مروحٍ له ريح ذيب
وانت تدري ماعلى الذيب من نبح الكلاب
لا عدا سرحان واشرف و جر من القنيب
في مراكيضه تعشى الحديه والغراب
والغريب ان المريعي حلم له حلم شيب
وقال في تفسير الاحلام له مخلب وناب
والكلام الي سمعناه يرويه الخطيب
شايفٍ خد المريعي تحت كف العقاب
ماحسبت حساب شباب والسيد شبيب
كان صارت بالحرايب وتجريد الحراب
من ضربته والله انه ليبطي مايطيب
مايحصله طبيبٍ يداويله صواب
@bin_mbrd #فلاح_بن_مبرد #الحميداني #المطيري #شعر #قصيد #عمالقة_الشعر #الصحراء
