الراوي
16/10/2008 - October 16th, 12:34 AM
هـو الامـيـر / عـقـوب بن فـاضل بن مسلط بن شلاش بن مـسعد الحميداني
وهـو فـارس لايـشـق لـه غـبـار وبـواردي لا يخـطي وشـاعر من الطراز الاول
وتجلت فروسيته في (معركـه حريـقه) والتي اوردناها في موضوع مستقل
وقـد تـزعم قبيلـه الحمـادين الذين تدينوا واصـبـحـوا مـن (الاخوان)
التي اسس حركـتـهـا الملك عبدالعزيز رحمه الله . . واسسوا هجرة (فريثـان) في الحماده
بالقرب من المجمـعه وبيوتهم الاثريـه لاتزال هـنـاك وقـد شـآركوا في جمـيـع
المعـارك التي خـاضها الملك عبدالعزيز في توحيـد المملكـه . .
ابتداء من معاركه ضد ابن رشيد ثم معاركـه مع الشريف وحتى في فتح تهامـه
(جـازان)
وقـد شـارك معه من الحماديـن قرابـة الثلاثمـائه وخمسيـن مقاتل
وكـان لـهم مواقف مشرفـه مـع الملك عبدالعزيز ولم ينزعوا عصـآ من طـاعه
حتى في معركـه السبلـه والتي انقسـم فيها الاخوان الى قسمـيـن : منهم
مع الملك عبدالعزيز ومنهـم معارض له
فقد كـانوا في صـف الملك عبدالعزيز في ذالك اليوم ولقد شوهد
الملك سعود ابن عبدالعزيز رحمه الله عندما اغارت الخيل والجيش يوم السبله
انه كان يمشي على فرسـه بين بيرق الحمادين وبيرق الصعران
وكان ينخى ويقول : اولاد علي ياعيال ابوي . . ترى المدور حنا
وانتم اليوم . . . وكـان النصر لـهـم في ذالك اليوم . . .
ثـم انتقل بعدها واسس هجـرة (ام دباب) واسـتـقر فيـهـآ حتى وفـآتـه رحمه الله
ولـه كثير من المساجلات مع الشعراء . . سنذكر بعض منها
حيث قال احد شعراء الاخوان يسب الامير /عقوب والامير / مشاري بن بصيص لـ مناصرتهم الملك عبدالعزيز حيث قال :
قولوا لعقوب عن دينه يتوب=ولا هدمنا دبابه عليه
وبن بصيص الخسيس =كل منافقيـ(ن) يلفي عليه
والقصيده طويله ذكر فيها بعض زعمـاء الاخوان
وقد رد عليه الامير /عقوب بـ قصيده منها هذه الابيـآت :
يـا فـاطـري زيـنـة الـزومـاع والشـلـة=الـيا وطيتـي الغضـا زيــدي بـزفـزافي
أوطي وطيتي على اللي ما يخاف الله=اللي يخون العهد المنثنـي الجافـي
يا عل يومي ويومـك فـي سبيـل الله=في ساعـة ترضـي الله يـوم الأوقـافي
وله كذالك مساجله مع الامير الشاعر فيحان بن زريبان . . حيث شكاله بن زريبان
في قصيده منهـا هذه الابيـات /
ياعقوب واقلبي تزايد غليله =متحير مابين هم وتضاييق
على عشير مالقينا مثيله= ماحط له غيري من الناس عشيق
هرجه يعدي لي وهرجي يجيله = والكل منا راح قلبه تحاريق
حبه شربني شرب سيف لسبيله = مزه وحرق بسرة القلب تحريق
فرد عليه الامـيـر / عقوب
الرجل يافيحان عقله دليله = ورجل بلا عقل يتيه الطواريق
الي بليا عقل وا عزتيله=دلو(ن) على الجيلان غادي تشاليق
الرجل يصبر لين يبخص حصيله = والبيض بواقات عهد المواثيق
اللي صفى لي صدق حق ارعويله = ومن صد صدة من قفاه المسابيق
طير على راعيه ماينثنيله = اقفى مع اللجّه لريشه تخافيق
ودك ترافق كاسبين النفيله = فكاكة التالي ليا نشف الريق
وان شلت حمل ثم كادك مشيله = شالوه ماهو هرج لاهل اللماصيق
اهل الهروج اللي قليل حصيله = اللي يتلون المقفي مراشيق
ولـه القـصـيـده المـشهـوره التي تغنى بها الفنان محمد عبدو /
السيل يا سدرة الغرمول يسقيـك=من مزنـة هلـت المـا عقربيـه
ياطول ماجيت ساري في حروايك=عجل وأخاف القمر يظهر عليـه
وطيت أنا الداب وأنيابه مشاويـك=والله وقاني مـن أسبـاب المنيـه
يارجل لوغز نابه ويـن اوديك=هـذي سبايبـك ياخلـي علـيـه
يارجل لو هو مصيبك وين أداويـك=ودواك يم الحسا صعـبـ(ن) عليـه
ولمـا للامـير / عقوب من فروسيه فقد انشد الشعراء فيه ومما قيل فيه /
لاوا حلالاه يامهنـا=اندس في قاعت العرقوب
اندس يوم الرمك جنا=لاهو عليل(ن) ولا مصيوب
يامخضب الخمس بالحنا=انا دخيلك عن المسبوب
شومي لمن يحتمي الدنا=لاحل بالخيل مثل عقوب
وقـد قال مـذكر بن سحمـان امير العضيلات عندما شره على احد جماعته/
لانته ابن هذال المشهور=ولنته عقوب الحميداني
سوهم على نطحة الطابور =وسوك على وخيك الداني
وقد قال ايضـآ الشاعر / سعد بن سلطـان قصيـده من ضمنها /
قالوا هلا مرحبابه قلت منهـو بـه=قالوا هذا التاجـر فـلان الفلنتانـي
سوق الذهب بالقطيف وبالحسى دوبه=وله منزلن في صلاله حقت عمانـي
ليتك تشوفه وتنظر مركـب جيوبـه=كنه على مركـب بليـر البريطانـي
قلت التراحيـب للـي دون ماجوبـه=والا فلنتـان هـذا اسمـه فلنتانـي
ماهو من اللي تناخوا يوم مشذوبـه=ولاهو المريخي ولا عقوب الحميدانـي
والقصـيـده اطول من ذالك
وقد ذكـر لي ان ركـب من الحماديـن معهم سـنـد القظوع مروا على نزل
للامير /سعود الكبير ونزلوا وسلموا عليـه وبعدما سآلهم وعرف انهم من
الحمادين قال : والله والنعم بالحمادين يوم جراب قلايع الخيل من رجال الملك
عبدالعزيز (80) فرس وقـلايع الحماديـن لحالهـم (83) فرس واكـرمـهـم
وهـذه شهـاده من الامير/ سعود الكبير تدل على قوه الحمادين ومواقفهم
المشرفـه مع الملك عبدالعزيز رحمه الله
وايـضـآ عندمـا قتل العوازم الامـير / هابس بن عشـوان على النقيره . .
واستنجدوا بجارهم الفغم الذي كـان في هجره قريه . . والذي ثآر لـ هـآبس
ثـم صبـحـهـم بيرق بن بصيص . . ثـم صـبـحـهم بيرق عقـوب الحـمـيـدانـي
وقـد اكـد لي بعض الرواه انه كسب من حـلالهـم الـكــثـير
وبيت اميرهـم / بن جـامـع . . . وقيل انـه صبحـهـم من (مطير)
حوالـي سـبـع بيـآرق . . ثـآرأ لـ الامـير / هابس بن عشوان
حتى قالت العـازميـه :
ابوي هابس ابواه , , ذيبن اكلتني جراه
وللامير عقوب والحمادين بطولات ومواقف مشرفـه في توحيد المملكه
واتمنى ممن لديـه معلومـات عن بعض معارك الحمادين التي خاضوها
في نصرت الملك عبدالعزيز او اي معلومات عن الامـيـر / عقوب الحميداني
ان يضيفها لمـآ كتبـت . . لانني احـس انني لم اعطـي هذا الامـير حـقـه
في هذا الموضوع وكذلك الحمادين اللذين خاضوا تلك المعارك
وتقبلوا تحياتي,,,
الراوي
وهـو فـارس لايـشـق لـه غـبـار وبـواردي لا يخـطي وشـاعر من الطراز الاول
وتجلت فروسيته في (معركـه حريـقه) والتي اوردناها في موضوع مستقل
وقـد تـزعم قبيلـه الحمـادين الذين تدينوا واصـبـحـوا مـن (الاخوان)
التي اسس حركـتـهـا الملك عبدالعزيز رحمه الله . . واسسوا هجرة (فريثـان) في الحماده
بالقرب من المجمـعه وبيوتهم الاثريـه لاتزال هـنـاك وقـد شـآركوا في جمـيـع
المعـارك التي خـاضها الملك عبدالعزيز في توحيـد المملكـه . .
ابتداء من معاركه ضد ابن رشيد ثم معاركـه مع الشريف وحتى في فتح تهامـه
(جـازان)
وقـد شـارك معه من الحماديـن قرابـة الثلاثمـائه وخمسيـن مقاتل
وكـان لـهم مواقف مشرفـه مـع الملك عبدالعزيز ولم ينزعوا عصـآ من طـاعه
حتى في معركـه السبلـه والتي انقسـم فيها الاخوان الى قسمـيـن : منهم
مع الملك عبدالعزيز ومنهـم معارض له
فقد كـانوا في صـف الملك عبدالعزيز في ذالك اليوم ولقد شوهد
الملك سعود ابن عبدالعزيز رحمه الله عندما اغارت الخيل والجيش يوم السبله
انه كان يمشي على فرسـه بين بيرق الحمادين وبيرق الصعران
وكان ينخى ويقول : اولاد علي ياعيال ابوي . . ترى المدور حنا
وانتم اليوم . . . وكـان النصر لـهـم في ذالك اليوم . . .
ثـم انتقل بعدها واسس هجـرة (ام دباب) واسـتـقر فيـهـآ حتى وفـآتـه رحمه الله
ولـه كثير من المساجلات مع الشعراء . . سنذكر بعض منها
حيث قال احد شعراء الاخوان يسب الامير /عقوب والامير / مشاري بن بصيص لـ مناصرتهم الملك عبدالعزيز حيث قال :
قولوا لعقوب عن دينه يتوب=ولا هدمنا دبابه عليه
وبن بصيص الخسيس =كل منافقيـ(ن) يلفي عليه
والقصيده طويله ذكر فيها بعض زعمـاء الاخوان
وقد رد عليه الامير /عقوب بـ قصيده منها هذه الابيـآت :
يـا فـاطـري زيـنـة الـزومـاع والشـلـة=الـيا وطيتـي الغضـا زيــدي بـزفـزافي
أوطي وطيتي على اللي ما يخاف الله=اللي يخون العهد المنثنـي الجافـي
يا عل يومي ويومـك فـي سبيـل الله=في ساعـة ترضـي الله يـوم الأوقـافي
وله كذالك مساجله مع الامير الشاعر فيحان بن زريبان . . حيث شكاله بن زريبان
في قصيده منهـا هذه الابيـات /
ياعقوب واقلبي تزايد غليله =متحير مابين هم وتضاييق
على عشير مالقينا مثيله= ماحط له غيري من الناس عشيق
هرجه يعدي لي وهرجي يجيله = والكل منا راح قلبه تحاريق
حبه شربني شرب سيف لسبيله = مزه وحرق بسرة القلب تحريق
فرد عليه الامـيـر / عقوب
الرجل يافيحان عقله دليله = ورجل بلا عقل يتيه الطواريق
الي بليا عقل وا عزتيله=دلو(ن) على الجيلان غادي تشاليق
الرجل يصبر لين يبخص حصيله = والبيض بواقات عهد المواثيق
اللي صفى لي صدق حق ارعويله = ومن صد صدة من قفاه المسابيق
طير على راعيه ماينثنيله = اقفى مع اللجّه لريشه تخافيق
ودك ترافق كاسبين النفيله = فكاكة التالي ليا نشف الريق
وان شلت حمل ثم كادك مشيله = شالوه ماهو هرج لاهل اللماصيق
اهل الهروج اللي قليل حصيله = اللي يتلون المقفي مراشيق
ولـه القـصـيـده المـشهـوره التي تغنى بها الفنان محمد عبدو /
السيل يا سدرة الغرمول يسقيـك=من مزنـة هلـت المـا عقربيـه
ياطول ماجيت ساري في حروايك=عجل وأخاف القمر يظهر عليـه
وطيت أنا الداب وأنيابه مشاويـك=والله وقاني مـن أسبـاب المنيـه
يارجل لوغز نابه ويـن اوديك=هـذي سبايبـك ياخلـي علـيـه
يارجل لو هو مصيبك وين أداويـك=ودواك يم الحسا صعـبـ(ن) عليـه
ولمـا للامـير / عقوب من فروسيه فقد انشد الشعراء فيه ومما قيل فيه /
لاوا حلالاه يامهنـا=اندس في قاعت العرقوب
اندس يوم الرمك جنا=لاهو عليل(ن) ولا مصيوب
يامخضب الخمس بالحنا=انا دخيلك عن المسبوب
شومي لمن يحتمي الدنا=لاحل بالخيل مثل عقوب
وقـد قال مـذكر بن سحمـان امير العضيلات عندما شره على احد جماعته/
لانته ابن هذال المشهور=ولنته عقوب الحميداني
سوهم على نطحة الطابور =وسوك على وخيك الداني
وقد قال ايضـآ الشاعر / سعد بن سلطـان قصيـده من ضمنها /
قالوا هلا مرحبابه قلت منهـو بـه=قالوا هذا التاجـر فـلان الفلنتانـي
سوق الذهب بالقطيف وبالحسى دوبه=وله منزلن في صلاله حقت عمانـي
ليتك تشوفه وتنظر مركـب جيوبـه=كنه على مركـب بليـر البريطانـي
قلت التراحيـب للـي دون ماجوبـه=والا فلنتـان هـذا اسمـه فلنتانـي
ماهو من اللي تناخوا يوم مشذوبـه=ولاهو المريخي ولا عقوب الحميدانـي
والقصـيـده اطول من ذالك
وقد ذكـر لي ان ركـب من الحماديـن معهم سـنـد القظوع مروا على نزل
للامير /سعود الكبير ونزلوا وسلموا عليـه وبعدما سآلهم وعرف انهم من
الحمادين قال : والله والنعم بالحمادين يوم جراب قلايع الخيل من رجال الملك
عبدالعزيز (80) فرس وقـلايع الحماديـن لحالهـم (83) فرس واكـرمـهـم
وهـذه شهـاده من الامير/ سعود الكبير تدل على قوه الحمادين ومواقفهم
المشرفـه مع الملك عبدالعزيز رحمه الله
وايـضـآ عندمـا قتل العوازم الامـير / هابس بن عشـوان على النقيره . .
واستنجدوا بجارهم الفغم الذي كـان في هجره قريه . . والذي ثآر لـ هـآبس
ثـم صبـحـهـم بيرق بن بصيص . . ثـم صـبـحـهم بيرق عقـوب الحـمـيـدانـي
وقـد اكـد لي بعض الرواه انه كسب من حـلالهـم الـكــثـير
وبيت اميرهـم / بن جـامـع . . . وقيل انـه صبحـهـم من (مطير)
حوالـي سـبـع بيـآرق . . ثـآرأ لـ الامـير / هابس بن عشوان
حتى قالت العـازميـه :
ابوي هابس ابواه , , ذيبن اكلتني جراه
وللامير عقوب والحمادين بطولات ومواقف مشرفـه في توحيد المملكه
واتمنى ممن لديـه معلومـات عن بعض معارك الحمادين التي خاضوها
في نصرت الملك عبدالعزيز او اي معلومات عن الامـيـر / عقوب الحميداني
ان يضيفها لمـآ كتبـت . . لانني احـس انني لم اعطـي هذا الامـير حـقـه
في هذا الموضوع وكذلك الحمادين اللذين خاضوا تلك المعارك
وتقبلوا تحياتي,,,
الراوي