محمد ابن عقوب
13/10/2006 - October 13th, 03:44 PM
قــصـيـده مـهـداه إلـى الأمـيـر عـقــوب أبـن ذعــار الــحـمـيــدانــي
جعل السحاب اللي ردم كنه الليل= سودٍ نصوبه كا الجموع الثقايل
باطراف مزنه مثل روس المشاعيل=شق الدجا من صادقات المخايل
يخافه الطرقي ويلقابه السيل= منه القصيم وما حواليه سايل
ينهل فوق الثامريه هماليل= يسبل مقاديمه سوات الجدايل
مدهال سمحين الوجيه المشاكيل=نطاحة الواجب كرام السبايل
ربعي هل العادات جيلٍ باثر جيل=طيبٍ على ساس الجدود الأوايل
في مجلسٍ فيه الشحم والمعاميل=تلقا به الشيمه عيال الحمايل
ملفاك كساب الثناء والتنافيل= عقوب راع الطايله والجمايل
حرٍ شلع وأرقب على الجدي وسهيل= حتى تعلا بالفخر كل طايل
لا غرت الهقوه عيال الزماميل=يابعد هقواته عريب السلايل
نسل العديم اللي رجح بالمعاديل=ذعار لا عدو رجال الصمايل
راسٍ تذرابه رقاب الحلاحيل=حلال عسرات الامور الجلايل
سلايل اللي يتعب الكنس الحيل=شيخٍ زهنه ماضيات الفعايل
جده عقوب اللي عليه التماثيل=مخّلي مراكيب المهار الأصايل
نطاح وجه الخيل وإن غارة الخيل=شي تعرفه كل سبع القبايل
ما لردى يمه دروب ومداخيل=من شبته بين الشيم والفضايل
وأن كان ردت للعطاء والمحاصيل=تريحو ياهل القلوب الهبايل
عطا الديّر ماهي عطايا مهازيل= ماصار شيء ما مضاله دلايل
كم واحد حدر الغصون المضاليل= من فضل أبوه وطيب واف الخصايل
نزل وهو ماله هنيا منازيل= واليوم في وسط المجالس يفايل
ماللحقايق عند الأجواد تبديل=مامال ميزانٍ به الحق مايل
المجد له بالفعل وقفة تسجيل=والمدح مثل الفعل باقي وزايل
وأنا رصيدي رأس شيخ الرياجيل=قرم عليه يلوق بدع المثايل
إليا ذكرت عقوب لو ينقص الكيل=كني ملكت من الصداوي لحايل
فخري وذخري بالليال المقابيل=مادام ماحطت عليه النثايل
ياشيخنا لك يرجح المدح ويميل= لا عل مانعتاض في البدايل
الشــاعـر // خــالــد مـحــيــســن الــحـمـيـــدانـي
جعل السحاب اللي ردم كنه الليل= سودٍ نصوبه كا الجموع الثقايل
باطراف مزنه مثل روس المشاعيل=شق الدجا من صادقات المخايل
يخافه الطرقي ويلقابه السيل= منه القصيم وما حواليه سايل
ينهل فوق الثامريه هماليل= يسبل مقاديمه سوات الجدايل
مدهال سمحين الوجيه المشاكيل=نطاحة الواجب كرام السبايل
ربعي هل العادات جيلٍ باثر جيل=طيبٍ على ساس الجدود الأوايل
في مجلسٍ فيه الشحم والمعاميل=تلقا به الشيمه عيال الحمايل
ملفاك كساب الثناء والتنافيل= عقوب راع الطايله والجمايل
حرٍ شلع وأرقب على الجدي وسهيل= حتى تعلا بالفخر كل طايل
لا غرت الهقوه عيال الزماميل=يابعد هقواته عريب السلايل
نسل العديم اللي رجح بالمعاديل=ذعار لا عدو رجال الصمايل
راسٍ تذرابه رقاب الحلاحيل=حلال عسرات الامور الجلايل
سلايل اللي يتعب الكنس الحيل=شيخٍ زهنه ماضيات الفعايل
جده عقوب اللي عليه التماثيل=مخّلي مراكيب المهار الأصايل
نطاح وجه الخيل وإن غارة الخيل=شي تعرفه كل سبع القبايل
ما لردى يمه دروب ومداخيل=من شبته بين الشيم والفضايل
وأن كان ردت للعطاء والمحاصيل=تريحو ياهل القلوب الهبايل
عطا الديّر ماهي عطايا مهازيل= ماصار شيء ما مضاله دلايل
كم واحد حدر الغصون المضاليل= من فضل أبوه وطيب واف الخصايل
نزل وهو ماله هنيا منازيل= واليوم في وسط المجالس يفايل
ماللحقايق عند الأجواد تبديل=مامال ميزانٍ به الحق مايل
المجد له بالفعل وقفة تسجيل=والمدح مثل الفعل باقي وزايل
وأنا رصيدي رأس شيخ الرياجيل=قرم عليه يلوق بدع المثايل
إليا ذكرت عقوب لو ينقص الكيل=كني ملكت من الصداوي لحايل
فخري وذخري بالليال المقابيل=مادام ماحطت عليه النثايل
ياشيخنا لك يرجح المدح ويميل= لا عل مانعتاض في البدايل
الشــاعـر // خــالــد مـحــيــســن الــحـمـيـــدانـي