زرار طقطق
19/01/2008 - January 19th, 04:07 PM
http://www.judithnorman.com/images/items/large/90.jpg
بتقولون لي جاثوم ادري ...
..
..
..
مدري من اهل التجارب اللي يجيهم الجاثوم ( هل هو يجيكم عشر ايام وراء بعض ؟؟ )
صراحتن المشكله بديت احس فيها من الصيف الماضي ، وحسيت ان غرفتي سكنها ضيوف جدد بعيالهم وعفشهم وكل شي .. حتى مرات يدخلوني معهم في مشاكلهم العائليه واتذكر بعد الصيف اللي راح جايهم زوار من برا المنطقه مصيفين عندهم ...
كل هالشي والدبكه فوق راسي
الشهاده لله الاجواد مالهم حس ومتأقلم معهم كني واحد منهم >>>>> اهب يالجني
بس صراحتن خلال اليومين اللي فاتوا وخاصه مع بداية الامتحانات مصخوها شوي ...
في داخل الغرفه دولاب اشبه بالغرفه الصغيره يعني غريفه داخل غرفه وكل ليله اسمع انواع الطقطقه والطردي بها الغريفه ( اظن انه بسبب الاختبارات عيالهم يواصلون عشان المذاكره ) ...
عادتي انام وانا مشغل التلفزيون على برنامج حواري <<<< يجيني احساس ان فيه ناس تسولف علي وانا صافطهم وانبسط عاد يوم احس اني راد بالبشريه يعني دكاتره وخبراء يحكون في موضوع هام واستراتيجي وانا معطيهم الخامس ومنسدح
اما بالنسبه للجاثوم فاحسه صار ياكل ويشرب معي كل يوم وصار ضمن برنامجي اليومي لابد يشرفني عساه يسلم ولا يهنى له بال لين يتطمن علي ويزورني كل يوم ويزعل علي اذا سهرته معي ، قبل اسبوع تقريبا مدري ليه جاني احساس انه يحوم حولي ينتظر بس متى انام وشكلي طولت عليه وانقهر مني الزبده اني من سلمت نفسي للنوم اتوقع مامر ثلاث او اربع دقائق الا هو مشرررف وطاب علي واحس كانت غريبه منه هالمره احسه جاي بحقـــد ، لان بالعاده اتعافر انا وياه شوي واخرتها كلن يقول للثاني ( فك و أفك ) ثم كلن يروح لطريقه بس هالمره كانت غير شكل ..
مدري وش السالفه هل هو انتقام الطبيعه لها الاجواد اللي انا راد بهم كل ليله بالتلفزيون بس اغلبهم سملق ماهقيت ان احد بيحط لهم خاطر لا جني ولا أنسي
لاتحرمونا ولاتبخلوا علينا بنصائحكم ودعائكم لان اتوقع كثيرون يعانون من هالمشكله
نقاط راح تجاوب عن بعض الاستفسارات :
- لست ممن يضع على قنوات غنائيه عند النوم بل اي قناه وعليها برنامج حواري او وثائقي ( احسه كانه شايب يسولف علي ) ولاحد يقولي حاول تنام بدون تلفزيون لان من سابع المستحيلات ان انام بدون صوت راديو او تلفزيون >>>> تقول الوالده ربي يخليها لي ياوليدي الله يعين اللي بتاخذك بتغدون هواش عند سكر التلفزيون وطف التلفزيون
- اقرا االمعوذات واتعوذ من الشيطان قبل ارقد عادة
- حاولت النوم على الجنب الايمن او الايسر اقتداء بالسنه ولكن ماش ماحولي خشه اتمقلها لذلك انام على بطني وادفس خشتي بالمخده
بتقولون لي جاثوم ادري ...
..
..
..
مدري من اهل التجارب اللي يجيهم الجاثوم ( هل هو يجيكم عشر ايام وراء بعض ؟؟ )
صراحتن المشكله بديت احس فيها من الصيف الماضي ، وحسيت ان غرفتي سكنها ضيوف جدد بعيالهم وعفشهم وكل شي .. حتى مرات يدخلوني معهم في مشاكلهم العائليه واتذكر بعد الصيف اللي راح جايهم زوار من برا المنطقه مصيفين عندهم ...
كل هالشي والدبكه فوق راسي
الشهاده لله الاجواد مالهم حس ومتأقلم معهم كني واحد منهم >>>>> اهب يالجني
بس صراحتن خلال اليومين اللي فاتوا وخاصه مع بداية الامتحانات مصخوها شوي ...
في داخل الغرفه دولاب اشبه بالغرفه الصغيره يعني غريفه داخل غرفه وكل ليله اسمع انواع الطقطقه والطردي بها الغريفه ( اظن انه بسبب الاختبارات عيالهم يواصلون عشان المذاكره ) ...
عادتي انام وانا مشغل التلفزيون على برنامج حواري <<<< يجيني احساس ان فيه ناس تسولف علي وانا صافطهم وانبسط عاد يوم احس اني راد بالبشريه يعني دكاتره وخبراء يحكون في موضوع هام واستراتيجي وانا معطيهم الخامس ومنسدح
اما بالنسبه للجاثوم فاحسه صار ياكل ويشرب معي كل يوم وصار ضمن برنامجي اليومي لابد يشرفني عساه يسلم ولا يهنى له بال لين يتطمن علي ويزورني كل يوم ويزعل علي اذا سهرته معي ، قبل اسبوع تقريبا مدري ليه جاني احساس انه يحوم حولي ينتظر بس متى انام وشكلي طولت عليه وانقهر مني الزبده اني من سلمت نفسي للنوم اتوقع مامر ثلاث او اربع دقائق الا هو مشرررف وطاب علي واحس كانت غريبه منه هالمره احسه جاي بحقـــد ، لان بالعاده اتعافر انا وياه شوي واخرتها كلن يقول للثاني ( فك و أفك ) ثم كلن يروح لطريقه بس هالمره كانت غير شكل ..
مدري وش السالفه هل هو انتقام الطبيعه لها الاجواد اللي انا راد بهم كل ليله بالتلفزيون بس اغلبهم سملق ماهقيت ان احد بيحط لهم خاطر لا جني ولا أنسي
لاتحرمونا ولاتبخلوا علينا بنصائحكم ودعائكم لان اتوقع كثيرون يعانون من هالمشكله
نقاط راح تجاوب عن بعض الاستفسارات :
- لست ممن يضع على قنوات غنائيه عند النوم بل اي قناه وعليها برنامج حواري او وثائقي ( احسه كانه شايب يسولف علي ) ولاحد يقولي حاول تنام بدون تلفزيون لان من سابع المستحيلات ان انام بدون صوت راديو او تلفزيون >>>> تقول الوالده ربي يخليها لي ياوليدي الله يعين اللي بتاخذك بتغدون هواش عند سكر التلفزيون وطف التلفزيون
- اقرا االمعوذات واتعوذ من الشيطان قبل ارقد عادة
- حاولت النوم على الجنب الايمن او الايسر اقتداء بالسنه ولكن ماش ماحولي خشه اتمقلها لذلك انام على بطني وادفس خشتي بالمخده