جــنــــي في غرفتـــــي والله العالم

[زرار طقطق]

[align=center]
بتقولون لي جاثوم ادري ...

..



..



..

مدري من اهل التجارب اللي يجيهم الجاثوم ( هل هو يجيكم عشر ايام وراء بعض ؟؟ )

صراحتن المشكله بديت احس فيها من الصيف الماضي ، وحسيت ان غرفتي سكنها ضيوف جدد بعيالهم وعفشهم وكل شي .. حتى مرات يدخلوني معهم في مشاكلهم العائليه واتذكر بعد الصيف اللي راح جايهم زوار من برا المنطقه مصيفين عندهم ...

كل هالشي والدبكه فوق راسي

الشهاده لله الاجواد مالهم حس ومتأقلم معهم كني واحد منهم >>>>> اهب يالجني


بس صراحتن خلال اليومين اللي فاتوا وخاصه مع بداية الامتحانات مصخوها شوي ...

في داخل الغرفه دولاب اشبه بالغرفه الصغيره يعني غريفه داخل غرفه وكل ليله اسمع انواع الطقطقه والطردي بها الغريفه ( اظن انه بسبب الاختبارات عيالهم يواصلون عشان المذاكره ) ...

عادتي انام وانا مشغل التلفزيون على برنامج حواري <<<< يجيني احساس ان فيه ناس تسولف علي وانا صافطهم وانبسط عاد يوم احس اني راد بالبشريه يعني دكاتره وخبراء يحكون في موضوع هام واستراتيجي وانا معطيهم الخامس ومنسدح

اما بالنسبه للجاثوم فاحسه صار ياكل ويشرب معي كل يوم وصار ضمن برنامجي اليومي لابد يشرفني عساه يسلم ولا يهنى له بال لين يتطمن علي ويزورني كل يوم ويزعل علي اذا سهرته معي ، قبل اسبوع تقريبا مدري ليه جاني احساس انه يحوم حولي ينتظر بس متى انام وشكلي طولت عليه وانقهر مني الزبده اني من سلمت نفسي للنوم اتوقع مامر ثلاث او اربع دقائق الا هو مشرررف وطاب علي واحس كانت غريبه منه هالمره احسه جاي بحقـــد ، لان بالعاده اتعافر انا وياه شوي واخرتها كلن يقول للثاني ( فك و أفك ) ثم كلن يروح لطريقه بس هالمره كانت غير شكل ..


مدري وش السالفه هل هو انتقام الطبيعه لها الاجواد اللي انا راد بهم كل ليله بالتلفزيون بس اغلبهم سملق ماهقيت ان احد بيحط لهم خاطر لا جني ولا أنسي



لاتحرمونا ولاتبخلوا علينا بنصائحكم ودعائكم لان اتوقع كثيرون يعانون من هالمشكله


نقاط راح تجاوب عن بعض الاستفسارات :

- لست ممن يضع على قنوات غنائيه عند النوم بل اي قناه وعليها برنامج حواري او وثائقي ( احسه كانه شايب يسولف علي ) ولاحد يقولي حاول تنام بدون تلفزيون لان من سابع المستحيلات ان انام بدون صوت راديو او تلفزيون >>>> تقول الوالده ربي يخليها لي ياوليدي الله يعين اللي بتاخذك بتغدون هواش عند سكر التلفزيون وطف التلفزيون
- اقرا االمعوذات واتعوذ من الشيطان قبل ارقد عادة

- حاولت النوم على الجنب الايمن او الايسر اقتداء بالسنه ولكن ماش ماحولي خشه اتمقلها لذلك انام على بطني وادفس خشتي بالمخده [/align]

[برق الوسم]

[align=center](م0000س)

برق الوســــــــــــــــــــم[/align]

[زرار طقطق]

الله يجبر بخاطرك يابرق

[فجر الحمادين]

الله يرررررررج ابليسك انت وجنّيك هههههههههه
بس كويّس دامك الى اليوم عايش مامت معناته الجني حقك حليل مو مجرم..!!
كان لي تجارب سابقة من هالنوع لكن تغلبت عليها تدري كيف...؟؟
الحل الوحيد اللي جربته ونفع هو اني
^
^
^
^
^
^
^
^
^
^
^
بطلت أنااااااااام من زمان
وبصراحه ارتحت ههههههههههههه


يسلمو يارايق ع الموضوع التحفه
بانتظار جديدك


فائق احترامي

[ابوعبدالكريم الحميداني]

زرار والله الجاثوم من سنين ناسية ماعاد يحبني

والا كان صديق لي بس على فترات علاقتي معه من بعيد لبعيد وانا مو معطية

وجهه00 بس الله يعينك تزوج ويروح عن يزعل ويذلف

واكثر من قلااءة القرآن

مشكووووووووور على الموضوع الرايق وتقبل خالص الود

[الا مويهيه]

عزيزى/ طقطق


هالمره { م, س -- وضح اش عندهـ الجنى اختك استيعابها بطيىء

[زرار طقطق]

حسبي الله على عدوكم اخرتها البارحه ( حاطن رويسي على مخدتي الفوشيه ومتحضن الدبدوب حقي ) مامداني انقلب الا هو كابس على واظن قرى الموضوع في المنتدى وقال بيتقاضى مني ..
فجر : سلامات وراك ماتنامين ؟

ابو كريم : ماظن العرس بيفيد ويمكن بعد نقول ياحليل جنينا وليتنا قعدنا عليه ماجبنا معه هالجنيه ..


ام روان : والله ياخوتس مدري وش فيه علي ووش عنده .. مدري معجبه ديكور الغرفه او له غرض ثاني الوكاد انه غدى علي عقوبه ..

[ديمة الحميداني]

استغفر الله روح مطوع يقرا عليك
مبين فيك شي موطبيعي بس مايبون يجرحون شعورك
وتوبه ادخل المنتدى عقب ماقريت موضوعك
سلام .....ابسكرة بسرعة

[زرار طقطق]

8
8
8
8
8

هذهو البنتو تخافوا كاثيرون